കലാസാഹിത്യ മത്സരങ്ങളുമായി സാംസ്കാരിക, വിദ്യാഭ്യാസ മന്ത്രാലയങ്ങൾ

യാം​ബു: സാം​സ്‌​കാ​രി​ക, വി​ദ്യാ​ഭ്യാ​സ മ​ന്ത്രാ​ല​യ​ങ്ങ​ൾ സം​യു​ക്ത​മാ​യി സം​ഘ​ടി​പ്പി​ക്കു​ന്ന ‘സാം​സ്കാ​രി​ക നൈ​പു​ണ്യ മ​ത്സ​ര’​ത്തി​ൽ 247,000ത്തി​ല​ധി​കം സൗ​ദി വി​ദ്യാ​ർ​ഥി​ക​ൾ പ​ങ്കെ​ടു​ത്ത​താ​യി സാം​സ്കാ​രി​ക മ​ന്ത്രി ബ​ദ​ർ ബി​ൻ അ​ബ്​​ദു​ല്ല ബി​ൻ ഫ​ർ​ഹാ​ൻ ട്വീ​റ്റ് ചെ​യ്തു. യു​വ​പ്ര​തി​ഭ​ക​ളെ ക​ണ്ടെ​ത്തു​ന്ന​തി​നാ​യി രാ​ജ്യ​ത്ത്​ ഇ​താ​ദ്യ​മാ​യാ​ണ്​ ഇ​ത്ത​ര​ത്തി​ലൊ​രു മ​ത്സ​രം സം​ഘ​ടി​പ്പി​ച്ച​ത്. അ​ഭി​വൃ​ദ്ധി​പ്രാ​പി​ക്കു​ന്ന സൗ​ദി സാം​സ്കാ​രി​ക മേ​ഖ​ല​ക്ക്​ കൂ​ടു​ത​ൽ ക​രു​ത്തു​പ​ക​രാ​നാ​ണ്​ ഇ​ത്. ഫൈ​ന​ലി​ലെ ജേ​താ​ക്ക​ൾ​ക്ക് ആ​കെ 50 ല​ക്ഷം റി​യാ​ലാ​ണ് സ​മ്മാ​ന​മാ​യി ല​ഭി​ക്കു​ക.

ഹ്ര​സ്വ ച​ല​ച്ചി​ത്രം, അ​റ​ബി​ക് കാ​ലി​ഗ്ര​ഫി, ദൃ​ശ്യ​ക​ല, സം​ഗീ​തം, നാ​ട​കം, ചെ​റു​ക​ഥ, നാ​ടോ​ടി​നൃ​ത്തം തു​ട​ങ്ങി​യ ഇ​ന​ങ്ങ​ളി​ലാ​ണ് മ​ത്സ​രം. ഏ​ഴ് ഘ​ട്ട​ങ്ങ​ളാ​യാ​ണ്​ മ​ത്സ​രം ന​ട​ക്കു​ന്ന​ത്. പൊ​തു​വി​ദ്യാ​ല​യ​ങ്ങ​ളി​ലെ വി​ദ്യാ​ർ​ഥി​ക​ളി​ൽ നി​ന്നാ​ണ്​ ഈ ​ഘ​ട്ട​ങ്ങ​ളി​ലൂ​ടെ​ പ്ര​തി​ഭ​ക​ളെ ക​ണ്ടെ​ത്തു​ന്ന​ത്. അ​വ​രു​ടെ സ​ർ​ഗ​സി​ദ്ധി​ക​ൾ ക​ണ്ടെ​ത്താ​നും വി​ക​സി​പ്പി​ക്കാ​നും ഓ​ൺ​ലൈ​ൻ പ​രി​ശീ​ല​നം ന​ൽ​കി​യ ശേ​ഷം​ മ​ത്സ​ര​ങ്ങ​ളി​ൽ പ​ങ്കെ​ടു​പ്പി​ക്കു​ന്ന രീ​തി​യി​ലാ​ണ്​ ന​ട​പ്പാ​ക്കു​ന്ന​ത്. ഫൈ​ന​ലി​ലെ​ത്തു​ന്ന​വ​ർ ത​ങ്ങ​ളു​ടെ സ​ർ​ഗ​സൃ​ഷ്​​ടി​ക​ൾ സ​മാ​പ​ന ച​ട​ങ്ങി​ൽ പ്ര​ദ​ർ​ശി​പ്പി​ക്ക​ണം.

