സമ്പൂർണ മിന മാപ് പുറത്തിറക്കി

ജിദ്ദ:  സമ്പൂർണ മിന മാപ് സഈദി കെ.എം.സി.സി ഹജ്ജ്സെൽ പുറത്തിറക്കി. എല്ലാ രാജ്യക്കാരുടെയും മിനയിലെ മകതബ് നമ്പറുകൾ, പ്രധാന റോഡുകൾ, പാലങ്ങൾ, ആശു​പത്രികൾ, ഹജ്ജ്മിഷൻ ഓഫീസ്​, ഇൻഫർമേഷൻ സ​െൻറർ, കെ.എം.സി.സി വളണ്ടിയർ സ​െൻറർ തുടങ്ങിയവയൊക്കെ മാപിൽ അടയാളപ്പെടുത്തിയിട്ടുണ്ട്.സൗദി കെ.എം.സി.സി ഹജ്ജ്സെൽ ജനറൽ കൺവീനർ ജമാൽ വട്ടപ്പൊയിൽ, അബൂബക്കർ അരിമ്പ്ര, ഉമർ അരിപ്പാമ്പ്ര, വി.പി ഉനൈസ്​, അബു കട്ടുപ്പാറ, നിസാർ മടവൂർ, നാസർ ഒളവട്ടൂർ, ശൗക്കത്ത് ഒഴുകൂർ എന്നിവരടങ്ങിയ സംഘമാണ് മാപ് തയ്യാറാക്കുന്നതിന് നേതൃത്വം നൽകിയത്. ശറഫിയ ശിഫ ജിദ്ദ ഓഡിറ്റോറിയത്തിൽ നടന്ന യോഗത്തിൽ അഹമ്മദ് പാളയാട്ടിന് നൽകി  അബൂബക്കർ അരിമ്പ്രയാണ് മാപ്പ്​ പ്രകാശനം ചെയ്തത്.

ചടങ്ങിൽ അഹമ്മദ് പാളയാട്ട് അധ്യക്ഷത വഹിച്ചു. സൗദി കെ.എം.സി.സി ഹജ്ജ്സെൽ കൺവീനർ സി.കെ ഷാക്കിർ, സെൻട്രൽ കമ്മിറ്റി വൈസ്​പ്രസിഡണ്ട് സി.കെ.എ റസാഖ്, സെക്രട്ടറിമാരായ മജീദ് പുകയൂർ, ഇസ്​മാഈൽ മുണ്ടക്കുളം, സൗദി കെ.എം.സി.സി ഹജ്ജ്സെൽ വളണ്ടിയർ ക്യാപ്റ്റൻ ഉമർ അരിപ്പാമ്പ്ര, ജിദ്ദ വളണ്ടിയർ ക്യാപ്റ്റൻ വി.പി ഉനൈസ്​ എന്നിവർ സംസാരിച്ചു. അബൂബക്കർ അരിമ്പ്ര സ്വാഗതവും മുസ്​തഫ ചെമ്പൻ നന്ദിയും പറഞ്ഞു.