മലപ്പുറം സ്വദേശിയായ കെ.എം.സി.സി നേതാവ് സൗദിയിലെ ഖത്തീഫിൽ നിര്യാതനായി

ദമ്മാം: കെ.എം.സി.സി ദമ്മാം ഖത്തീഫ് അനക്ക് ഏരിയ ചെയർമാൻ മലപ്പുറം മമ്പാട് ടാണയിൽ പനങ്ങാടൻ അബ്ദുൽ ഷുക്കൂർ (57) ഹൃദയാഘാതം മൂലം ഖത്തീഫിൽ നിര്യാതനായി. ദീർഘകാലമായി അനക്കിൽ എയർകണ്ടീഷണിങ് മേഖലയിൽ പ്രവർത്തിച്ചു വരികയായിരുന്നു.

പിതാവ്: ബാപ്പുട്ടി, മാതാവ്: ആമിന, ഭാര്യ: സാജിത, മക്കൾ: സുജു സിയാസ്, സിനു സിയാന, സിലി സിഫ്ല, മരുമക്കൾ: ഹംസ തൃപ്പനച്ചി, നിഷാദ് കുണ്ടുതൊട്, വാഹിദ കാട്ടുമുണ്ട. ഖത്തീഫ് സെൻട്രൽ ആശുപത്രി മോർച്ചറിയിലുള്ള മൃതദേഹം നിയമനടപടികൾ പൂർത്തിയാക്കി നാട്ടിലെത്തിച്ച് ഖബറടക്കുമെന്ന് ബന്ധുക്കളും ഖത്തീഫ് കെ.എം.സി.സി നേതാക്കളും അറിയിച്ചു.