‘മൈ​ത്രീ​യം 24’ വെ​ള്ളി​യാ​ഴ്ച ഇ​ന്ത്യ​ൻ കോ​ൺ​സു​ലേ​റ്റി​ൽ

ജി​ദ്ദ: ക​ലാ, സാം​സ്കാ​രി​ക, കാ​യി​ക മി​ക​വി​ലും സാ​മൂ​ഹി​ക ഇ​ട​പെ​ട​ലി​ലു​ക​ളി​ലൂ​ടെ​യും ര​ണ്ട​ര പ്പ​തി​റ്റാ​ണ്ടി​ല​ധി​കം പി​ന്നി​ട്ട ജി​ദ്ദ​യി​ലെ മൈ​ത്രി ക​ലാ, സാം​സ്കാ​രി​ക സം​ഘ​ട​ന​യു​ടെ 28ാം വാ​ർ​ഷി​കാ​ഘോ​ഷം ന​വം​ബ​ർ 15ന് ​ന​ട​ക്കു​മെ​ന്ന് ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

‘മൈ​ത്രീ​യം 24’ എ​ന്ന പേ​രി​ൽ ന​ട​ക്കു​ന്ന ആ​ഘോ​ഷ പ​രി​പാ​ടി​ക​ൾ ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റ് അ​ങ്ക​ണ​ത്തി​ൽ വൈ​കീ​ട്ട് അ​ഞ്ച് മു​ത​ൽ ആ​രം​ഭി​ക്കും. മ​ല​യാ​ള സം​ഗീ​ത​രം​ഗ​ത്തെ പു​തു ഗാ​യ​ക​രാ​യ അ​തു​ൽ ന​റു​ക​ര, ഷി​നോ പോ​ൾ, ശെ​യ്ഖ അ​ബ്ദു​ല്ല എ​ന്നി​വ​ർ അ​തി​ഥി​ക​ളാ​യ സം​ഗീ​ത വി​രു​ന്നാ​ണ് മു​ഖ്യ​ആ​ക​ർ​ഷ​കം. മൈ​ത്രി​യു​ടെ 60 ലേ​റെ ക​ലാ​കാ​ര​ന്മാ​ർ ക​ലാ​വി​രു​ന്നു​മാ​യി അ​ര​ങ്ങി​ലെ​ത്തും.

ജി​ദ്ദ​യി​ലെ ക​ലാ, സാം​സ്കാ​രി​ക, സാ​മൂ​ഹി​ക, ആ​രോ​ഗ്യ മേ​ഖ​ല​ക​ളി​ൽ മി​ക​ച്ച സേ​വ​നം ന​ൽ​കു​ന്ന വ്യ​ക്തി​ത്വ​ങ്ങ​ൾ​ക്കു​ള്ള ആ​ദ​ര​വു​മു​ണ്ട്. ഇ​പ്രാ​വ​ശ്യം മു​ഹ​മ്മ​ദ് കു​ട്ടി പാ​ണ്ടി​ക്കാ​ട് (ജീ​വ​കാ​രു​ണ്യം), ഡോ. ​വി​നീ​ത പി​ള്ള (ആ​രോ​ഗ്യം), സ​ന്തോ​ഷ് ജി ​നാ​യ​ർ, ന​ജീ​ബ് വെ​ഞ്ഞാ​റ​മൂ​ട് (ക​ലാ, സാം​സ്കാ​രി​കം) എ​ന്നി​വ​രെ​യാ​ണ് തി​ര​ഞ്ഞെ​ടു​ത്തി​രി​ക്കു​ന്ന​ത്.

ഇ​വ​രെ ആ​ഘോ​ഷ വേ​ദി​യി​ൽ വെ​ച്ച് ആ​ദ​രി​ക്കും. പ​ഠ​ന മി​ക​വി​നു​ള്ള അം​ഗീ​കാ​ര​മാ​യി പ​ത്ത്, പ​ന്ത്ര​ണ്ട് ക്ലാ​സു​ക​ൾ, ബി​രു​ദം, ബി​രു​ദാ​ന​ന്ത​ര ബി​രു​ദം, പ്ര​ശ​സ്ത യൂ​നി​വേ​ഴ്സി​റ്റി​ക​ളി​ൽ പ്ര​വേ​ശ​നം ല​ഭി​ച്ച വി​ദ്യാ​ർ​ത്ഥി​ക​ളെ​യും ആ​ദ​രി​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

വ​യ​നാ​ട് ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ​പെ​ട്ട​വ​ർ​ക്കും സ​ഹാ​യം ന​ൽ​കി. മൈ​ത്രി അം​ഗ​ങ്ങ​ളാ​യി​രി​ക്കെ മ​രി​ച്ച​വ​രു​ടെ കു​ടും​ബ​ങ്ങ​ൾ​ക്കും സം​ഘ​ട​ന സ​ഹാ​യം എ​ത്തി​ച്ചു. വി​ശേ​ഷാ​വ​സ​ര​ങ്ങ​ളി​ലെ​ല്ലാം മൈ​ത്രി പ​രി​പാ​ടി​ക​ൾ സം​ഘ​ടി​പ്പി​ച്ചു​വ​രു​ന്നു. ആ​രോ​ഗ്യ​രം​ഗ​ത്ത് വി​വി​ധ ബോ​ധ​വ​ത്ക​ര​ണ ക്ലാ​സു​ക​ൾ, സാ​മൂ​ഹി​ക വി​പ​ത്തു​ക​ൾ​ക്കെ​തി​രെ​യും, കു​ടും​ബ ബ​ന്ധ​ങ്ങ​ൾ​ക്കും ഊ​ന്ന​ൽ ന​ൽ​കി​ക്കൊ​ണ്ടു​ള്ള അ​വ​ബോ​ധ ക്ലാ​സു​ക​ൾ സം​ഘ​ടി​പ്പി​ക്കു​ന്ന​താ​യി ഭാ​ര​വാ​ഹി​ക​ൾ അ​റി​യി​ച്ചു.

പ്ര​സി​ഡ​ന്റ് ബ​ഷീ​ർ അ​ലി പ​രു​ത്തി​ക്കു​ന്ന​ൻ, ജ​ന​റ​ൽ സെ​ക്ര​ട്ട​റി ന​വാ​സ് ബാ​വ ത​ങ്ങ​ൾ, ഖ​ജാ​ൻ​ജി ഷ​രീ​ഫ് അ​റ​ക്ക​ൽ, ക​ൾ​ച​റ​ൽ സെ​ക്ര​ട്ട​റി പ്രി​യ റി​യാ​സ്, ര​ക്ഷാ​ധി​കാ​രി ഉ​ണ്ണി തെ​ക്കേ​ട​ത്ത് എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.