5000 കി​ലോ​മീ​റ്റ​റു​ക​ൾ​ക്ക​പ്പു​റ​ത്തു​നി​ന്നും സൈ​ക്കി​ളി​ലൊ​രു ഹാ​ജി

ജി​ദ്ദ: ഇ​ന്തോ​നേ​ഷ്യ​യി​ൽ​നി​ന്ന് അ​യ്യാ​യി​ര​ത്തോ​ളം കി​ലോ​മീ​റ്റ​റു​ക​ൾ സൈ​ക്കി​ളി​ൽ സ​ഞ്ച​രി​ച്ച് ഹ​ജ്ജ് നി​ർ​വ​ഹി​ക്കാ​നെ​ത്തി​യി​രി​ക്കു​ക​യാ​ണ് മു​ഹ​മ്മ​ദ് ഫൗ​സാ​ൻ. 2021 ന​വം​ബ​ർ നാ​ലി​ന് ഇ​ന്തോ​നേ​ഷ്യ​യി​ലെ സെ​ൻ​ട്ര​ൽ ജാ​വ മ​ഗെ​ലാ​ങ്ങി​ൽ​നി​ന്ന് യാ​ത്ര​തി​രി​ച്ച ഈ ​യു​വാ​വ് ഏ​ഴ​ര മാ​സ​ത്തി​ല​ധി​ക​മെ​ടു​ത്തു മ​ക്ക​യി​ലെ​ത്താ​ൻ.

ഇ​ന്തോ​നേ​ഷ്യ​യി​ൽ​നി​ന്ന് കൊ​ണ്ടു​വ​ന്ന പ​ര​മ്പ​രാ​ഗ​ത ഔ​ഷ​ധ​സ​സ്യ​ങ്ങ​ൾ വ​ഴി​യി​ലു​ട​നീ​ളം വി​റ്റ് യാ​ത്രാ​ച്ചെ​ല​വു​ക​ൾ​ക്കാ​യി പ​ണം ക​ണ്ടെ​ത്തി. കി​ഴ​ക്ക​ൻ ഇ​ന്തോ​നേ​ഷ്യ​യി​ലെ ദ​ക്ഷി​ണ സു​ലാ​വി​സി പ്ര​വി​ശ്യ​യി​ലെ മ​കാ​സ​ർ സ​ർ​വ​ക​ലാ​ശാ​ല​യി​ൽ​നി​ന്ന് അ​റ​ബി ഭാ​ഷ​യി​ലും ഇ​സ്‍ലാ​മി​ക പ​ഠ​ന​ത്തി​ലും ബി​രു​ദം നേ​ടി​യ​ശേ​ഷം ഫൗ​സാ​ൻ മ​തം, ഖു​ർ​ആ​ൻ മ​നഃ​പാ​ഠം എ​ന്നീ വി​ഷ​യ​ങ്ങ​ളി​ലെ അ​ധ്യാ​പ​ക​നാ​യി ജോ​ലി​ചെ​യ്യു​ക​യാ​ണ്. ഭാ​ര്യ​യും ര​ണ്ട് കു​ട്ടി​ക​ളു​മു​ള്ള ഈ ​യു​വാ​വ് മ​ലം​ഗി​ലെ ഇ​സ്‍ലാ​മി​ക് യൂ​നി​വേ​ഴ്സി​റ്റി​യി​ൽ​നി​ന്ന് വ്യ​ക്തി​ഗ​ത സ്റ്റാ​റ്റ​സ് അ​ഫ​യേ​ഴ്സി​ൽ ബി​രു​ദാ​ന​ന്ത​ര ബി​രു​ദം നേ​ടി​യ ശേ​ഷം ബി​രു​ദ​ദാ​ന ച​ട​ങ്ങി​ൽ പ​ങ്കെ​ടു​ത്ത​തി​ന് ശേ​ഷ​മാ​ണ് ജ​ന്മ​നാ​ട്ടി​ൽ​നി​ന്ന് യാ​ത്ര​തി​രി​ച്ച​ത്. ഇ​ന്തോ​നേ​ഷ്യ​യി​ൽ​നി​ന്നു​ള്ള മ​റ്റ് തീ​ർ​ഥാ​ട​ക​രോ​ടൊ​പ്പം അ​ദ്ദേ​ഹം ഈ ​വ​ർ​ഷ​ത്തെ ഹ​ജ്ജ് നി​ർ​വ​ഹി​ക്കും. ഇ​തി​നു​ള്ള അ​നു​മ​തി ഉ​ട​ൻ ല​ഭി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യി ഫൗ​സാ​ൻ പ​റ​ഞ്ഞു. ജി​ദ്ദ​യി​ലെ ഇ​ന്തോ​നേ​ഷ്യ​ൻ ഹ​ജ്ജ് മി​ഷ​ൻ ഇ​തി​നാ​വ​ശ്യ​മാ​യ ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്. ഇ​ന്തോ​നേ​ഷ്യ​യി​ൽ ഹ​ജ്ജി​ന് വേ​ണ്ടി ര​ജി​സ്റ്റ​ർ ചെ​യ്ത​തി​ന് ശേ​ഷം ഊ​ഴ​ത്തി​നാ​യി ഏ​ക​ദേ​ശം 40 വ​ർ​ഷം വ​രെ​യൊ​ക്കെ കാ​ത്തി​രി​ക്കേ​ണ്ടി​വ​രാ​റു​ണ്ടെ​ന്ന് യു​വാ​വ് പ​റ​യു​ന്നു. എ​ന്നാ​ൽ, ഹ​ജ്ജ് നി​ർ​വ​ഹി​ക്കാ​ൻ താ​ൻ അ​ക്ഷ​മ​നാ​യി​രു​ന്നു​വെ​ന്നും അ​ധ്യാ​പ​ക​നെ​ന്ന​നി​ല​യി​ൽ ത​ന്റെ ശ​മ്പ​ള​ത്തി​ൽ​നി​ന്ന് പ​ണം ലാ​ഭി​ച്ച് ഒ​രു​ക്കം ആ​രം​ഭി​ക്കു​ക​യും സൈ​ക്കി​ളി​ൽ യാ​ത്ര പു​റ​പ്പെ​ടു​ക​യു​മാ​യി​രു​ന്നു. ഹ​ജ്ജ് നി​ർ​വ​ഹി​ക്കു​ക​യും ഇ​സ്‌​ലാ​മി​ലെ മൂ​ന്ന് വി​ശു​ദ്ധ മ​സ്ജി​ദു​ക​ൾ സ​ന്ദ​ർ​ശി​ക്കു​ക​യും ചെ​യ്യു​ക എ​ന്ന​താ​ണ് ല​ക്ഷ്യം.

