സൗ​ദി​യി​ലി​നി മ​ധു​വൂ​റം മാ​മ്പ​ഴ​ക്കാ​ല​വും; ഉ​ൽ​പാ​ദ​ന​ത്തി​ൽ സ്വ​യംപ​ര്യാ​പ്​​ത​ത നേ​ടി രാ​ജ്യം

ദ​മ്മാം: സൗ​ദി അ​റേ​ബ്യ​ക്കും ഇ​നി സ്വ​ന്ത​മാ​യൊ​രു മാ​മ്പ​ഴ​ക്കാ​ല​മു​ണ്ടാ​കും. മ​രു​ഭൂ​മി​യു​ടെ പ​രി​മി​തി​ക​ൾ മ​റി​ക​ട​ന്ന് കാ​ർ​ഷി​ക മേ​ഖ​ല​യി​ൽ സൗ​ദി ഇ​പ്പോ​ൾ പു​തി​യ ച​രി​ത്ര​ങ്ങ​ൾ ര​ചി​ക്കു​ക​യാ​ണ്. ത​ദ്ദേ​ശീ​യ​മാ​യി മാ​മ്പ​ഴ ഉ​ൽ​പാ​ദ​ന​ത്തി​ൽ 68 ശ​ത​മാ​നം സ്വ​യം​പ​ര്യാ​പ്ത​ത രാ​ജ്യം കൈ​വ​രി​ച്ച​താ​യി പ​രി​സ്ഥി​തി- ജ​ല- കൃ​ഷി മ​ന്ത്രാ​ല​യം വ്യ​ക്ത​മാ​ക്കി. 89,500 ട​ണ്ണി​ൽ കൂ​ടു​ത​ലാ​ണ് ഇ​ത്ത​വ​ണ മാ​മ്പ​ഴ​ത്തി​​ന്റെ വാ​ർ​ഷി​ക വി​ള​വെ​ടു​പ്പ് ഉ​ണ്ടാ​യ​ത്. രാ​ജ്യ​ത്ത്​ വി​വി​ധ പ്ര​ദേ​ശ​ങ്ങ​ളി​ൽ 6,966 ഹെ​ക്ട​ർ സ്ഥ​ല​ത്ത് മാ​വി​ൻ കൃ​ഷി​യു​ണ്ട്.

കാ​ർ​ഷി​ക മേ​ഖ​ല​യി​ൽ മു​ന്നേ​റ്റ​മു​ണ്ടാ​ക്കു​ക എ​ന്ന ല​ക്ഷ്യ​വു​മാ​യി ആ​രം​ഭി​ച്ച ഹാ​ർ​വെ​സ്​​റ്റ്​ സീ​സ​ൺ കാ​മ്പ​യി​നാ​ണ് മാ​മ്പ​ഴ ഉ​ൽ​പാ​ദ​ന​ത്തി​ലും ഈ ​റെ​ക്കോ​ർ​ഡ്​ നേ​ട്ട​മു​ണ്ടാ​ക്കി​യ​ത്. കാ​ർ​ഷി​കോ​ൽ​പ​ന്ന​ങ്ങ​ളെ​ക്കു​റി​ച്ചു​ള്ള അ​റി​വ് പ്ര​ച​രി​പ്പി​ക്കു​ക, വി​വി​ധ സീ​സ​ണ​ൽ പ​ഴ​വ​ർ​ഗ​ങ്ങ​ളെ​ക്കു​റി​ച്ചു​ള്ള അ​വ​ബോ​ധം വ​ർ​ധി​പ്പി​ക്കു​ക, ക​ർ​ഷ​ക​ർ​ക്ക് പി​ന്തു​ണ ന​ൽ​കു​ന്ന​തി​നാ​യി പ്രാ​ദേ​ശി​ക പ​ഴ വി​പ​ണ​ന സം​വി​ധാ​നം മെ​ച്ച​പ്പെ​ടു​ത്തു​ക എ​ന്നി​വ ല​ക്ഷ്യ​മി​ട്ടാ​ണ് കാ​ർ​ഷി​ക മ​ന്ത്രാ​ല​യം ഹാ​ർ​വെ​സ്​​റ്റ്​ സീ​സ​ൺ കാ​മ്പ​യി​ൻ ആ​രം​ഭി​ച്ച​ത്.

