നീ​തി മ​ന്ത്രാ​ല​യ​ത്തി​​ന്റെ ‘ത​റാ​ദി’ ത​ർ​ക്ക പ​രി​ഹാ​ര പ്ലാ​റ്റ്‌​ഫോം ​

യാം​ബു: സൗ​ദി നീ​തി മ​ന്ത്രാ​ല​യ​ത്തി​​ന്റെ ത​ർ​ക്ക പ​രി​ഹാ​ര ഡി​ജി​റ്റ​ൽ പ്ലാ​റ്റ്‌​ഫോ​മാ​യ ‘ത​റാ​ദി’ വ​ഴി ഇ​തു​വ​രെ പ്ര​യോ​ജ​നം ല​ഭി​ച്ച​ത്​​ 40 ല​ക്ഷ​ത്തി​ല​ധി​കം ആ​ളു​ക​ൾ​ക്ക്.

രാ​ജ്യ​ത്തെ നീ​തി​നി​ർ​വ​ഹ​ണ രം​ഗ​ത്തെ കാ​ലോ​ചി​ത​മാ​യ പ​രി​ഷ്‌​ക​ര​ണ​ത്തി​നും സ​മൂ​ഹ​ത്തി​നി​ട​യി​ൽ ഐ​ക്യ​വും സ​ഹ​വ​ർ​ത്തി​ത്വ​വും ഊ​ട്ടി​യു​റ​പ്പി​ക്കു​ന്ന​തി​നും വി​ട്ടു​വീ​ഴ്ച മ​നോ​ഭാ​വ​ത്തി​ന് കൂ​ടു​ത​ൽ പ്ര​ച​ര​ണം ന​ൽ​കു​ന്ന​തി​നു​മാ​യി ആ​രം​ഭി​ച്ച ‘ത​റാ​ദി’ പ്ലാ​റ്റ്‌​ഫോ​മി​​ന്റെ തു​ട​ക്കം മു​ത​ൽ ഇ​തു​വ​രെ 20 ല​ക്ഷ​ത്തി​ല​ധി​കം അ​നു​ര​ഞ്ജ​ന ച​ർ​ച്ച​ക​ൾ ഓ​ൺ​ലൈ​നാ​യി ന​ട​ത്താ​നാ​യി.

ഇ​തി​​ന്റെ ഗു​ണം 40 ല​ക്ഷ​ത്തി​ല​ധി​കം ഉ​പ​യോ​ക്താ​ക്ക​ൾ​ക്കാ​ണ് ല​ഭി​ച്ച​ത്. കൂ​ടാ​തെ 3,70,000ല​ധി​കം അ​നു​ര​ഞ്ജ​ന ക​രാ​റു​ക​ളി​ൽ തീ​ർ​പ്പു​ണ്ടാ​ക്കാ​നും ക​ഴി​ഞ്ഞ​താ​യി സൗ​ദി നീ​തി​വ​കു​പ്പ് വെ​ളി​പ്പെ​ടു​ത്തി.

വ്യ​ക്തി​ഗ​ത പ്ര​ശ്ന​ങ്ങ​ൾ, ട്രാ​ഫി​ക്, റി​യ​ൽ എ​സ്​​റ്റേ​റ്റ്, പി​ഴ, വാ​ണി​ജ്യ​മേ​ഖ​ല, പൊ​തു​സ്വ​ത്ത് വി​ഷ​യം, സാ​മ്പ​ത്തി​ക രം​ഗം, മെ​ഡി​ക്ക​ൽ മേ​ഖ​ല​യി​ലെ ദു​രു​പ​യോ​ഗ ത​ർ​ക്ക​ങ്ങ​ൾ എ​ന്നി​വ​യു​ൾ​പ്പെ​ടെ നി​ര​വ​ധി കേ​സു​ക​ൾ ‘ത​റാ​ദി’ വ​ഴി കൈ​കാ​ര്യം ചെ​യ്യു​ന്നു.

മ​ന്ത്രാ​ല​യ​ത്തി​ന് കീ​ഴി​ലു​ള്ള അ​നു​ര​ഞ്ജ​ന കേ​ന്ദ്ര​മാ​ണ് ഈ ​പ്ലാ​റ്റ്‌​ഫോം വ​ഴി ത​ർ​ക്ക​പ​രി​ഹാ​ര സെ​ഷ​നു​ക​ൾ വാ​ഗ്ദാ​നം ചെ​യ്യു​ന്ന​ത്. https://taradhi.moj.gov.sa/ എ​ന്ന ലി​ങ്കി​ൽ ‘ത​റാ​ദി’ പ്ലാ​റ്റ്ഫോം ല​ഭി​ക്കും. ഗു​ണ​ഭോ​ക്താ​ക്ക​ൾ​ക്ക് എ​ല്ലാ സ​മ​യ​വും ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​ൻ ഈ ​പ്ലാ​റ്റ്ഫോം വ​ഴി സാ​ധി​ക്കും.

