സന്ദർശന വിസയിൽ ജിദ്ദയിലെത്തിയ കോഴിക്കോട് സ്വദേശി മരിച്ചു

ജിദ്ദ: സന്ദർശന വിസയിൽ ജിദ്ദയിലെത്തിയ കോഴിക്കോട് സ്വദേശി ഹൃദയാഘാതം മൂലം മരിച്ചു. ഉള്ളേരി കക്കഞ്ചേരി തട്ടാർകണ്ടി മീത്തൽ പക്കു (63) എന്നയാളാണ് വെള്ളിയാഴ്ച രാത്രി മരിച്ചത്.

നെഞ്ചുവേദനയെത്തുടർന്ന് ജിദ്ദ കിങ് ഫഹദ് ആശുപത്രിയിൽ ചികിത്സയിലിരിക്കെയാണ് മരണം. ഭാര്യ: ഫാത്തിമ. മക്കൾ: തെസ്നി (നഴ്സ്, ഈസ്റ്റ് ജിദ്ദ ആശുപത്രി), തസ്‌ലീമ മുണ്ടോത്ത്, തമീമ പേരാമ്പ്ര, മുഹമ്മദ്‌ സുഹൈൽ, മുഹമ്മദ്‌ അൻഫാൽ, മരുമക്കൾ: ഷാനവാസ് ജിദ്ദ, ഫൈസൽ ദുബായ്, ജൻഷിദ് പേരാമ്പ്ര.

മരണാനന്തര നിയമസഹായങ്ങൾക്കും മറ്റും കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.