പ്രവാസി വെൽഫെയറിന് കിങ് ഫഹദ് ആശുപത്രിയുടെ ആദരവ്

ദമ്മാം: പ്രവാസി വെൽഫെയറി​ന്റെ ജനസേവന പ്രവർത്തനങ്ങൾക്ക് കിങ് ഫഹദ് സ്പെഷ്യാലിറ്റി ആശുപത്രിയുടെ അനുമോദനവും ആദരവും. ഈസ്​റ്റേൺ പ്രൊവിൻസ് ഹെൽത്ത് ഡിപ്പാർട്ട്മെന്റി​ന്റെ നേതൃത്വത്തിൽ സൗദി അരാംകോ, സാബിക്​, വിവിധ ഗവൺമെമെൻറ്​ വകുപ്പുകളും ആദരിക്കപ്പെട്ട ചടങ്ങിൽ പ്രവാസി റീജനൽ ജനസേവന കൺവീനർ ജംഷാദ് അലി കണ്ണൂർ, പ്രസിഡൻറ്​ അബ്​ദുറഹീം തീരൂർക്കാട് എന്നിവർ ചേർന്ന് അനുമോദന പത്രം ഏറ്റുവാങ്ങി.

10 വർഷം തുടർച്ചയായി പ്രവാസി വെൽഫെയർ നടത്തിയ ജനസേവന പ്രവർത്തനമായ രക്തദാന, മെഡിക്കൽ പ്രവർത്തനങ്ങൾക്കാണ് ആദരവ്. പ്രവാസി വെൽഫെയർ 10ാം വാർഷികം ആഘോഷിക്കുന്ന വേളയിൽ ലഭിച്ച ഈ അംഗീകാരം ഇരട്ടിമധുരം നൽകുന്നൂവെന്ന്​ പ്രസിഡൻറ്​ അബ്​ദുറഹീം തീരൂർക്കാട് പറഞ്ഞു.