മ​ഞ്ചേ​ശ്വ​ര​ത്തി​​ന്റെ മ​തേ​ത​ര മ​ന​സ്സ്​ സംഘ്പരിവാറിന് കീ​ഴ​ട​ക്കാ​നാ​വി​ല്ല -അ​ഷ്റ​ഫ്​ എം.​എ​ൽ.​എ

ദ​മ്മാം: സ​ർ​വ​സ​ന്നാ​ഹ​ങ്ങ​ളു​മാ​യി പ്ര​വ​ർ​ത്തി​ക്കാ​നെ​ത്തി​യാ​ലും സം​ഘ്പ​രി​വാ​ർ ശ​ക്തി​ക​ൾ​ക്ക്​ മ​ല​യാ​ളി​ക​ളു​ടെ മ​തേ​ത​ര മ​ന​സ്സി​ന്​ മു​ക​ളി​ൽ ആ​ധി​പ​ത്യം സ്​​ഥാ​പി​ക്കാ​ൻ സാ​ധി​ക്കി​ല്ലെ​ന്ന്​ മ​​ഞ്ചേ​ശ്വ​രം എം.​എ​ൽ.​എ എ.​കെ.​എം. അ​ഷ്​​റ​ഫ്​ പ​റ​ഞ്ഞു. കാ​സ​ർ​കോ​ട്​​ കെ.​എം.​സി.​സി സം​ഘ​ടി​പ്പി​ക്കു​ന്ന ‘ഉ​മ്മീ​അ്​’ പ​രി​പാ​ടി​യി​ൽ അ​തി​ഥി​യാ​യി എ​ത്തി​യ അ​ദ്ദേ​ഹം ‘ഗ​ൾ​ഫ്​ മാ​ധ്യ​മ’​വു​മാ​യി സം​സാ​രി​ക്കു​ക​യാ​യി​രു​ന്നു. ഓ​രോ തെ​ര​ഞ്ഞെ​ടു​പ്പി​ലും ബി.​ജെ.​പി സ്ഥാ​നാ​ർ​ഥി​ക​ളു​മാ​യി ഇ​ഞ്ചോ​ടി​ഞ്ച്​ പോ​രാ​ട്ടം ന​ട​ക്കു​ന്ന മ​ഞ്ചേ​ശ്വ​ര​ത്ത്​ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ 89 വോ​ട്ടു​ക​ൾ​ക്കാ​ണ്​ അ​ഷ്റ​ഫ്​ വി​ജ​യി​ച്ച​ത്. എ​ൻ​മ​ക​ജെ പ​ഞ്ചാ​യ​ത്താ​ണ്​ അ​വ​സാ​നം എ​ണ്ണി​യ​ത്. കേ​വ​ലം 25 ശ​ത​മാ​നം മാ​ത്രം മു​സ്​​ലിം​ക​ളു​ള്ള ഈ ​പ​ഞ്ചാ​യ​ത്തി​ലെ മ​തേ​ത​ര മ​ന​സ്സു​ക​ളു​ടെ വോ​ട്ടു​ക​ളാ​ണ്​ പ​ല​പ്പോ​ഴും ലീ​ഗ്​ സ്​​ഥാ​നാ​ർ​ഥി​ക​ളെ വി​ജ​യി​പ്പി​ക്കു​ന്ന​ത്.

കാ​ര​ണം, സ​പ്​​ത​ഭാ​ഷ സം​ഗ​മ​ഭൂ​മി​യാ​യ ഇ​വി​ടെ നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ക്ഷേ​ത്ര​ങ്ങ​ളു​ണ്ട്. അ​തെ​ല്ലാം മ​തേ​ത​ര ച​രി​ത്ര​ങ്ങ​ൾ പേ​റു​ന്ന​വ​യാ​ണ്. ആ​രി​ക്കാ​ടി ക്ഷേ​ത്ര​ത്തി​ലെ ആ​ലി​യാ​മു​ണ്ടി ക്ഷേ​ത്രം ഒ​രു ഉ​ദാ​ഹ​ര​ണ​മാ​ണ്. ഇ​വി​ട​ത്തെ ആ​ചാ​ര​ങ്ങ​ൾ പോ​ലും ഹി​ന്ദു​ക്ക​ൾ​ക്കും മു​സ്​​ലിം​ക​ൾ​ക്കും ഉ​ള്ള​താ​ണ്. മ​ല​യാ​ളം സം​സാ​രി​ക്കു​ന്ന​വ​ർ കേ​വ​ലം 10 ശ​ത​മാ​ന​മു​ള്ള മ​ണ്ഡ​ല​മാ​ണ്​ മ​ഞ്ചേ​ശ്വ​രം.

