കോവിഡ്​: അഞ്ചൽ സ്വദേശി റിയാദിൽ മരിച്ചു

റിയാദ്​: കോവിഡ്​ ബാധിച്ച്​ ചികിത്സയിലായിരുന്ന മലയാളി റിയാദിൽ മരിച്ചു. കൊല്ലം അഞ്ചൽ ഏരൂർ പത്തടി സ്വദേശി കൊടിവിള പുത്തൻവീട്ടിൽ ശരീഫ്​ (52) ആണ്​ ബുധനാഴ്​ച രാവിലെ റിയാദ്​ മൻസൂരിയയിലെ അൽഇൗമാൻ ആശുപത്രിയിൽ മരിച്ചത്​. 

പനി പിടിപെട്ടതിനെ തുടർന്ന്​ ജൂൺ 15ന്​​ ബത്​ഹയിലെ സ്വകാര്യ ആശുപത്രിയിൽ ചികിത്സ തേടി. അവിടെ നിന്നുള്ള നിർദേശപ്രകാരം 19ന്​ അൽഇൗമാൻ ആശുപത്രിയിൽ അഡ്​മിറ്റാവുകയുമായിരുന്നു. അസുഖം മൂർച്​ഛിച്ചതിനെ തുടർന്ന്​ തീവ്രപരിചരണ വിഭാഗത്തിലേക്ക്​ മാറ്റി. 

ദീർഘകാലമായി റിയാദിൽ പ്രവാസിയായിരുന്ന ഇദ്ദേഹം കുറച്ചുകാലം മുമ്പ്​ വിസ റദ്ദ്​ ചെയ്​ത്​ നാട്ടിൽ പോയിരുന്നു. ശേഷം പുതിയ  വിസയിൽ തിരിച്ചുവന്ന്​ റിയാദിൽ ലോൻഡ്രി നടത്തുകയായിരുന്നു. അടുത്തിടെ ലോൻഡ്രി നിർത്തി ഫൈനൽ എക്​സിറ്റിൽ​​ നാട്ടിൽ പോകാൻ കാത്തിരിക്കു​േമ്പാഴാണ്​ കോവിഡ്​ പ്രതിസന്ധിയുണ്ടായത്​. 

മൃതദേഹം അൽഇൗമാൻ ആശുപത്രി മോർച്ചറിയിൽ​. പിതാവ്​: മുഹമ്മദ്​ ഹനീഫ. മാതാവ്​: ഫാത്തിമ ബീവി. ഭാര്യ: നജ്​മുന്നിസ. എട്ട്​ മക്കളുണ്ട്​.