കഴിഞ്ഞ വർഷം സൗദിയിൽനിന്ന്​ പുറത്തുപോയത് 1.29 ലക്ഷം വിദേശികൾ

ജി​ദ്ദ: 2020ൽ ​സൗ​ദി അ​റേ​ബ്യ​യി​ൽ​നി​ന്നു ജോ​ലി ന​ഷ്​​ട​പ്പെ​ട്ട്​ സ്വ​ദേ​ശ​ങ്ങ​ളി​ലേ​ക്ക് തി​രി​ച്ചു​പോ​യ വി​ദേ​ശി​ക​ളു​ടെ എ​ണ്ണം 1,29,000 എ​ത്തി​യ​താ​യി സ​ർ​ക്കാ​ർ റി​പ്പോ​ർ​ട്ട്. ഇ​വ​രി​ൽ 1,20,000 പേ​ർ പു​രു​ഷ​ന്മാ​രും ബാ​ക്കി സ്ത്രീ​ക​ളു​മാ​ണ്. മു​ൻ വ​ർ​ഷ​ത്തേ​ക്കാ​ൾ വി​ദേ​ശ തൊ​ഴി​ലാ​ളി​ക​ളു​ടെ എ​ണ്ണ​ത്തി​ൽ ര​ണ്ടു ശ​ത​മാ​നം ഇ​ടി​വാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്. 2020 അ​വ​സാ​ന​ത്തോ​ടെ മൊ​ത്തം വി​ദേ​ശി​ക​ളു​ടെ എ​ണ്ണം 63.5 ല​ക്ഷ​മാ​യി കു​റ​ഞ്ഞു. അ​തേ​സ​മ​യം, ജ​ന​റ​ൽ ഓ​ർ​ഗ​നൈ​സേ​ഷ​ൻ ഫോ​ർ സോ​ഷ്യ​ൽ ഇ​ൻ​ഷു​റ​ൻ​സി​ൽ (ഗോ​സി) ര​ജി​സ്​​റ്റ​ർ ചെ​യ്ത സ്വ​ദേ​ശി ജീ​വ​ന​ക്കാ​രു​ടെ എ​ണ്ണം നാ​ലു ശ​ത​മാ​നം വ​ർ​ധി​ച്ച് 20.3 ല​ക്ഷ​മാ​യി ഉ​യ​ർ​ന്നു.

2020ൽ ​മാ​ത്രം പ്രാ​ദേ​ശി​ക തൊ​ഴി​ൽ വി​പ​ണി​യി​ൽ ചേ​ർ​ന്ന സൗ​ദി പു​രു​ഷ​ന്മാ​രു​ടെ​യും സ്ത്രീ​ക​ളു​ടെ​യും എ​ണ്ണം 74,000 ആ​ണെ​ന്ന് സ​ർ​ക്കാ​ർ റി​പ്പോ​ർ​ട്ടു​ക​ൾ വ്യ​ക്ത​മാ​ക്കു​ന്നു. റി​പ്പോ​ർ​ട്ടു​ക​ൾ​പ്ര​കാ​രം 2020​‍െൻ​റ അ​വ​സാ​ന​ത്തി​ലാ​ണ് പ്രാ​ദേ​ശി​ക തൊ​ഴി​ൽ വി​പ​ണി​യി​ൽ​നി​ന്ന് വി​ദേ​ശി​ക​ൾ കൂ​ടു​ത​ലാ​യി പു​റ​ത്താ​യ​ത്. ഈ ​കാ​ല​യ​ള​വി​ൽ 18,000 സ്വ​ദേ​ശി​ക​ളും ജോ​ലി ഉ​പേ​ക്ഷി​ച്ചി​ട്ടു​ണ്ട്. സ​ർ​ക്കാ​ർ മേ​ഖ​ല​യി​ൽ ജോ​ലി ചെ​യ്യു​ന്ന സ്വ​ദേ​ശി പു​രു​ഷ​ന്മാ​രു​ടെ​യും സ്ത്രീ​ക​ളു​ടെ​യും എ​ണ്ണം 2,81,000ഉം ​സ്വ​കാ​ര്യ​മേ​ഖ​ല​യി​ൽ ജോ​ലി ചെ​യ്യു​ന്ന പൗ​ര​ന്മാ​രു​ടെ എ​ണ്ണം 17.5 ല​ക്ഷ​വു​മാ​ണ്. സ​ർ​ക്കാ​ർ മേ​ഖ​ല​യി​ൽ 74,000 വി​ദേ​ശി​ക​ളും ജോ​ലി ചെ​യ്യു​ന്നു​ണ്ട്. ഗോ​സി​യി​ൽ ര​ജി​സ്​​റ്റ​ർ ചെ​യ്ത ഭൂ​രി​ഭാ​ഗം സ്വ​ദേ​ശി​ക​ളും 20നും 24 ​വ​യ​സ്സി​നു​മി​ട​യി​ലു​ള്ള​വ​രാ​ണ്. 15 മു​ത​ൽ 19 വ​രെ​യും 25 മു​ത​ൽ 29 വ​രെ​യും വ​യ​സ്സി​ലു​ള്ള​വ​ർ മൂ​ന്നാം സ്ഥാ​ന​ത്താ​ണ്. എ​ൻ​ജി​നീ​യ​റി​ങ്, ക്ല​റി​ക്ക​ൽ ജോ​ലി​ക​ൾ, ശാ​സ്ത്രീ​യ, സാ​ങ്കേ​തി​ക മേ​ഖ​ല​ക​ളി​ലെ വി​ദ​ഗ്ധ​ർ, വി​ൽ​പ​ന മേ​ഖ​ല​ക​ൾ എ​ന്നി​വ​യാ​ണ് സ്വ​ദേ​ശി​ക​ൾ തെ​ര​ഞ്ഞെ​ടു​ത്ത പു​തി​യ ജോ​ലി​ക​ളി​ൽ ഭൂ​രി​ഭാ​ഗ​വും.