താ​ൻ ത​ന്നെ ഒ​രു ദി​വ​സം ഏ​ഴോ​ളം ഭാ​ഷ​ക​ളി​ൽ ആ​ളു​ക​ളു​മാ​യി സം​സാ​രി​ക്കേ​ണ്ടി​വ​രാ​റു​ണ്ടെ​ന്നും അ​ദ്ദേ​ഹം പ​റ​ഞ്ഞു. ഇ​വി​ട​ത്തെ മു​സ്​​ലിം​ക​ൾ ബാ​രി​യും ഉ​ർ​ദു​വും സം​സാ​രി​ക്കു​മ്പോ​ൾ, ഹി​ന്ദു​ക്ക​ൾ തു​ളു സം​സാ​രി​ക്കു​ന്നു. ക്രൈ​സ്​​ത​വ​ർ കൊ​ങ്ങി​ണി​യും. ഭാ​ഷ​യും ആ​ചാ​ര​ങ്ങ​ളും വ്യ​ത്യ​സ്​​ത​മാ​കു​മ്പോ​ഴും ഏ​ക​ത സൂ​ക്ഷി​ക്കു​ന്ന ഈ ​ജ​ന​വി​ഭാ​ഗ​ത്തി​ന്​ ബി.​ജെ.​പി​യു​ടെ ഒ​രു ഭാ​ഷ ഒ​രു ജ​ന​ത, ഒ​രു സം​സ്​​കാ​രം എ​ങ്ങ​നെ​യാ​ണ്​ ഉ​ൾ​ക്കൊ​ള്ളാ​നാ​വു​ക.

കോ​ൺ​ഗ്ര​സ്​ സ്​​ഥാ​നാ​ർ​ഥി​ക​ൾ പോ​ലും പ​രാ​ജ​യ​പ്പെ​ട്ടി​ട​ത്ത്​ ലീ​ഗ്​ വി​ജ​യി​ച്ചെ​ത്തു​ന്ന​ത്​ ക​ഴി​ഞ്ഞ മൂ​ന്ന​ര പ​തി​റ്റാ​ണ്ടി​ല​ധി​ക​മാ​യി ലീ​ഗി​​ന്റെ മ​തേ​ത​ര മു​ഖം കൃ​ത്യ​മാ​യി ബോ​ധ്യ​പ്പെ​ട്ട ജ​ന​ത വോ​ട്ട്​ ചെ​യ്യു​ന്ന​തു​കൊ​ണ്ടാ​ണ്. 75 ശ​ത​മാ​ന​ത്തി​ല​ധി​കം ഹി​ന്ദു സ​ഹോ​ദ​ര​ങ്ങ​ൾ താ​മ​സി​ക്കു​ന്ന എ​ൻ​മ​ക​ജെ പ​ഞ്ചാ​യ​ത്തി​ൽ ബി.​ജെ.​പി​യു​ടെ തീ​പ്പൊ​രി വ​ർ​ഗീ​യ​വാ​ദി​ക​ൾ ക്യാ​മ്പ്​ ചെ​യ്​​ത്​ പ്ര​ചാ​ര​ണം ന​ട​ത്തി​യി​ട്ടും അ​തി​നെ മ​റി​ക്കാ​ൻ ലീ​ഗി​ന്​ ക​ഴി​യു​ന്ന​ത്​ അ​തു​കൊ​ണ്ടാ​ണ്.

