കോഴിക്കോട് സ്വദേശി ഖമീസ് മുശൈത്തിൽ മരിച്ചു

ഖമീസ്‌ മുശൈത്ത് (സൗദി അറേബ്യ): കോഴിക്കോട് പയ്യാനക്കൽ സ്വദേശി പുതിയകോവിലകം മുഹമ്മദ് കുട്ടിയുടെ മകൻ അബ്ദുൽ ഖാദർ (47) സൗദി അറേബ്യയിലെ ഖമീസ് മുശൈത്തിൽ ഹൃദയാഘാതം മൂലം മരിച്ചു. 20 വർഷത്തോളമായി സ്വകാര്യ സർവേ കമ്പനിയിൽ സിവിൽ എൻജിനീയറായിരുന്നു. ഇന്ത്യ ഫ്രറ്റേണിറ്റി ഫോറം പ്രവർത്തകനാണ്.

മാതാവ്: പാത്തുമ്മ. ഭാര്യ: നൗഫീറ. മക്കൾ: സ്വാലിഹ്, ഫാത്തിമ തസ്‌നിം. സഹോദരങ്ങൾ: അഷ്‌റഫ് (ഖത്തർ), അസ്‌ലം, മഅറൂഫ്, അസ്മാബി. സഹോദരീ ഭർത്താവ്: മുസ്തഫ. മൃതദേഹം ഖമീസ് ജനറൽ ഹോസ്പിറ്റൽ മോർച്ചറിയിൽ. നടപടിക്രമങ്ങൾക്കു ശേഷം ഖമീസിൽ തന്നെ ഖബറടക്കുമെന്ന് ബന്ധപ്പെട്ടവർ അറിയിച്ചു.