സൈ​ക്കി​ളി​ൽ യാ​ത്ര ചെ​യ്ത് പ്ര​യാ​സ​ക​ര​മാ​യ ദൗ​ത്യം പൂ​ർ​ത്തി​യാ​ക്കു​ക അ​സാ​ധ്യ​മാ​യി​രി​ക്കു​മെ​ന്ന് പ​ല​രും പ​റ​ഞ്ഞി​രു​ന്ന​താ​ണ്. എ​ന്നാ​ൽ, സാ​ധാ​ര​ണ​ക്കാ​ർ അ​സാ​ധ്യ​മെ​ന്ന് ക​രു​തു​ന്ന​കാ​ര്യ​ങ്ങ​ൾ സ​ർ​വ​ശ​ക്ത​നാ​യ ദൈ​വം എ​ളു​പ്പ​മാ​ക്കി​ത്ത​രു​മെ​ന്ന​തി​ന്റെ ന​ല്ല ഉ​ദാ​ഹ​ര​ണ​മാ​ണ് ത​ന്റെ യാ​ത്ര​യെന്നും ആ​ത്മാ​ർ​ഥ​മാ​യ

പ്രാ​ർ​ഥ​ന​ ഉ​ണ്ടെ​ങ്കി​ൽ അ​സാ​ധ്യ​മെ​ന്ന് തോ​ന്നു​ന്ന​തെ​ന്തും സാ​ധ്യ​മാ​ക്കാ​നാ​വു​മെ​ന്നും മു​ഹ​മ്മ​ദ് ഫൗ​സാ​ൻ പ​റ​യു​ന്നു.