മ​നം നി​റ​ച്ച പെ​രു​ന്നാ​ൾ

ഉ​ച്ച​വെ​യി​ൽ ക​ത്തു​ന്നു​ണ്ടെ​ങ്കി​ലും ചു​റ്റു​മു​ള്ള തെ​ങ്ങോ​ല​യി​ലും മ​ര​ച്ചി​ല്ല​യി​ലു​മൊ​ക്കെ ത​ട്ടി സു​ഖ​മു​ള്ള ത​ണു​ത്ത കാ​റ്റ് വീ​ശു​ന്നു​ണ്ടാ​യി​രു​ന്നു. കോ​ലാ​യി​ലെ തി​ണ്ണ​മേ​ൽ ഒ​രു നാ​ലാം ക്ലാ​സു​കാ​രി ആ​കാ​ശ​ത്തേ​ക്ക് ക​ണ്ണും ന​ട്ടി​രി​ക്കു​ന്നു. വു​ദു എ​ടു​ത്ത​പ്പോ​ൾ കി​ണ്ടി​യി​ൽ​നി​ന്നും ഒ​ര​ൽ​പം വാ​യി​ലേ​ക്കും ഇ​റ​ങ്ങി​യി​ല്ലേ? ഒ​രു സം​ശ​യം... അ​വ​ളു​ടെ ചി​ന്ത അ​താ​ണ്... അ​ല്ല ഇ​റ​ങ്ങി​യി​ട്ടു​ണ്ട്. കു​റ​ച്ച് ഇ​റ​ങ്ങ​ട്ടെ എ​ന്ന ഉ​ദ്ദേ​ശ്യ​മു​ണ്ടാ​യി​രു​ന്നു. എ​ന്നാ​ൽ അ​റി​യാ​തെ ആ​യാ​ൽ കു​ഴ​പ്പ​മി​ല്ല എ​ന്ന് ഉ​സ്താ​ദും ഉ​മ്മ​യും പ​റ​ഞ്ഞ​ത് ഓ​ർ​മ​വ​ന്ന​പ്പോ​ൾ ഇ​ത് ആ ​ഗ​ണ​ത്തി​ൽ പ​ട​ച്ചോ​ൻ കൂ​ട്ടു​മാ​യി​രി​ക്കും എ​ന്ന​വ​ൾ ക​രു​തി.

ഇ​രു​ന്ന്​ മ​ടു​ത്ത​പ്പോ​ൾ വീ​ടി​ന് മു​ട്ടി​നി​ൽ​ക്കു​ന്ന മു​റ്റ​ത്തെ തെ​ങ്ങി​െൻറ ഓ​രം ചേ​ർ​ന്നു​ള്ള ച​വി​ട്ടു​പ​ടി​യി​ലേ​ക്ക് വ​രി​വ​രി​യാ​യി വ​രു​ന്ന ഉ​റു​മ്പു​ക​ളോ​ട് കി​ന്ന​രി​ക്കാ​ൻ പോ​യി. ഇ​വ​രി​ൽ ആ​രു​ടെ​യോ മ​ങ്ങ​ലം ആ​യി​രി​ക്കും. സൂ​ക്ഷി​ച്ചു​നോ​ക്കി​യ​പ്പോ​ൾ കു​റെ പേ​ർ സ​ദ്യ​യു​ണ്ട് തി​രി​ച്ചു​വ​രു​ന്നു​ണ്ട്. ര​ണ്ട് കൂ​ട്ട​രും പ​ര​സ്പ​രം ലോ​ഗ്യം പ​റ​യു​ന്ന​ത് കാ​ണാം. ഉ​റു​മ്പി​നെ അ​തി​െൻറ വ​ഴി​ക്ക് വി​ട്ട് സ​മ​യം നോ​ക്കി​യ​പ്പോ​ൾ ഒ​രാ​ശ്വാ​സം... അ​സ​ർ ബാ​ങ്ക് കൊ​ടു​ക്കാ​ൻ ഇ​നി കു​റ​ച്ചേ​യു​ള്ളൂ. അ​ത് ക​ഴി​ഞ്ഞാ​ൽ മ​ഗ്‌​രി​ബ് ആ​വും.

