റിയാദിലെ പള്ളി ഇമാമായി പതിനാലുകാരൻ മലയാളി വിദ്യാർഥി

റിയാദ്​: ബത്​ഹ കേരള, യമനി മാർക്കറ്റുകൾക്ക്​​ സമീപമുള്ള മസ്​ജിദിൽ ഇപ്പോൾ കുറച്ചുദിവസമായി നമസ്​കാരത്തിന്​ നേതൃത്വം നൽകുന്നത്​ പതിനാലുകാരനായ ഒരു മലയാളി പയ്യനാണ്​. റിയാദ്​ അൽആലിയ സ്​കൂളിലെ ഒമ്പതാം ക്ലാസ്​ വിദ്യാർഥി. റിയാദിലെ സാമൂഹിക പ്രവർത്തകൻ പത്തനംതിട്ട സ്വദേശി ഹുസൈൻ താന്നിമൂട്ടിലി​​​​െൻറ മകൻ. ആദിൽ ഹുസൈൻ എന്ന മിടുക്കൻ. യമനി പൗരനായ ഇമാം റഷാദി വാർഷിക അവധിയിലായതിനാൽ രണ്ടാഴ്​ചത്തേക്കുള്ള താൽക്കാലിക ചുമതലയാണെങ്കിലും സുബ്​ഹി മുതൽ ഇഷാ വരെ എല്ലാ നമസ്​കാരങ്ങളുടെയും നേതൃത്വം ആദിലിന്​ തന്നെ.

സുബ്​ഹിക്ക്​ നേരം പരാപരാ വെളുക്കും മുമ്പ്​ അതായത്​ പുലർച്ചെ മൂന്നിന്​ ഉണർന്ന്​ പിതാവിനോടൊപ്പം ഫ്ലാറ്റിൽനിന്ന്​ 300 മീറ്റർ അകലെയുള്ള പള്ളിയിലെത്തും. ബാങ്കുവിളിക്കുന്നതും ആദിലാണ്​. വളരെ യാദൃശ്ചികമായാണ്​ ഇമാം റോളിലേക്ക്​ ആദിലി​​​​െൻറ കടന്നുവരവ്​. റിയാദിൽ ഒരു സംഘടന നടത്തിയ ഖുർആൻ പാരായണ മത്സരത്തിൽ ഇമാം റഷാദി വിധികർത്താക്കളിൽ ഒരാളായിരുന്നു. മത്സരത്തിൽ വിജയിയായ ആദിലി​​​​െൻറ പാരായണം റഷാദിക്ക്​ നന്നെ പിടിച്ചു. പിന്നീട്​ പള്ളിയിൽ വെച്ച്​ കണ്ടപ്പോൾ കൂടുതൽ പരിചയപ്പെട്ടു. ബാങ്കുവിളിക്കാൻ ഒരു അവസരം തരുമോ എന്ന്​ അവൻ ചോദിച്ചു. സന്തോഷത്തോടെ ഇമാം അതിന്​ അനുവദിച്ചു. അടുത്ത ബാങ്ക്​ അവ​​​​െൻറ മധുര ശബ്​ദത്തിൽ മുഴങ്ങി. 