പ​ള്ളി​യി​ൽ ഉ​റ​ങ്ങി​ക്കി​ട​ന്ന റി​യാ​സ്​ മൗ​ല​വി​യെ വെ​ട്ടി​ക്കൊ​ല്ലു​​മ്പോ​ൾ സം​ഘ്പ​രി​വാ​ർ ല​ക്ഷ്യം വെ​ച്ച​ത്​ സ​മാ​ന​മാ​യ മ​റ്റൊ​രു കൊ​ല​യോ അ​ക്ര​മ​മോ ആ​യി​രു​ന്നു. ഏ​റെ സാ​ഹ​സ​പ്പെ​ട്ടാ​ണ്​ അ​ത്ത​രം അ​വ​സ്​​ഥ​ക​ളി​ലേ​ക്ക്​ പോ​കാ​തെ സ​മു​ദാ​യ​ത്തെ പി​ടി​ച്ചു​നി​ർ​ത്തി​യ​ത്. ഇ​ത്ത​രം സ​മീ​പ​ന​ങ്ങ​ൾ സം​ഘ്പ​രി​വാ​ർ മോ​ഹ​ങ്ങ​ളെ ത​ക​ർ​ക്കു​ക​യാ​ണ്​ ചെ​യ്യു​ന്ന​ത്. നി​ല​വി​ലെ സാ​ഹ​ച​ര്യ​ത്തി​ൽ പ്ര​തീ​ക്ഷ​ക​ൾ ഏ​റു​ക​യാ​ണ്. ക​ർ​ണാ​ട​ക​യി​ൽ ഇ​ത്ത​വ​ണ കോ​ൺ​ഗ്ര​സ് വോ​ട്ടു​പി​ടി​ച്ച​ത്​ നി​ല​പാ​ടു​ക​ൾ പ​റ​ഞ്ഞു​കൊ​ണ്ടു​ ത​ന്നെ​യാ​ണ്. ബ​ജ്​​റം​ഗ്​​ദ​ൾ ഉ​ൾ​പ്പ​ടെ​യു​ള്ള​വ​രു​ടെ അ​ഴി​ഞ്ഞാ​ട്ട​ത്തി​ന്​ ഒ​രു പ​രി​ധി​വ​രെ ശ​മ​നം വ​ന്നി​രി​ക്കു​ന്നു. ബി.​ജെ.​പി അ​ധി​കാ​ര​ത്തി​ലി​രു​ന്ന കാ​ലം സാ​ധാ​ര​ണ​ക്കാ​ര​​ന്റെ ജീ​വി​തം ത​ന്നെ ദു​സ്സ​ഹ​മാ​യി​രു​ന്നു.

മു​സ്​​ലിം സ​മു​ദാ​യം ആ​ദ്യം എ​തി​ർ​ക്കേ​ണ്ട​ത്​ മു​സ്​​ലിം വ​ർ​ഗീ​യ​ത​യെ ത​ന്നെ​യാ​ണ്. അ​തി​ന്​ ഓ​ശാ​ന പാ​ടി​യി​ട്ട്​ ഭൂ​രി​പ​ക്ഷ വ​ർ​ഗീ​യ​ത​യെ കു​റ്റ​​പ്പെ​ടു​ത്തി​യി​ട്ട്​ കാ​ര്യ​മി​ല്ല. ഹി​ന്ദു​ത്വ വ​ർ​ഗീ​യ​ത​യെ ഇ​തു​വ​രെ ത​ട​ഞ്ഞു​നി​ർ​ത്തി​യ​ത്​ മ​തേ​ത​ര ഹി​ന്ദു മ​ന​സ്സു​ക​ൾ ത​ന്നെ​യാ​ണ്. ഓ​ണാ​ഘോ​ഷ​ങ്ങ​ൾ പ​രി​ച​യ​മി​ല്ലാ​തി​രു​ന്ന കാ​സ​ർ​കോ​​ട്ടെ വി​ദ്യാ​ർ​ഥി​ക​ൾ ഇ​ത്ത​വ​ണ സ​ജീ​വ​മാ​യി ഓ​ണ​മാ​ഘോ​ഷി​ച്ചു. ജാ​തി​വെ​റി​ക​ളി​ലും വ​ർ​ഗീ​യ​ത​യി​ലും ത​ങ്ങ​ൾ​ക്ക്​ താ​ൽ​പ​ര്യ​മി​ല്ലെ​ന്ന കൃ​ത്യ​മാ​യ പ്ര​ഖ്യാ​പ​നം കൂ​ടി​യാ​യി​രു​ന്നു അ​ത്. ഇ​ന്ത്യ നി​ല​വി​ലെ ക​റു​ത്ത ദി​ന​ങ്ങ​ളെ ജ​നാ​ധി​പ​ത്യ​ത്തി​ലൂ​ടെ മ​റി​ക​ട​ക്കു​മെ​ന്നും പ്ര​ത്യാ​ശ​യോ​ടെ അ​ദ്ദേ​ഹം പ​റ​ഞ്ഞു​നി​ർ​ത്തി.