ലുലു എക്​സ്​പ്രസ്​  ദമ്മാമിൽ പ്രവർത്തനമാരംഭിച്ചു

ദമ്മാം: ലുലു ​ഗ്രൂപ്പി​​െൻറ 'ലുലു എക്​സ്​പ്രസ്'​ ദമ്മാമിൽ പ്രവർത്തനമാരംഭിച്ചു. അരാംകോ ഏരിയ ഹോം ഒാണർഷിപ്പ്​ ഡവലപ്പ്​മ​െൻറ്​ ഡിവിഷൻ അഡ്​മിനിസ്​ട്രേറ്റർ വജീഹ്​ മലബാരി ഉദ്​ഘാടനം നിർവഹിച്ചു. സൗദിയിലെ നിക്ഷേപ, വാണിജ്യ സാഹചര്യങ്ങളും പ്രവർത്തന പുരോഗതിയും കാര്യക്ഷമമാണെന്നും 2020 ഒാടെ 20 ഒാളം പുതിയ ലുലു ശാഖകൾ സൗദിയുടെ വിവിധ ഭാഗങ്ങളിൽ സ്​ഥാപിക്കുമെന്നും ലുലു ഗ്രൂപ്പ്​ ചെയർമാൻ എം.എ യൂസുഫലി ഉദ്​ഘാടന ചടങ്ങിൽ പറഞ്ഞു. റിയാദിൽ രണ്ടെണ്ണവും ദമ്മാമിലും തബൂക്കിലും ഒാരോ ശാഖയും തുറക്കും. നിലവിൽ 2400 സ്വദേശി പൗരൻമാർ ജോലിചെയ്യുന്ന ലുലുവിൽ 1100 വനിതാ തൊഴിലാളികളുണ്ടെന്നും അത്​ 2020 ഒാടെ 5000 ഒാളം ഉയർത്താനാവുമെന്ന ​​​​പ്രതീക്ഷയിലാണെന്നും അദ്ദേഹം പറഞ്ഞു. 

143ാമത്​ ശാഖ കിഴക്കൻ ദമ്മാമിലെ അൽനൗറാസിൽ വ്യാഴാഴ്​ചയാണ്​ പ്രവർത്തനമാരംഭിച്ചത്​. സൗദിയിലെ 12ാമത്തെ ഇൗ​ ശാഖ 20,000 സ്​ക്വയർ ഫീറ്റിലാണ്​ സജ്ജമാക്കിയിരിക്കുന്നത്​. ഉദ്ഘാടനത്തോടനുബന്ധിച്ച്​ കുറഞ്ഞ നിരക്കിൽ ഉത്​പന്നങ്ങൾ ഉപഭോക്​താക്കൾക്ക്​ ലഭ്യമാക്കുമെന്ന്​ മാനേജ്​മ​െൻറ്​ വൃത്തങ്ങൾ അറിയിച്ചു. ലുലു സൗദി ഡയറക്​ടർ ശഹീം മുഹമ്മദ്​, കിഴക്കൻ പ്രവിശ്യ ഡയറക്​ടർ അബ്​ദുൽ ബഷീർ, സെൻട്രൽ പ്രവിശ്യ ഡയറക്​ടർ സലീം വി.കെ, വെസ്​റ്റേൺ പ്രവിശ്യ ഡയറക്​ടർ മുഹമ്മദ്​ മുസ്​തഫ തുടങ്ങി മുതിർന്ന ലുലു മാനേജ്​മ​െൻറ്​ പ്രതിനിധികൾ ഉദ്​ഘാടന ചടങ്ങിൽ സംബന്ധിച്ചു.