മേ​ള​പ്പെ​രു​ക്ക​വു​മാ​യി ച​രി​ത്ര​ത്തി​ലേ​ക്ക് കൊ​ട്ടി​ക്ക​യ​റി മേ​ളം റി​യാ​ദ് ടാ​ക്കീ​സ്

റി​യാ​ദ്: സൗ​ദി അ​റേ​ബ്യ​യു​ടെ സാം​സ്കാ​രി​ക ച​രി​ത്ര​ത്തി​ലേ​ക്ക് പ​ഞ്ചാ​രി​യും പാ​ണ്ടി​മേ​ള​വു​മാ​യി കൊ​ട്ടി​ക്ക​യ​റി ആ​ഘോ​ഷ​വേ​ദി​ക​ളും ഉ​ത്സ​വ ന​ഗ​രി​ക​ളും കീ​ഴ​ട​ക്കി മു​ന്നേ​റു​ക​യാ​ണ് മേ​ളം റി​യാ​ദ് ടാ​ക്കീ​സ് ചെ​ണ്ട​വാ​ദ്യം. റി​യാ​ദ് സീ​സ​ൺ, സ​ന്തോ​ഷ്‌ ട്രോ​ഫി റി​യാ​ദ്, ജി​ദ്ദ കോ​ൺ​സു​ലേ​റ്റ് തു​ട​ങ്ങി​യ വേ​ദി​ക​ൾ മു​ത​ൽ സൗ​ദി പൗ​ര​ന്മാ​രു​ടെ വി​വാ​ഹാ​ഘോ​ഷ​ങ്ങ​ളി​ൽ വ​രെ കേ​ര​ള​ത്തി​​ന്‍റെ ക്ഷേ​ത്ര വാ​ദ്യ​ക​ല​ക​ളി​ൽ പ്ര​ധാ​ന​പ്പെ​ട്ട​താ​യ ചെ​ണ്ട​മേ​ളം ജ​ന​ഹൃ​ദ​യം ക​വ​രു​ക​യാ​ണ്. ഓ​ണാ​ഘോ​ഷ​ങ്ങ​ളി​ലും ഫു​ട്​​ബാ​ൾ ടൂ​ർ​ണ​മെ​ന്‍റു​ക​ളി​ലും മാ​ളു​ക​ളി​ലും ഈ ‘​അ​സു​ര​വാ​ദ്യം’ ഒ​ഴി​ച്ചു​കൂ​ടാ​നാ​വാ​ത്ത ഒ​രി​ന​മാ​യി മാ​റി​യി​രി​ക്കു​ന്നു. 18 വാ​ദ്യ​ങ്ങ​ളി​ൽ പ്ര​ധാ​നി​യും സ​പ്ത മേ​ള​ങ്ങ​ളി​ൽ പ്ര​മാ​ണി​യു​മാ​യ ചെ​ണ്ട​വാ​ദ്യം റി​യാ​ദ് ടാ​ക്കീ​സി​​ന്‍റെ കൈ​യ​ട​ക്ക​ത്തി​ൽ ആ​സ്വ​ദി​ക്കു​മ്പോ​ൾ ത​രി​ച്ചു​പോ​കാ​ത്ത​വ​രാ​രു​മു​ണ്ടാ​കി​ല്ല. മൂ​ന്നാം വ​ർ​ഷ​ത്തി​ലേ​ക്ക് പ്ര​വേ​ശി​ക്കു​ന്ന മേ​ളം ടീം, ​നാ​ടി​ന്‍റെ ക​ലാ​രൂ​പം ലോ​ക​ത്തെ കാ​ണി​ക്കാ​ൻ ക​ഴി​ഞ്ഞ സ​ന്തോ​ഷ​ത്തി​ലും ആ​വേ​ശ​ത്തി​​ന്‍റെ നി​റ​വി​ലു​മാ​ണ്.

