റിയാദിൽ ലേബർ ക്യാമ്പിൽ തീപിടിത്തം

റിയാദ്​: തൊഴിലാളികളുടെ താമസ കേന്ദ്രത്തിൽ തീപിടിത്തം. റിയാദിലെ അൽമശാഇൽ ഡിസ്​ട്രിക്​റ്റിൽ ഒരു പദ്ധതിക്ക്​ കീഴിലെ തൊഴിലാളികൾ താമസിക്കുന്ന സ്ഥലത്താണ്​​ അഗ്​നിബാധയുണ്ടായതെന്ന്​ സിവിൽ ഡിഫൻസ്​ ട്വീറ്റ്​ ചെയ്​തു.

ക്യാമ്പിൽനിന്ന്​ തൊഴിലാളികളെ ഒഴിപ്പിക്കുകയും തീ അണക്കുകയും ആവശ്യമായ പ്രതിരോധ നടപടികൾ സ്വീകരിക്കുകയും ചെയ്​തു. തൊഴിലാളികൾക്ക്​ ആർക്കും പരിക്കേറ്റിട്ടില്ലെന്നും സിവിൽ ഡിഫൻസ്​ വ്യക്തമാക്കി.