കാ​യി പൊ​രി​ച്ച​തും നു​ള്ളി​യി​ട്ട​തും പ​രി​പ്പ് വ​ട​യും ഉ​ള്ളി​വ​ട​യും പി​ന്നെ ഗോ​ത​മ്പ്പു​ളി​യാ​ര​ലു​മാ​ണ് നോ​മ്പ് സ്‌​പെ​ഷ​ൽ. പൊ​രി​ക്കു​ന്ന മ​ണം അ​ടി​ച്ചാ​ൽ നീ​റാ​യി​ലേ​ക്ക് ഓ​ടും. അ​പ്പോ​ൾ ഉ​മ്മാ​െൻറ വ​ക ശാ​സ​ന​യാ​ണ്. കോ​ലാ​യി​ൽ പോ​യി ഇ​രു​ന്നോ. ഇ​ത് ക​ണ്ടാ ഇ​നി​ക്ക് പൂ​തി വ​രു​മെ​ന്ന് പ​റ​യും. എ​ന്നാ​ലും അ​വി​ടെ​ത്ത​ന്നെ ചു​റ്റി​പ്പ​റ്റി നി​ൽ​ക്കും. നോ​മ്പ് തു​റ​ക്കു​മ്പോ​ൾ കു​റെ തി​ന്ന​ണം. പൊ​രി​ച്ച​ത് ക​ണ്ണ് കൊ​ണ്ട് എ​ണ്ണി നോ​ക്കും. പ​ക്ഷേ, ഇ​ത്ത​വ​ണ വി​ഭ​വ​ങ്ങ​ൾ കു​റ​വാ​ണ്. ഉ​പ്പാ​വ കാ​ശ​യ​ക്കാ​ൻ കു​റ​ച്ചു വൈ​കി. എ​ന്നാ​ലും ഉ​ള്ള​ത് പോ​ലെ​യൊ​ക്കെ കൊ​ണ്ട്​ ഉ​മ്മ ഞ​ങ്ങ​ളെ നോ​മ്പു തു​റ​പ്പി​ച്ചു.

ഒ​ന്ന് പീ​ടി​ക​യേ​ൽ പോ​കാ​ൻ ഉ​മ്മ പ​റ​ഞ്ഞ​പ്പോ​ൾ ക്ഷീ​ണ​മൊ​ക്കെ എ​ങ്ങോ​ട്ടോ പോ​യി. അ​ത്ര​യും സ​മ​യം പോ​യി​ക്കി​ട്ടു​മ​ല്ലോ. പീ​ടി​ക​യി​ൽ ഉ​ണ്ട് രാ​ഘ​വേ​ട്ട​ൻ വ​ത്ത​ക്ക മു​റി​ച്ച് വെ​ച്ചി​രി​ക്കു​ന്നു. നോ​മ്പാ​യാ​ലു​ള്ള അ​പൂ​ർ​വ ക​ള​ർ​ഫു​ൾ കാ​ഴ്ച​ക​ളി​ലൊ​ന്നാ​ണ്. വ​ത്ത​ക്ക നോ​മ്പി​ന് മാ​ത്രം ഉ​ണ്ടാ​വു​ന്ന ഫ്രൂ​ട്ട് ആ​ണെ​ന്നാ​യി​രു​ന്നു കു​ഞ്ഞി​ലെ ധാ​ര​ണ. വ​ത്ത​ക്ക വാ​ങ്ങാ​ൻ പൂ​തി​യു​ണ്ട്. പ​ക്ഷേ, ഉ​മ്മാ​നോ​ട് അ​നു​വാ​ദം വാ​ങ്ങാ​ത്ത​ത് കാ​ര​ണം നാ​ളെ പ​റ​ഞ്ഞു വാ​ങ്ങാം എ​ന്ന് സ​മാ​ധാ​നി​ച്ചു. ഇ​നി നാ​ളേ​ക്ക് തീ​ർ​ന്നു​പോ​കു​മോ..? തി​രി​ച്ചു പോ​രു​മ്പോ​ൾ ഉ​ള്ളം നി​റ​യെ ആ ​ചി​ന്ത​യാ​യി​രു​ന്നു.

നോ​മ്പ് 27 ക​ഴി​ഞ്ഞ​പ്പോ​ൾ പി​ന്നെ ആ​ശ്വാ​സ​മാ​യി. ഇ​നി പെ​രു​ന്നാ​ളി​െൻറ പൊ​ലി​വാ​ണ്. കു​ട്ടി​ക​ളെ സം​ബ​ന്ധി​ച്ച് അ​ന്ന് മു​ത​ലേ പെ​രു​ന്നാ​ൾ ചി​ന്ത​ക​ളാ​ണ്. നോ​മ്പ് എ​ടു​ക്കു​ന്ന​തും അ​പൂ​ർ​വം. എ​ന്നാ​ൽ ഏ​റെ ദുഃ​ഖി​പ്പി​ച്ച കാ​ര്യം ഇ​ത്ത​വ​ണ പെ​രു​ന്നാ​ക്കോ​ടി ഉ​ണ്ടാ​വി​ല്ല എ​ന്ന​താ​യി​രു​ന്നു. വീ​ട്ടി​ലെ കാ​ര്യ​ങ്ങ​ളു​ടെ സ​ത്യാ​വ​സ്ഥ അ​റി​യാ​വു​ന്ന​തു​കൊ​ണ്ട് ബ​ഹ​ളം വെ​ച്ചി​ല്ല. അ​പ്പോ​ഴാ​ണ് ഇ​ത്താ​ത്ത​യു​ടെ യൂ​നി​ഫോം തു​ണി​യു​ടെ ഒ​രു പീ​സ് ബാ​ക്കി​യു​ള്ള​ത് ഓ​ർ​മ വ​ന്ന​ത്. അ​തു​കൊ​ണ്ട് പാ​വാ​ട അ​ടി​ക്കാം എ​ന്ന് ഉ​മ്മാ​നോ​ട് പ​റ​ഞ്ഞ​പ്പോ​ൾ സ​മ്മ​തി​ച്ചു. അ​തു​മാ​യി സു​രേ​​ന്ദ്രേ​ട്ട​െൻറ ത​യ്യ​ൽ ക​ട​യി​ലെ​ത്തി. പെ​രു​ന്നാ​ളി​െൻറ ത​ലേ​ന്ന് വീ​ട്ടി​ൽ കൊ​ണ്ടു​ത​രാ​മെ​ന്ന് വാ​ക്ക് ത​ന്നു. പ​ഞ്ചാ​ബി ഹൗ​സി​ലെ ബോ​ട്ട് കി​ട്ടി​യ കൊ​ച്ചി​ൻ ഹ​നീ​ഫ ക​ഥാ​പാ​ത്ര​ത്തി​െൻറ ചി​രി​യു​മാ​യി തി​രി​ച്ചു​ന​ട​ന്നു.

