കോവിഡ്​ ബാധിച്ച്​ മലയാളി നഴ്​സ്​ സൗദിയിൽ മരിച്ചു

അൽഅഹ്​സ: കോവിഡ്​ ബാധിച്ച്​ മലയാളി നഴ്​സ്​ സൗദി കിഴക്കൻ പ്രവിശ്യയിൽ മരിച്ചു. എറണാകുളം കോതമംഗലം കീരൻപാറ തെക്കേകുടി കുടുംബാംഗം ബിജി ജോസ്​ (52) ആണ്​ അൽഅഹ്​സയിലെ കിങ്​ ഫഹദ്​ ആശുപത്രിയിൽ തിങ്കളാഴ്​ച രാവിലെ മരിച്ചത്​. മൂന്നാഴ്​ചയായി ഇതേ ആശുപത്രിയിൽ ചികിത്സയിലായിരുന്നു.

ന്യുമോണിയ മൂർഛിച്ചതും ശ്വാസ തടസവും മരണ കാരണമായി. ഭർത്താവ്​: ജോസ്​. രണ്ട്​ മക്കളാണുള്ളത്​. ഭർത്താവും ഒരു കുട്ടിയും അൽഅഹ്​സയിൽ ഒപ്പമുണ്ട്​. മക്കളിൽ ഒരാൾ നാട്ടിലാണ്​.