സൽമാൻ രാജാവിനെ ട്രംപ്​ ടെലിഫോണിൽ വിളിച്ചു

ജിദ്ദ​: ഖശോഗി വിഷയത്തിൽ വിവാദ പ്രസ്​താവനകൾക്ക്​ പിന്നാലെ യു.എസ്​ പ്രസിഡൻറ്​ ഡൊണാൾഡ്​ ട്രംപ്​ സൗദി ഭരണാധികാരി സൽമാൻ രാജാവിനെ ടെലഫോണിൽ വിളിച്ചു. മേഖലയിലെ രാഷ്​ട്രീയ വിഷയങ്ങളും സൗദി അമേരിക്ക ഉഭയകക്ഷിബന്ധത്തെ കുറിച്ചും ഇരുവരും ചർച്ച ചെയ്​തതായി ഒൗദ്യോഗിക വാർത്ത ഏജൻസി എസ്​.പി.എ റിപ്പോർട്ട്​ ചെയ്​തു.സൗദി മാധ്യമ പ്രവർത്തകൻ ജമാൽ ഖശോഗിയുടെ തിരോധാനത്തെ കുറിച്ച അന്വേഷണത്തിൽ സൗദിയും തുർക്കിയും സഹകരിച്ചു പ്രവർത്തിക്കുന്നതിനെ ട്രംപ്​ പ്രശംസിച്ചു. വസ്​തുതകൾ വ്യക്​തമാക്കിയ സൗദി ഭരണകൂടത്തെയും അദ്ദേഹം പരാമർശിച്ചു.