മസ്ജിദുന്നബവി: ഭിന്നശേഷിക്കാരുടെ വാഹന റിപ്പയറിങ്ങിന് മൊബൈൽ വർക്ക്ഷോപ്
text_fieldsഭിന്നശേഷിക്കാർക്ക് ഹറമിൽ ഉപയോഗിക്കുന്ന വാഹനം
മദീന: മദീനയിലെ പ്രവാചക പള്ളിയിൽ (മസ്ജിദുന്നബവി) ഭിന്നശേഷിക്കാരുടെ മാനുവൽ, ഇലക്ട്രിക് വാഹനങ്ങളുടെ അറ്റകുറ്റപ്പണികൾക്കായി മൊബൈൽ വർക്ക്ഷോപ് ഒരുക്കി. മസ്ജിദുന്നബവി കാര്യാലയമാണ് ഹറം മുറ്റങ്ങളിൽ ഈ സേവനം ഒരുക്കിയിരിക്കുന്നത്. വിദഗ്ധ സംഘത്തിന്റെ സേവനം ഹറമിന്റെ തെക്ക് ഭാഗത്തെ മുറ്റങ്ങളിൽ വൈകുന്നേരങ്ങളിൽ ലഭിക്കും. വണ്ടികളുടെ തകരാർ, തകരാർ തീർക്കാൻ വേണ്ട സമയം എന്നിവ സംഘം നിർണയിക്കും. കൂടുതൽ സമയം ആവശ്യമാണെങ്കിൽ ഗുണഭോക്താവിൽനിന്ന് വണ്ടി ഏറ്റുവാങ്ങുകയും പകരം വാഹനം നൽകുകയും ചെയ്യും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.