സ​മൂ​ഹ​ത്തി​ൽ അ​നു​ര​ഞ്ജ​ന​ത്തി​​ന്റെ സം​സ്കാ​രം പ്രോ​ത്സാ​ഹി​പ്പി​ക്കു​ക, ത​ർ​ക്ക പ​രി​ഹാ​ര​ത്തി​ന്​ മു​ൻ​ഗ​ണ​ന​യു​ള്ള സാ​മൂ​ഹി​ക​വും സാ​മ്പ​ത്തി​ക​വു​മാ​യ ബ​ദ​ലാ​യി അ​തി​നെ സ്ഥാ​പി​ക്കു​ക എ​ന്ന​താ​ണ് കേ​ന്ദ്രം ‘ത​റാ​ദി’ വ​ഴി ല​ക്ഷ്യ​മി​ടു​ന്ന​ത്.

യോ​ഗ്യ​രാ​യ ‘സ​ർ​ട്ടി​ഫൈ​ഡ് കൗ​ൺ​സി​ലി​യേ​റ്റ​ർ​മാ​ർ’ വി​വി​ധ രീ​തി​യി​ൽ ത​ർ​ക്ക​ങ്ങ​ൾ കൈ​കാ​ര്യം ചെ​യ്യാ​ൻ ന​ട​പ​ടി സ്വീ​ക​രി​ക്കും. ക​രാ​റു​ക​ൾ ലം​ഘി​ക്കു​ന്ന സാ​ഹ​ച​ര്യ​ത്തി​ൽ പ്ലാ​റ്റ്‌​ഫോം ന​ൽ​കു​ന്ന അ​നു​ര​ഞ്ജ​ന രേ​ഖ​ക​ൾ എ​ൻ​ഫോ​ഴ്‌​സ്‌​മെ​ന്റ് കോ​ട​തി മു​ഖേ​ന ന​ട​പ്പാ​ക്കാ​വു​ന്ന​താ​ണ്.

ത​റാ​ദി വ​ഴി ന​ട​ത്തു​ന്ന അ​നു​ര​ഞ്ജ​ന​ത്തി​ലൂ​ടെ ഇ​ഷ്യു ചെ​യ്യു​ന്ന സാ​ക്ഷി​പ​ത്ര​ത്തി​ന് കോ​ട​തി​വി​ധി​യു​ടെ അ​തേ മൂ​ല്യ​മു​ണ്ടാ​കു​ക​യും ബ​ന്ധ​പ്പെ​ട്ട വ​കു​പ്പു​ക​ൾ വി​ധി ന​ട​പ്പാ​ക്കു​ക​യും ചെ​യ്തി​രി​ക്ക​ണ​മെ​ന്നാ​ണ് നി​യ​മം. കോ​ട​തി ന​ട​പ​ടി​ക​ൾ നീ​ണ്ടു പോ​കാ​തി​രി​ക്കു​ന്ന​തി​നും കേ​സു​ക​ളു​ടെ ബാ​ഹു​ല്യം മു​ഖേ​ന കോ​ട​തി​ക​ൾ നേ​രി​ടു​ന്ന പ്ര​യാ​സ​ങ്ങ​ൾ കു​റ​ക്കു​ന്ന​തി​നും ഇ​തു​വ​ഴി സാ​ധി​ക്കു​ന്നു.

കേ​സി​ലെ ക​ക്ഷി​ക​ൾ​ക്ക് നി​ർ​മി​ത ഓ​ഫീ​സ് സ​ന്ദ​ർ​ശി​ക്കാ​തെ ത​ന്നെ ത​ർ​ക്ക​ങ്ങ​ൾ ‘ത​റാ​ദി വ​ഴി ഓ​ൺ​ലൈ​നാ​യി പ​രി​ഹ​രി​ക്കാ​ൻ ക​ഴി​യു​ന്നു​വെ​ന്ന​താ​ണ് ഏ​റ്റ​വും വ​ലി​യ നേ​ട്ടം.