കിപ്​റ്റ്​ ജി.സി.സി ഭാരവാഹികളെ തെരഞ്ഞെടുത്തു

ദമ്മാം: കണ്ണമംഗലം പ്രവാസി ചാരിറ്റബ്​ൾ ട്രസ്​റ്റ്​ (കിപ്റ്റ്‌) ജി.സി.സി തല ഭാരവാഹികളെ തെര​െഞ്ഞടുത്തു. സൂമിലൂടെ നടന്ന വാർഷിക ജനറൽ ബോഡിയാണ്​ പുതിയ നേതൃത്വത്തെ തെര​െഞ്ഞടുത്തത്​. എൻ.കെ. ഗഫൂർ ദുബൈ (പ്രസി​), ഡി.കെ. വിജയൻ അബൂദബി (ജന. സെക്ര), പി.ടി. അലവി അബൂദബി (ട്രഷ), യൂസുഫ്​ പുല്ലംതൊടിക സൗദി, മുസ്​തഫ കീരി, കാസിം കൊടക്കല്ലൻ, മനീർ അരീക്കൻ (ട്രസ്​റ്റ്​ അംഗങ്ങൾ) എന്നിവരെയാണ്​ അടുത്ത വർഷത്തെ ഭാരവാഹികളായി നിശ്ചയിച്ചത്്. നിലവിൽ ട്രസ്​റ്റ്​ നടത്തിക്കൊണ്ടിരിക്കുന്ന പ്രവർത്തനങ്ങളെക്കുറിച്ച്​ മുൻ ഭാരവാഹികൾ വിവരിച്ചു.

നിരവധി ജീവകാരുണ്യ പ്രവർത്തനങ്ങൾക്കാണ്​ കഴിഞ്ഞ കാലങ്ങളിൽ ട്രസ്​റ്റ്​ നേതൃത്വം കൊടുത്തതെന്ന്​ റിപ്പോർട്ടിൽ സെക്രട്ടറി വിശദീകരിച്ചു. സമൂഹത്തിലെ നിരാലംബർക്കും രോഗികൾക്കും സാമ്പത്തികമായി ബുദ്ധിമുട്ടുന്നവർക്കും പിന്നാക്കക്കാർക്കും സഹായം നൽകുകയെന്ന ലക്ഷ്യത്തോടെ 2018 ജനുവരി മുതലാണ്​ ട്രസ്​റ്റി​െൻറ പ്രവർത്തനം ആരംഭിച്ചത്​.

പ്രവാസികളായ കണ്ണമംഗലം സ്വദേശികളുടെ ഒത്തുകൂടലും ശാക്​തീകരണവും ഒപ്പം നാട്ടിലെ ജീവകാരുണ്യ പ്രവർത്തനങ്ങൾക്ക്​ നേതൃത്വം കൊടുക്കുകയുമാണ്​ പ്രധാനമായും ചെയ്​തു​െകാണ്ടിരിക്കുന്നത്. പ്രളയകാലത്തും അതിനുശേഷവും മലപ്പുറം ജില്ലയിൽ ആകമാനം സഹായങ്ങൾ എത്തിക്കാൻ ട്രസ്​റ്റിന്​ കഴിഞ്ഞു. ഒപ്പം നിരവധി പേർക്ക്​ കുടിവെള്ളമെത്തിക്കാനുള്ള പ്രവർത്തനത്തിനും സാധിച്ചു. കോവിഡ്​ കാലത്ത്​ കമ്യൂണിറ്റി കിച്ചണും ക്വാറൻറീൻ സെൻററുകൾക്കും സഹായമായി ട്രസ്​റ്റി​െൻറ പ്രവർത്തകർ എത്തിയിരുന്നു.