ഇ​വി​ടെ ത​ത്സ​മ​യ മൂ​ല്യ​നി​ർ​ണ​യം ന​ട​ത്തും. ഒ​പ്പം അ​ഭി​പ്രാ​യ വോ​ട്ടെ​ടു​പ്പ് ന​ട​ത്തും. തു​ട​ർ​ന്ന്​ ഫൈ​ന​ൽ ജേ​താ​ക്ക​ളെ തെ​ര​ഞ്ഞെ​ടു​ക്കും. ഓ​രോ മ​ത്സ​ര​യി​ന​ത്തി​ലും ഒ​ന്നാം സ്ഥാ​നം നേ​ടു​ന്ന​വ​ർ​ക്ക് ഒ​രു ല​ക്ഷം റി​യാ​ലാ​ണ്​ സ​മ്മാ​നം. ര​ണ്ടാം സ്ഥാ​ന​ക്കാ​ർ​ക്ക്​ 75,000 റി​യാ​ലും മൂ​ന്നാം സ്ഥാ​ന​ത്തി​ന് 50,000 റി​യാ​ലു​മാ​ണ് സ​മ്മാ​നം. സാം​സ്‌​കാ​രി​ക​വും ക​ലാ​പ​ര​വു​മാ​യ മേ​ഖ​ല​ക​ളി​ലെ വി​ദ്യാ​ർ​ഥി​ക​ളു​ടെ ക​ഴി​വു​ക​ൾ ക​ണ്ടെ​ത്തു​ക​യും പ്രോ​ത്സാ​ഹി​പ്പി​ക്കു​ക​യും ചെ​യ്യു​ക എ​ന്ന ല​ക്ഷ്യ​ത്തോ​ടെ​യാ​ണ് ഈ ​മ​ത്സ​രം ന​ട​ക്കു​ന്ന​തെ​ന്ന് വി​ദ്യാ​ഭ്യാ​സ മ​ന്ത്രാ​ല​യ​ത്തി​​ന്റെ പ്രോ​ഗ്രാം അ​ണ്ട​ർ സെ​ക്ര​ട്ട​റി ഹ​മ​ദ് അ​ൽ മു​ഖ്ബി​ൽ പ​റ​ഞ്ഞു.

പൊ​തു​വി​ദ്യാ​ല​യ​ങ്ങ​ളി​ലെ പ്ര​തി​ഭ​ക​ളെ ക​ണ്ടെ​ത്തു​ക, അ​വ​രു​ടെ വൈ​ദ​ഗ്ധ്യ​വും അ​റി​വും പ​രി​ശീ​ലി​പ്പി​ക്കു​ക, ഓ​ൺ​ലൈ​ൻ മേ​ഖ​ല​യി​ൽ പ്രാ​വീ​ണ്യം ന​ൽ​കു​ക, ആ​ഗോ​ള മ​ത്സ​ര പ​രി​പാ​ടി​ക​ൾ​ക്ക് വി​ദ്യാ​ർ​ഥി​ക​ളെ പ്രാ​പ്ത​രാ​ക്കു​ക എ​ന്നി​വ​യാ​ണ് സാം​സ്കാ​രി​ക മ​ന്ത്രാ​ല​യം മ​ത്സ​ര​ത്തി​​ന്റെ ല​ക്ഷ്യ​മാ​യി കാ​ണു​ന്ന​തെ​ന്ന് അ​ണ്ട​ർ സെ​ക്ര​ട്ട​റി നോ​ഹ ക​ട്ട​ൻ പ​റ​ഞ്ഞു. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ വ്യ​ത്യ​സ്​​ത ക​ഴി​വു​ക​ളു​ള്ള പ്ര​തി​ഭ​ക​ൾ ധാ​രാ​ള​മു​ണ്ടെ​ന്നും രാ​ജ്യ​ത്തെ സാം​സ്കാ​രി​ക​വും സ​ർ​ഗാ​ത്മ​ക​വു​മാ​യ പു​രോ​ഗ​തി​ക്ക് അ​വ​രു​ടെ സം​ഭാ​വ​ന​ക​ൾ പ്ര​യോ​ജ​ന​പ്പെ​ടു​ത്താ​ൻ കൂ​ടി മ​ന്ത്രാ​ല​യം പ​ദ്ധ​തി ആ​വി​ഷ്ക​രി​ക്കു​ന്ന​താ​യും അ​ദ്ദേ​ഹം ചൂ​ണ്ടി​ക്കാ​ട്ടി.