വാ​ർ​ഷി​ക വി​ള​വെ​ടു​പ്പി​ൽ 60,026 ട​ൺ മാ​മ്പ​ഴ ഉ​ൽ​പാ​ദ​ന​വു​മാ​യി ജി​സാ​ൻ മേ​ഖ​ല​യാ​ണ് ഒ​ന്നാം സ്ഥാ​ന​ത്ത്. 17,915 ട​ണ്ണു​മാ​യി മ​ക്ക ര​ണ്ടാം സ്ഥാ​ന​ത്തു​ണ്ട്. മ​ദീ​ന 4,505 ട​ൺ, അ​സീ​ർ 2,845 ട​ൺ, ത​ബൂ​ക്ക് 2,575 ട​ൺ, അ​ൽ ബാ​ഹ 912 ട​ൺ, ന​ജ്റാ​ൻ 347 ട​ൺ, കി​ഴ​ക്ക​ൻ പ്ര​വി​ശ്യ 198 ട​ൺ, റി​യാ​ദ് 117 ട​ൺ, അ​ൽ ഖ​സിം 60 ട​ൺ എ​ന്നി​ങ്ങ​നെ​യാ​ണ് മ​റ്റ്​ പ്ര​ദേ​ശ​ങ്ങ​ളി​ൽ​നി​ന്നു​ള്ള ക​ണ​ക്കു​ക​ൾ. ഏ​പ്രി​ൽ മു​ത​ൽ ആ​ഗ​സ്​​റ്റ്​ വ​രെ​യാ​ണ്​ സൗ​ദി അ​റേ​ബ്യ​യി​ൽ മാ​മ്പ​ഴ​ക്കാ​ലം. ഇ​ത്​ ഉ​യ​ർ​ന്ന വ​രു​മാ​ന​മു​ള്ള ഉ​ഷ്ണ​മേ​ഖ​ല വി​ള​യാ​ണെ​ന്ന് മ​ന്ത്രാ​ല​യം അ​ഭി​പ്രാ​യ​പ്പെ​ട്ടു.

ടോ​മി അ​റ്റ്കി​ൻ​സ്, കേ​റ്റ്, കെൻറ്, അ​ൽ​ഫോ​ൺ​സ്, സു​ക്കാ​രി, ബ​ട്ട​ർ, അ​ൽ-​ഹി​ന്ദി, അ​ൽ-​ജ​ലേ​ൻ, ലാം​ഗ്‌​ര, അ​ൽ-​ജൂ​ലി, സെ​​ന്റേ​ഷ​ൻ, ഫ​ജ​ർ ക്ലാ​ൻ​ഡ്, അ​ൽ-​സ​മാ​ക തു​ട​ങ്ങി​യ ഇ​ന​ങ്ങ​ൾ ഉ​ൾ​പ്പെ​ടെ 20-ല​ധി​കം വ്യ​ത്യ​സ്ത​യി​നം മാ​മ്പ​ഴ​ങ്ങ​ളാ​ണ് രാ​ജ്യ​ത്ത്​ വി​ള​വെ​ടു​ക്കു​ന്ന​ത്. ഒ​വൈ​സ്, തൈ​മൂ​ർ, ന​വോ​മി, വ​ല​ൻ​സി​യ, അ​യൂ​ൺ അ​ൽ-​മ​ഹ, അ​ൽ-​സ​ൽ, പാ​മ​ർ, താ​യ് തു​ട​ങ്ങി​യ​വ​യും മ​ധു​രം മാ​ത്ര​മ​ല്ല പോ​ഷ​ക​ഗു​ണ​വും സ​മ്മാ​നി​ക്കു​ന്ന മാ​മ്പ​ഴ​യി​ന​ങ്ങ​ളാ​ണ്.