പെ​രു​ന്നാ​ൾ മാ​സം ക​ണ്ടു... പാ​വാ​ട​യു​മി​ല്ല. സു​രേ​​ന്ദ്രേ​ട്ട​നു​മി​ല്ല. നി​രാ​ശ ക​ടി​ച്ച​മ​ർ​ത്തി നേ​രം വെ​ളു​പ്പി​ച്ചു. ത​യ്യ​ൽ​പ്പീ​ടി​ക ല​ക്ഷ്യ​മാ​ക്കി ഒ​രോ​ട്ട​മാ​യി​രു​ന്നു. ക​ട തു​റ​ന്നി​ട്ടി​ല്ല. ഹൃ​ദ​യ​മി​ടി​പ്പ് കൂ​ടി... ഇ​പ്പോ​ൾ ക​ര​യും എ​ന്ന അ​വ​സ്ഥ എ​ത്തി​യ​പ്പോ​ൾ സു​രേ​​ന്ദ്രേ​ട്ട​ൻ വ​ന്നു. പാ​വാ​ട അ​ടി​ച്ചി​ട്ടി​ല്ല. സ​ങ്ക​ടം ക​ടി​ച്ച​മ​ർ​ത്തി, എ​നി​ക്കി​പ്പം പാ​വാ​ട കി​ട്ട​ണ​മെ​ന്ന് ചി​ണു​ങ്ങി... നി​ന്ന നി​ൽ​പ്പി​ൽ അ​ടി​പ്പി​ച്ചു വാ​ങ്ങി വീ​ട്ടി​ലെ​ത്തി. എ​ല്ലാ കു​ട്ടി​ക​ളും നി​റ​മു​ള്ള പെ​രു​ന്നാ​ൾ​ക്കോ​ടി ഇ​ട്ട് അ​യ​ൽ​വീ​ടു​ക​ളും ബ​ന്ധു​വീ​ടു​ക​ളും സ​ന്ദ​ർ​ശ​നം ന​ട​ത്തു​മ്പോ​ൾ എ​നി​ക്കും പു​തി​യ​ത് ഒ​ന്നു​ണ്ട​ല്ലോ എ​ന്ന് സ​മാ​ധാ​ന​ത്തോ​ടെ അ​ന്ന​ത്തെ എ​െൻറ പെ​രു​ന്നാ​ൾ ദി​ന​വും ക​ട​ന്നു​പോ​യി.

പി​ന്നീ​ട് ഒ​രി​ക്ക​ലും കോ​ടി ഇ​ല്ലാ​തെ പെ​രു​ന്നാ​ളു​ണ്ടാ​യി​ട്ടി​ല്ല. നി​റ​പ്പ​കി​ട്ടാ​ർ​ന്ന​തും വി​ല​കൂ​ടി​യ​തും ഒ​ക്കെ അ​തി​ൽ വ​ന്നി​ട്ടു​ണ്ട്. പ​ക്ഷേ എ​െൻറ മ​ന​സ്സി​ൽ ജീ​വി​ത​ത്തി​ലെ ഏ​റ്റ​വും വി​ല​പി​ടി​പ്പു​ള്ള പു​തു​വ​സ്ത്രം എ​െൻറ സ്കൂ​ളി​ലേ​ത്​ പോ​ലു​മ​ല്ലാ​ത്ത ചാ​ര​നി​റ​ത്തി​ലു​ള്ള ആ ​യൂ​നി​ഫോം പാ​വാ​ട ആ​യി​രു​ന്നു...