സൽമാൻ രാജാവും തൂനീഷ്യൻ പ്രസിഡൻറും കൂടിക്കാഴ്ച നടത്തി

ജിദ്ദ: സൗദി ഭരണാധികാരി സൽമാൻ രാജാവും തൂനീഷ്യൻ പ്രസിഡൻറ്​ മുഹമ്മദ്​ അൽബാജി ഖാഇദ്​ അൽ സിബ്​സിയും കൂടിക്കാഴ്​ച നടത്തി. തുനീഷ്യൻ സന്ദർശനത്തിനിടയിൽ ഖിർതാജ്​ കൊട്ടാരത്തിലാണ്​ സൗഹൃദസംഗമം നടന്നത്​. രാഷ്​ട്ര നേതാക്കളുടെ സ ാന്നിധ്യത്തിൽ ഇരു രാജ്യങ്ങളിലെ സംഘം വിപുലമായ ചർച്ചകൾ നടത്തി.

സൗദിക്കും തൂനീഷ്യക്കുമിടയിൽ വിവിധ മേഖലകളിൽ നിലനിൽക്കുന്ന ഉഭയകക്ഷി സഹകരണം കൂടുതൽ വിപുലമാക്കുന്നതിനു വേണ്ട കാര്യങ്ങളും ​​പ്രാദേശിക അന്തർദേശീയ സംഭവ വികാസങ്ങളും ചർച്ച ചെയ്​തു. സൗദി മന്ത്രിമാരായ അമീർ അബ്​ദുൽ അസീസ്​ ബിൻ സഉൗദ്​, ഡോ. മുസാഇദ്​ ബിൻ മുഹമ്മദ്​ അൽഅയ്​ബാൻ, ഡോ. ഇബ്രാഹിം അൽഅസാഫ്​, ഡോ. മാജിദ്​ അൽഖുസൈബി, മുഹമ്മദ്​ ബിൻ അബ്​ദുല്ല അൽജദ്​ആൻ, തുർക്കി ബിൻ അബ്​ദുല്ല അൽശബാന, അഹ്​മദ്​ ബിൻ അബ്​ദുൽ അസീസ്​ ഖത്താൻ, തുണീഷ്യയിലെ സൗദി അംബാസഡർ മുഹമ്മദ്​ ബിൻ മഹ്​മൂദ്​ അലി എന്നിവരും തുനീഷ്യയുടെ ​ഭാഗത്ത്​ നിന്ന്​ പ്രതിരോധ മന്ത്രി അബ്​ദുൽ കാരീ അൽസുബൈദി, ആഭ്യന്തര മന്ത്രി ഹിശാം അൽ ഫറാത്തി, വിദേശകാര്യ മന്ത്രി ഖമീസ്​ അൽജഹ്​നാവി തുടങ്ങിയവരും സംബന്ധിച്ചു.