വി​റ്റാ​മി​നു​ക​ൾ, ധാ​തു​ക്ക​ൾ, നാ​രു​ക​ൾ എ​ന്നി​വ​യാ​ൽ സ​മ്പു​ഷ്​​ട​മാ​ണ് മാ​മ്പ​ഴം. നി​ര​വ​ധി ഔ​ഷ​ധ ഗു​ണ​ങ്ങ​ളു​ള്ള മാ​മ്പ​ഴം ദ​ഹ​ന​ത്തെ​യും ഹൃ​ദ​യാ​രോ​ഗ്യ​ത്തെ​യും പ്രോ​ത്സാ​ഹി​പ്പി​ക്കു​ന്നു. പ്ര​തി​രോ​ധ​ശേ​ഷി ശ​ക്തി​പ്പെ​ടു​ത്തു​ന്നു, ചി​ല കാ​ൻ​സ​റു​ക​ളു​ടെ​യും അ​നീ​മി​യ​യു​ടെ​യും സാ​ധ്യ​ത കു​റ​യ്ക്കു​ന്നു, ച​ർ​മ​ത്തി​​ന്റെ​യും ക​ണ്ണി​​ന്റെ​റ​യും ആ​രോ​ഗ്യം സം​ര​ക്ഷി​ക്കു​ന്നു തു​ട​ങ്ങി​യ ഗു​ണ​ങ്ങ​ളും മാ​മ്പ​ഴ​ത്തി​നു​ണ്ട്.

ഗാ​ർ​ഹി​ക ഉ​ൽ​പ​ന്ന​ങ്ങ​ളു​ടെ ഉ​ൽ​പാ​ദ​ന​വും ഉ​പ​യോ​ഗ​വും വ​ർ​ധി​പ്പി​ക്കാ​നും ഗു​ണ​നി​ല​വാ​ര​വും സു​ര​ക്ഷ നി​ല​വാ​ര​വും ഉ​യ​ർ​ത്താ​നും പ്രാ​ദേ​ശി​ക പ​ഴ​വി​പ​ണ​ന സം​വി​ധാ​ന​ത്തി​ന്റെ കാ​ര്യ​ക്ഷ​മ​ത മെ​ച്ച​പ്പെ​ടു​ത്താ​നും മ​ന്ത്രാ​ല​യം പ​ദ്ധ​തി​ക​ൾ ആ​വി​ഷ്‍ക​രി​ച്ച​ത് ഫ​ലം ക​ണ്ടു തു​ട​ങ്ങി​യി​ട്ടു​ണ്ട്.

കൃ​ഷി​യെ​ക്കു​റി​ച്ചും ഓ​​രോ കാ​ലാ​വ​സ്ഥ​യി​ലും കൃ​ഷി​ചെ​യ്യാ​വു​ന്ന പ​ഴ​വ​ർ​ഗ​ങ്ങ​ളെ​ക്കു​റി​ച്ചു​ള്ള അ​വ​ബോ​ധം ന​ൽ​ക​ലും ആ​ളു​ക​ളെ കൃ​ഷി​യി​ലേ​ക്ക് കൂ​ടു​ത​ൽ ആ​ക​ർ​ഷി​ക്കു​ന്ന​തി​ന് കാ​ര​ണ​മാ​യി​ട്ടു​ണ്ട്. ഹാ​ർ​വെ​സ്​​റ്റ്​ സീ​സ​ൺ കാ​മ്പ​യി​ൽ സൗ​ദി​യി​ൽ കാ​ർ​ഷി​ക മേ​ഖ​ല​യി​ൽ വ​ൺ വി​പ്ല​വ​ത്തി​ന് ഇ​ട​മൊ​രു​ക്കി​യ​താ​യും മ​ന്ത്രാ​ല​യം നി​രീ​ക്ഷി​ക്കു​ന്നു.