പുണ്യസ്ഥലങ്ങളിലെ ഒരുക്കം മക്ക ഡെപ്യൂട്ടി ഗവർണർ പരിശോധിച്ചു

ജി​ദ്ദ: പു​ണ്യ​സ്ഥ​ല​ങ്ങ​ളാ​യ മി​ന, അ​റ​ഫ, മു​സ്ദ​ലി​ഫ എ​ന്നി​വി​ട​ങ്ങ​ളി​ലെ ഹ​ജ്ജ് ഒ​രു​ക്കം മ​ക്ക ഡെ​പ്യൂ​ട്ടി ഗ​വ​ർ​ണ​റും സെ​ൻ​ട്ര​ൽ ഹ​ജ്ജ് ക​മ്മി​റ്റി വൈ​സ് ചെ​യ​ർ​മാ​നു​മാ​യ അ​മീ​ർ ബ​ദ്ർ ബി​ൻ സു​ൽ​ത്താ​ൻ പ​രി​ശോ​ധി​ച്ചു.

ഹ​ജ്ജ്, ഉം​റ മ​ന്ത്രി ഡോ. ​തൗ​ഫീ​ഖ് അ​ൽ​റ​ബീ​അ, ഗ​താ​ഗ​ത, ലോ​ജി​സ്റ്റി​ക്സ് മ​ന്ത്രി എ​ൻ​ജി​നീ​യ​ർ സ്വാ​ലി​ഹ് അ​ൽ ജാ​സ​ർ, ആ​രോ​ഗ്യ​മ​ന്ത്രി ഫ​ഹ​ദ് അ​ൽ ജ​ലാ​ജി​ൽ, മു​നി​സി​പ്പ​ൽ, ഗ്രാ​മ​കാ​ര്യ, ഹൗ​സി​ങ് മ​ന്ത്രി മാ​ജി​ദ് അ​ൽ​ഹു​ഖൈ​ൽ, ഹ​ജ്ജ് സേ​വ​ന വ​കു​പ്പു​ക​ളി​ലെ മു​തി​ർ​ന്ന ഉ​ദ്യോ​ഗ​സ്ഥ​ർ എ​ന്നി​വ​ർ ഡെ​പ്യൂ​ട്ടി ഗ​വ​ർ​ണ​റെ അ​നു​ഗ​മി​ച്ചി​രു​ന്നു. പു​ണ്യ​സ്ഥ​ല​ങ്ങ​ളി​ൽ ഹ​ജ്ജ് തീ​ർ​ഥാ​ട​ക​രെ സ്വീ​ക​രി​ക്കു​ന്ന​തി​നു​ള്ള സൗ​ക​ര്യ​ങ്ങ​ൾ മു​ൻ​കൂ​ട്ടി ഉ​റ​പ്പു​വ​രു​ത്തു​ന്ന​തി​ന്റെ ഭാ​ഗ​മാ​യാ​ണ് സ​ന്ദ​ർ​ശ​നം.

സ​ന്ദ​ർ​ശ​ന​ത്തി​നി​ടെ പു​ണ്യ​സ്ഥ​ല​ങ്ങ​ളി​ൽ ന​ട​പ്പാ​ക്കി​യ നി​ര​വ​ധി വി​ക​സ​ന പ​ദ്ധ​തി​ക​ളും തീ​ർ​ഥാ​ട​ക​രു​ടെ താ​മ​സ​ത്തി​നൊ​രു​ക്കി​യ നൂ​ത​ന ത​മ്പു​ക​ളും സ​ജ്ജീ​ക​ര​ണ​ങ്ങ​ളും സൗ​ക​ര്യ​ങ്ങ​ളും ഡെ​പ്യൂ​ട്ടി ഗ​വ​ർ​ണ​ർ പ​രി​ശോ​ധി​ച്ചു. അ​റ​ഫ​യി​ലെ താ​മ​സ സൗ​ക​ര്യ​ങ്ങ​ളും ജ​ബ​ൽ അ​ൽ​റ​ഹ്മ​ക്ക് ചു​റ്റും ന​ട​ക്കു​ന്ന ര​ണ്ടാം​ഘ​ട്ട വി​ക​സ​ന പ​ദ്ധ​തി​ക​ളും ക​ണ്ടു.

വി​വി​ധ വ​കു​പ്പ് ഓ​ഫി​സു​ക​ളി​ലെ സം​വി​ധാ​ന​ങ്ങ​ളും പ​രി​ശോ​ധി​ച്ചു. ജ​ല-​വൈ​ദ്യു​തി രം​ഗ​ത്ത് ന​ട​പ്പാ​ക്കി​യ പ്ര​വ​ർ​ത്ത​ന​ങ്ങ​ളു​ടെ വി​ശ​ദീ​ക​ര​ണം കേ​ട്ടു. മു​നി​സി​പ്പാ​ലി​റ്റി​യു​ടെ പ​രി​സ്ഥി​തി സം​ര​ക്ഷ​ണ, ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളും പ​രി​ശോ​ധി​ച്ചു.