നാ​ട​ൻ​പാ​ട്ടി​ന് താ​ളം പി​ടി​ക്കാ​ൻ ക​ലാ​കാ​ര​നാ​യ മ​ഹേ​ഷ്‌ നാ​ട്ടി​ൽ​നി​ന്നെ​ത്തി​ച്ച ര​ണ്ട് ചെ​ണ്ട​യി​ൽ നി​ന്നാ​ണ് ഒ​രു ചെ​ണ്ട​മേ​ളം സം​ഘ​മെ​ന്ന ആ​ശ​യ​ത്തി​​ന്‍റെ പി​റ​വി. പി​ന്നീ​ട് ആ​ശാ​ന്മാ​രാ​യ ഹ​രീ​ഷും ഉ​ണ്ണി​യു​മെ​ത്തി​യ​തോ​ടെ ആ ​സ്വ​പ്ന​ത്തി​ന് ചി​റ​ക് മു​ള​ച്ചു. ഷൈ​ജു പ​ച്ച, റി​ജോ​ഷ്, സ​ജീ​ർ, അ​ന​സ്, ജ​ബ്ബാ​ർ മാ​മ​ൻ എ​ന്നി​വ​ർ അ​ര​യും ത​ല​യും മു​റു​ക്കി രം​ഗ​ത്തി​റ​ങ്ങി. ഷ​മീ​ർ ക​ല്ലി​ങ്ങ​ൽ, സു​ൽ​ഫി, കൊ​ച്ചു, പ്ര​ദീ​പ്‌, ജം​ഷീ​ർ, അ​ശോ​ക​ൻ എ​ന്നി​വ​ർ ചേ​ർ​ന്ന് അ​ണി​യ​റ​യി​ൽ താ​ളം മു​റു​ക്കി. സു​ധീ​പ്, സ​ജീ​വ്, സോ​ണി, ജി​ജി​ൽ, സ​നോ​ജ്, എ​ൽ​ദോ, ശാ​രി, സൈ​ദ്, ബാ​ദ്ഷാ, വി​ജ​യ​ൻ, ന​സീ​ർ, റി​ദ്​​വാ​ൻ എ​ന്നി​വ​ർ കൂ​ടി എ​ത്തി​യ​തോ​ടെ 21 അം​ഗ ടീ​മാ​യി മേ​ളം കൊ​ഴു​ത്തു. ഒ​രു​കൂ​ട്ടം ക​ലാ​കാ​ര​ന്മാ​രു​ടെ ഹൃ​ദ​യ​താ​ളം പ്ര​വാ​സ​ത്തി​​ന്‍റെ താ​ളു​ക​ളി​ൽ ഒ​രു നാ​ഴി​ക​ക്ക​ല്ലാ​യി മു​ദ്ര​ണം ചെ​യ്യ​പ്പെ​ടു​ക​യാ​യി​രു​ന്നു. ക​ബീ​ർ പ​ട്ടാ​മ്പി​യു​ടെ ഗോ​ഡൗ​ണാ​ണ് ആ​ദ്യ​കാ​ല​ത്തെ പ​രി​ശീ​ല​ന ക​ള​രി. പ​രി​മി​ത​മാ​യ പ​രി​ശീ​ല​ന സൗ​ക​ര്യ​ങ്ങ​ൾ മാ​ത്ര​മാ​ണ് ഇ​വി​ടെ​യു​ള്ള​ത്. ഏ​തെ​ങ്കി​ലും അ​ട​ച്ചി​ട്ട റൂ​മു​ക​ളി​ലാ​ണ് പ​ല​പ്പോ​ഴും പ്രാ​ക്ടീ​സ് ചെ​യ്യാ​റു​ള്ള​ത്. ഒ​രു ടീം ​തു​ട​ങ്ങു​മ്പോ​ൾ പ്രാ​ക്ടീ​സ് ചെ​യ്യാ​നു​ള്ള ഇ​ടം പോ​ലെ ത​ന്നെ അ​നു​യോ​ജ്യ​മാ​യ ഒ​രു ഗു​രു​വി​നെ ക​ണ്ടെ​ത്തു​ക എ​ന്ന​തും ശ്ര​മ​ക​ര​മാ​യ കാ​ര്യ​മാ​ണ്.

