ബഹ്​റൈൻ രാജാവ്​ സൽമാൻ രാജാവുമായി കൂടിക്കാഴ്​ച നടത്തി

ജിദ്ദ: ഖത്തറുമായി നയതന്ത്രബന്ധം വിച്​ഛേദിച്ചതിന്​ പിന്നാലെ ബഹ്​റൈൻ രാജാവ് ഹമദ്​ ബിൻ ഇൗസ ആൽ ഖലീഫ ജിദ്ദയിലെത്തി സൗദി ഭരണാധികാരി സൽമാൻ രാജാവുമായി കൂടിക്കാഴ്​ച നടത്തി. കാലങ്ങളായി സൗദി അറേബ്യയുമായി ​െഎക്യദാർഢ്യം പുലർത്തിവരുന്ന രാജ്യമാണ്​​ ബഹ്​റൈനെന്ന്​ ഹമദ്​ ബിൻ ഇൗസ ആലു ഖലീഫ പറഞ്ഞു. ബുധനാഴ്​ച ജിദ്ദയിലെത്തിയ ഉടനെ നടത്തിയ  പ്രസ്​താവനയിലാണ്​ അ​ദ്ദഹം ഇക്കാര്യം വ്യക്​തമാക്കിയത്​.​മേഖലയിലെ സംഭവങ്ങൾ ചർച്ച ചെയ്യുന്നതിനും ബഹ്റൈന്​ നൽകുന്ന സഹായത്തിനും​ നന്ദി അറിയിക്കാനാണ്​ എത്തിയത്​. ഇറാൻ,ഖത്തർ ഇടപെടലുകളുണ്ടാകു​േമ്പാ​ഴോക്കെ ബഹ്​റൈനിൽ​ സ്​ഥിരതയും സമാധാനവും നിലനിർത്തുന്നതിന്​ സൗദി അറേബ്യ തുണയായിട്ടുണ്ട്​. മറ്റ്​ അറബ്​ ഇസ്​ ലാമിക രാജ്യങ്ങളിലും ഖത്തർ ഇടപ്പെടാൻ തുടങ്ങിയ സാഹചര്യത്തിൽ സമാധാനവും സുരക്ഷയും നിലനിർത്താൻ നടപടികളെടുക്കുകയല്ലാ​തെ മറ്റ്​ മാർഗങ്ങളൊന്നുമില്ല. ഖത്തർ നിലപാടുകൾ മാറ്റുകയും കരാറുകൾ പാലിക്കുകയും ചെയ്യണമെന്നും അദ്ദേഹം​ പറഞ്ഞു. സൗദിയിലെത്തിയ ബഹ്​റൈൻ രാജാവിനെ  സൽമാൻ രാജാവ് ജിദ്ദ അൽസലാം കൊട്ടാരത്തിൽ സ്വീകരിച്ചു. നോമ്പ്​ തുറയിലും പ​െങ്കടുത്തു. ജിദ്ദ വിമാനത്താവളത്തിലെത്തിയ ബഹ്​റൈൻ രാജാവിനെ മക്ക മേഖല ഗവർണർ അമീർ ഖാലിദ്​ അൽഫൈസൽ, ജിദ്ദ മേയർ ഡോ. ഹാനീ അബൂറാസ്​, മക്ക മേഖല പൊലീസ്​ മേധാവി കേണൽ സഅദ്​ ബിൻ സാലിം അൽഖർനി, ജിദ്ദ വിമാനത്താവള മേധാവി എൻജിനീയർ അബ്​ദുല്ല അൽറീമി, മക്ക മേഖല പ്രെ​ാേട്ടാകോൾ ഒാഫീസ്​ മേധാവി അഹ്​മദ്​ ബിൻ ദാഫിർ എന്നിവർ സ്വീകരിച്ചു.