അന്ന്​ മഗ്​രിബിന്​ തോബ്​ (അറബി പാരമ്പര്യ വേഷം) ധരിച്ചുവരാൻ ഇമാം ആവശ്യപ്പെട്ടു. അങ്ങനെയെത്തിയപ്പോൾ മഗ്​രിബിന്​ തന്നെ ഇമാമായി നിറുത്തി. ഇഷാ നമസ്​കാരത്തിലും അവസരം നൽകി. ഇക്കഴിഞ്ഞ റമദാൻ 22നായിരുന്നു ഇൗ സംഭവം​. ശേഷം ഇടയ്​ക്കെല്ലാം അവസരങ്ങൾ കിട്ടി. റമദാൻ അവസാനത്തെ ഒരാഴ്​ച തറാവീഹ്​ നമസ്​കാരത്തി​​​​െൻറ ഇമാമുമാക്കി. റമദാൻ കഴിഞ്ഞപ്പോൾ ആഴ്​ചയിൽ മൂന്നുദിവസം മഗ്​രിബിനും ഇഷാക്കും ഇമാമാക്കി. പകൽ സ്​കൂളിൽ പോകേണ്ടതുള്ളത്​ കൊണ്ടായിരുന്നു അങ്ങനെ. ഇൗ മാസം 17ന്​ ഇാമം അവധി പ്രമാണിച്ച്​ നാട്ടിൽ പോയി. അതിന്​ തൊട്ടുമുമ്പ്​ ആദിലി​​​​െൻറ പിതാവിനെ വിളിച്ച്​, താൻ അവധിക്ക്​ പോകു​േമ്പാൾ മകനെ ഇമാമാക്കാൻ അനുവാദം ചോദിച്ചു. സ്​കൂൾ അവധി കൂടിയായതിനാൽ സന്തോഷപൂർവം മകനും പിതാവും അത്​ സ്വീകരിച്ചു. 

ജൂലൈ 31വരെയാണ്​ ഇൗ താൽക്കാലിക ചുമതല. മസ്​ജിദി​​​​െൻറ മുഴുവൻ ചുമതലയുമാണ്​. ബന്ധപ്പെട്ട വകുപ്പിൽ നിന്ന്​ അതിനുള്ള അനുമതിയും ഇമാം വാങ്ങി നൽകിയിട്ടുണ്ട്​. മുഅദ്ദീനായിരുന്ന യമനി പൗരൻ ഏതാനും മാസം മുമ്പ്​ പള്ളിയിൽ കുഴഞ്ഞുവീണു മരിച്ച ശേഷം ഇമാം തന്നെയാണ്​ ബാങ്കു വിളിച്ചിരുന്നത്​. ഇപ്പോൾ അത്​ കൂടി ആദിലി​​​​െൻറ ചുമതലയിലായി. പത്തനംതിട്ട ഹോളി ഏഞ്ചൽസ്​ സ്​കൂളിൽ നാലാം ക്ലാസ്​ വിദ്യാർഥിയായിരിക്കെയാണ്​ ഉമ്മ സബീനയോടും പെങ്ങൾ ഹനാന ഹുസൈനോടുമൊപ്പം (ബി.സി.എ ഒന്നാം വർഷ വിദ്യാർഥിനി, ജാമിഅ നദ്​വിയ എടവണ്ണ) റിയാദിൽ ബാപ്പയുടെ അടുത്തെത്തിയത്​.

11 വയസുള്ളപ്പോൾ റിയാദ്​ ഇന്ത്യൻ ഇസ്​ലാഹി സ​​​െൻററിന്​ കീഴിലുള്ള തഹ്​ഫീദുൽ ഖുർആൻ കോഴ്​സ്​ ആദ്യ ബാച്ചിലെ ആദ്യ വിദ്യാർഥിയും ഖുർആൻ മനഃപാഠമാക്കി പൂറത്തിറങ്ങിയ ആദ്യത്തെയാളുമായി. പതി​െനാന്നര മാസം കൊണ്ടാണ്​ ആ നേട്ടം സ്വന്തമാക്കിയത്​. ഇതേ സലഫി മദ്​റസയിൽ ഏഴാം ക്ലാസ്​ മത വിദ്യാഭ്യാസവും പൂർത്തിയാക്കി. പാഠ്യേതര വിഷയങ്ങളിലും കഴിവുതെളിയിച്ചിട്ടുള്ള ആദിൽ നിരവധി സമ്മാനങ്ങൾ നേടിയിട്ടുണ്ട്​. കരാ​െട്ട പരിശീലനവും നടത്തുന്ന മിടുക്കൻ ഉയർന്ന ബെൽറ്റുകളും നേടി.