ലുലു ജുബൈൽ റോയൽ കമീഷൻ ബ്രാഞ്ച് മാനേജർ ഹൃദയാഘാതത്തെ തുടർന്ന് മരിച്ചു

ജുബൈൽ: ലുലു ജുബൈൽ റോയൽ കമീഷൻ ബ്രാഞ്ച് മാനേജറും എറണാകുളം പള്ളുരുത്തി നമ്പ്യാമ്പുറം കണ്ടത്തിപ്പറമ്പിൽ ഹബീബിന്റെ മകനുമായ കെ. അജീഷ് (29) ഹൃദയാഘാതത്തെ തുടർന്ന് മരിച്ചു. വ്യാഴാഴ്ച താമസസ്ഥലത്ത് നെഞ്ചുവേദന അനുഭവപ്പെട്ട് കുഴഞ്ഞു വീഴുകയായിരുന്നു.

ഉടൻ സമീപത്തെ കിംസ് ആശുപത്രിയിലും തുടർന്ന് ജുബൈൽ ജനറൽ ആശുപത്രിയിലും പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. അഞ്ചു വർഷമായി ലുലുവിൽ സേവനമനുഷ്ടിക്കുന്നു. മൃതദേഹം ജുബൈൽ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്നു. മാതാവ്: സാജിത, ഭാര്യ: സുഹാന, സഹോദരി: മുത്തു ബീവി.