സൗദി അനുഗൃഹീത രാജ്യമെന്ന് സൽമാൻ രാജാവ്
text_fieldsസൽമാൻ രാജാവ്
ജിദ്ദ: സൗദി അറേബ്യ എന്ന അനുഗൃഹീത രാഷ്ട്രം 1727ൽ സ്ഥാപിച്ചതിന്റെ വാർഷികത്തിൽ ഏറെ അഭിമാനംകൊള്ളുന്നുവെന്ന് സൗദി ഭരണാധികാരി സൽമാൻ രാജാവ് പറഞ്ഞു. ട്വിറ്ററിലൂടെയാണ് സൽമാൻ രാജാവ് ഇക്കാര്യം കുറിച്ചത്.
രാജ്യം സ്ഥാപിതമായ തീയതി മുതൽ ഇന്നുവരെയുള്ള ഈ കാലയളവിനെ തങ്ങൾ വിലമതിക്കുന്നു. സമാധാനത്തിനും സ്ഥിരതക്കും നീതിയുടെ നേട്ടത്തിനും അടിത്തറയിട്ടു.
ഈ വാർഷികാഘോഷം രാജ്യത്തിന്റെ ചരിത്രത്തിന്റെയും ഒരു ജനതയുടെ കെട്ടുറപ്പിന്റെയും എല്ലാ വെല്ലുവിളികൾക്കും മുന്നിൽ ദൃഢതയുടെയും ഭാവിയിലേക്ക് ഉറ്റുനോക്കുന്നതിന്റെയും ആഘോഷമാണ്.
എല്ലാ അനുഗ്രഹങ്ങൾക്കും ദൈവത്തിനു സ്തുതിയെന്നും സൽമാൻ രാജാവ് ട്വിറ്ററിൽ കുറിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.