കെ.എൻ.എം പൊതുപരീക്ഷ; ഗൾഫ് സെക്ടറിൽ റിയാദ് സലഫി മദ്റസക്ക് നൂറുമേനി വിജയം
text_fieldsഅമൽ മുഹമ്മദ്, അമൻ മുഹമ്മദ്, ആയിശ സനീജ്, കാശിഫ് മിൻഹാൽ, ൻഹാ കരീം, മുഹമ്മദ് ഹാസിം ഷയാൻ, റിൻഷ ബക്കർ, സിംറാ സാജിദ്, മൻഹാ സമീർ, അയ്മൻ ബിൻ ഇർഷാദ്, ഹിബാ ജന, റസാൻ അനസ്, മിൻഹാ നസ്റിൻ, മുഹമ്മദ് ഫസൽ, തമന്ന ശറഫ്, ശാബ് റാദി
റിയാദ്: കേരളാ നദ്വത്തുൽ മുജാഹിദീൻ (കെ.എൻ.എം) നടത്തിയ 2023-2024 വർഷത്തെ പൊതുപരീക്ഷയിൽ ഗൾഫ് സെക്ടറിൽ റിയാദ് സലഫി മദ്റസയിൽ പരീക്ഷയെഴുതിയ മുഴുവൻ വിദ്യാർഥികളും ഉന്നത വിജയം നേടി. നേടിയ എ പ്ലസുകൾ കൊണ്ട് റെക്കോഡ് ഇടുകയും ചെയ്തു.
അമൽ മുഹമ്മദ്, അമൻ മുഹമ്മദ്, ആയിശ സനീജ്, കാശിഫ് മിൻഹാൽ, മിൻഹാ കരീം, മുഹമ്മദ് ഹാസിം ഷയാൻ, റസാൻ അനസ്, റിൻഷ ബക്കർ, സിംറാ സാജിദ്, ഫാത്തിമ ജനാ എന്നിവർ അഞ്ചാം തരത്തിൽ മുഴുവൻ വിഷയങ്ങളിലും എ പ്ലസ് സ്വന്തമാക്കി.
മൻഹാ സമീർ, അയ്മൻ ബിൻ ഇർഷാദ്, ഹിബാ ജന, മിൻഹാ നസ്റിൻ, മുഹമ്മദ് ഫസൽ, തമന്ന ശറഫ്, ശാബ് റാദി, ഇൽഹാൻ ഫിറോസ്, ജനാ ജാഫർ ഏഴാം തരത്തിൽ മുഴുവൻ വിഷയങ്ങളിലും എ പ്ലസ് കരസ്ഥമാക്കി. കെ.എൻ.എം ഗൾഫ് സെക്ടറിൽ നടത്തിയ അഞ്ച്, ഏഴ് പൊതുപരീക്ഷയിൽ സൗദി അറേബ്യയിൽ ഏറ്റവും കൂടുതൽ കുട്ടികൾ പരീക്ഷയെഴുതിയ മദ്റസയാണ് റിയാദ് സലഫി മദ്റസ.
മൂന്ന് പതിറ്റാണ്ടായി റിയാദിൽ പ്രവർത്തിക്കുന്ന മദ്റസ ഇസ്ലാമിക മതകാര്യമന്ത്രാലയത്തിന്റെ അംഗീകാരത്തോടെ റിയാദ് ഇന്ത്യൻ ഇസ്ലാഹി സെൻററാണ് നടത്തുന്നത്. മതപഠനത്തോടൊപ്പം മലയാള ഭാഷാപഠനവും കുട്ടികളുടെ കഴിവുകൾ പരിപോഷിപ്പിക്കുന്നതിന് പാഠ്യാന്തര പദ്ധതികളും ടീനേജ് ക്ലാസുകളും രക്ഷിതാക്കൾക്ക് പ്രത്യേക ക്ലാസുകളും സംഘടിപ്പിക്കുന്നു. മദ്റസ ആവശ്യങ്ങൾക്കായി 0562508011 എന്ന നമ്പറിൽ ഓഫിസ് സെക്രട്ടറിയെ ബന്ധപ്പെടാവുന്നതാണ്.
പൊതുപരീക്ഷയിൽ വിജയികളായ മുഴുവൻ കുട്ടികളെയും പഠനത്തിന് നേതൃത്വം കൊടുത്ത മുഴുവൻ അധ്യാപകരെയും അഭിനന്ദിക്കുന്നതായും മദ്റസയിൽ അഡ്മിഷൻ തുടരുന്നതായും വിസിറ്റ് വിസയിൽ ഉള്ളവർക്കും പഠനത്തിന് അവസരം ഒരുക്കുന്നതായും പ്രിൻസിപ്പൽ അംജദ് അൻവാരി, മാനേജർ മുഹമ്മദ് സുൽഫിക്കർ, അഡ്മിനിസ്ട്രേറ്റർ അബ്ദുൽ വഹാബ് പാലത്തിങ്ങൽ, സ്റ്റാഫ് സെക്രട്ടറി ബാസിൽ എന്നിവർ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.