മ​ല​പ്പു​റം ജി​ല്ല കെ.​എം.​സി.​സി വെ​ൽ​ഫ​യ​ർ വി​ങ്​ മ​രു​ന്നെ​ത്തി​ച്ചു 

റി​യാ​ദ്: നാ​ട്ടി​ല്‍ നി​ന്നും മ​രു​ന്നെ​ത്തി​ച്ച് ക​ഴി​ച്ചി​രു​ന്ന​വ​ര്‍ക്ക് പ​ക​രം മ​രു​ന്ന് ല​ഭി​ക്കാ​ത്ത സാ​ഹ​ച​ര്യ​ത്തി​ല്‍, മ​രു​ന്നു​ക​ള്‍ കാ​ര്‍ഗോ വ​ഴി എ​ത്തി​ച്ച് ന​ല്‍കു​ന്ന​ത് റി​യാ​ദ് കെ.​എം.​സി.​സി മ​ല​പ്പു​റം ജി​ല്ല വെ​ൽ​ഫെ​യ​ർ വി​ങ്​ തു​ട​രു​ന്നു. ക​ഴി​ഞ്ഞ ദി​വ​സം നാ​ട്ടി​ല്‍ നി​ന്ന് നാ​ലാം​ഘ​ട്ട മ​രു​ന്നു​ക​ള്‍ റി​യാ​ദി​ലെ​ത്തി. ഷൗ​ക്ക​ത്ത് ക​ട​മ്പോ​ട്ട്, റി​യാ​സ് തി​രൂ​ക്കാ​ട്, ഇ​സ്ഹാ​ഖ് താ​നൂ​ർ, മു​ബാ​റ​ക് ഒ​ള​വ​ട്ടൂ​ർ, മു​ബാ​റ​ക് ഏ​റ​നാ​ട് എ​ന്നി​വ​രു​ടെ നേ​തൃ​ത്വ​ത്തി​ൽ മ​രു​ന്നു​ക​ള്‍ വേ​ര്‍തി​രി​ച്ച് ഓ​രോ​രു​ത്ത​രു​ടെ​യും താ​മ​സ സ്ഥ​ല​ത്ത് എ​ത്തി​ക്കു​ക​യാ​ണ്. 

മു​സ്‌​ലിം യൂ​ത്ത് ലീ​ഗ് വൈ​റ്റ് ഗാ​ര്‍ഡ് മെ​ഡി ചെ​യി​ന്‍ പ​ദ്ധ​തി വ​ഴി തി​രു​വ​ന​ന്ത​പു​രം മു​ത​ല്‍ കാ​സ​ര്‍കോ​ട് വ​രെ​യു​ള്ള റി​യാ​ദ് പ്രാ​വി​ശ്യ​യി​ലെ രോ​ഗി​ക​ളു​ടെ ബ​ന്ധു​ക്ക​ള്‍ ജീ​വ​ന്‍ര​ക്ഷാ മ​രു​ന്നു​ക​ള്‍ എ​ത്തി​ക്കു​മ്പോ​ള്‍ നി​യ​മ​പ​ര​മാ​യ എ​ല്ലാ ന​ട​പ​ടി​ക്ര​മ​ങ്ങ​ളും പൂ​ർ​ത്തി​യാ​ക്കി ഡ്ര​ഗ് ക​ണ്‍ട്രോ​ളി​​െൻറ അ​നു​മ​തി പ​ത്രം വാ​ങ്ങി​യാ​ണ്​ മ​രു​ന്നു​ക​ള്‍ റി​യാ​ദി​ലേ​ക്ക് അ​യ​ക്കു​ന്ന​ത്. ഈ ​സേ​വ​നം വ​ഴി നാ​ട്ടി​ൽ നി​ന്ന് ജീ​വ​ൻ ര​ക്ഷാ​മ​രു​ന്നു​ക​ൾ ആ​വ​ശ്യ​മു​ള്ള​വ​ർ റ​ഫീ​ഖ് മ​ഞ്ചേ​രി (0536880152), റി​യാ​സ് തി​രൂ​ർ​ക്കാ​ട് (0531400419) എ​ന്നീ ന​മ്പ​റു​ക​ളി​ൽ ബ​ന്ധ​പ്പെ​ട​ണ​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.