താ​ള​വാ​ദ്യ ക​ല​ക​ളി​ല്‍ ചെ​ണ്ട​മേ​ള​ങ്ങ​ൾ​ക്ക് അ​തി​പ്ര​ധാ​ന​മാ​യ സ്ഥാ​ന​മാ​ണു​ള്ള​തെ​ന്നും പാ​ണ്ടി, പ​ഞ്ചാ​രി, ധ്രു​വം, അ​ട​ന്ത, അ​ഞ്ച​ട​ന്ത, ചെ​മ്പ, ചെ​മ്പ​ട, ത്രി​പു​ട തു​ട​ങ്ങി​യ​വ​യാ​ണ് ചെ​ണ്ട​മേ​ള​ങ്ങ​ളെ​ന്നും ഇ​വ​യി​ല്‍ ‘പാ​ണ്ടി’​ക്കും ‘പ​ഞ്ചാ​രി’​ക്കു​മാ​ണ് ഏ​റെ പ്ര​ചാ​ര​മെ​ന്നും ഹ​രീ​ഷ് ആ​ശാ​ൻ പ​റ​ഞ്ഞു. ഇ​ടി​മു​ഴ​ക്ക​ത്തി​​ന്‍റെ നാ​ദം മു​ത​ൽ നേ​ർ​ത്ത ദ​ല​മ​ർ​മ​ര​ത്തി​ന്‍റെ ശ​ബ്​​ദം വ​രെ ഉ​ണ്ടാ​ക്കാ​ൻ സാ​ധി​ക്കു​ന്ന ഒ​രു അ​ത്ഭു​ത വാ​ദ്യോ​പ​ക​ര​ണ​മാ​ണ് ചെ​ണ്ട​യെ​ന്ന് ആ​സ്വാ​ദ​ക​ർ പ​റ​യാ​റു​ണ്ട്. സ​മ​ർ​പ്പ​ണ ബോ​ധ​മു​ള്ള കു​റെ ചെ​റു​പ്പ​ക്കാ​രാ​ണ് ഇ​പ്പോ​ൾ ഈ ​ടീ​മി​ലു​ള്ള​തെ​ന്നും സ​മ​യ​വും സ്ഥ​ല​വും ഒ​ത്തു​വ​ന്നാ​ൽ പു​തി​യ ത​ല​മു​റ​യി​ലെ കു​ട്ടി​ക​ൾ​ക്ക് പ​രി​ശീ​ല​നം കൊ​ടു​ക്കാ​ൻ ശ്ര​മി​ക്കു​മെ​ന്നും അ​ദ്ദേ​ഹം പ​റ​ഞ്ഞു. പ​രി​ശീ​ല​ന​ത്തി​​ന്‍റെ അ​വ​സാ​ന ഘ​ട്ട​ത്തി​ലാ​ണ് ചെ​ണ്ട​യ​ടി​ക്കാ​ൻ ന​ൽ​കു​ക. അ​തു​വ​രെ ഡ​മ്മി​ക​ളി​ലാ​ണ് താ​ളം പ​ഠി​ക്കു​ക. ഒ​രു നാ​ണ​യ​ത്തി​​ന്‍റെ ര​ണ്ടു​വ​ശ​ങ്ങ​ൾ എ​ന്ന​തു​പോ​ലെ​യാ​ണ് ചെ​ണ്ട​യും ഇ​ല​ത്താ​ള​വു​മെ​ന്നും മേ​ള​ങ്ങ​ളു​ടെ കാ​ല​വും ക​ലാ​ശ​വും മാ​റു​ന്ന​തു​പോ​ലെ ഇ​ല​ത്താ​ള​ത്തി​നും അ​തി​​ന്‍റേ​താ​യ കാ​ല​വും ക​ലാ​ശ​വും ഉ​ണ്ടെ​ന്നും സ​നു​രൂ​പെ​ന്ന ഉ​ണ്ണി​യാ​ശാ​ൻ പ​റ​ഞ്ഞു. ച​പ്പ​ങ്ങ പോ​ലു​ള്ള മ​ര​ത്തി​​ന്‍റെ കോ​ലു​ക​ൾ ഉ​പ​യോ​ഗി​ച്ചാ​ണ് ചെ​ണ്ട കൊ​ട്ടു​ന്ന​ത്. ചെ​ണ്ട​യി​ൽ ത​ന്നെ ഫ്യൂ​ഷ​ൻ ചെ​യ്യാ​നും നാ​സി​ക് ഡോ​ൾ കൂ​ടി ചേ​ർ​ത്ത് അ​വ​ത​ര​ണ​ത്തി​ൽ വൈ​വി​ധ്യം കൊ​ണ്ടു​വ​രാ​നും ആ​ലോ​ചി​ക്കു​ന്നു​ണ്ടെ​ന്ന് മാ​നേ​ജ​രാ​യ വി​ജ​യ​നും കോ​ഓ​ഡി​നേ​റ്റ​റാ​യ ഷൈ​ജു പ​ച്ച​യും ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.