മക്ക അവാലിയിൽ തീപിടിത്തം; മൂന്നുപേർ ആശുപത്രിയിൽ

മക്ക: മക്കയിലെ അവാലിയിലുണ്ടായ തീപിടുത്തത്തിൽ മൂന്ന്​ പേർക്ക്​ പരിക്കേറ്റു. ഇന്നലെ ഉച്ചക്കാണ്​ സംഭവം. ഇരുനില താമസ കെട്ടിടത്തിലെ താഴത്തെ മുറിയിലാണ്​ തീപടർന്നതെന്ന്​ മക്ക സിവിൽ ഡിഫൻസ്​ വക്​താവ്​ കേണൽ നാഇഫ്​ അൽശരീഫ്​ പറഞ്ഞു. കടുത്ത പുകപടലം കാരണം താമസക്കാരെ മാറ്റി. മൂന്ന്​ പേർക്ക്​ ശ്വാസതടസം അനുഭവപ്പെട്ടു. ഇവരെ ആശുപത്രിയിൽ ​പ്രവേശിപ്പിച്ചു. അഗ്​നിബാധയുടെ കാരണം അന്വേഷിച്ചു വരികയാണെന്നും സിവിൽ ഡിഫൻസ്​ വക്​താവ്​ പറഞ്ഞു.