![saudi tourism authority saudi tourism authority](https://www.madhyamam.com/h-upload/2023/04/29/1973091-saudi-tourism.webp)
കഴിഞ്ഞ വർഷം ഒമ്പത് കോടിയിലേറെ വിദേശികൾ സൗദി സന്ദർശിച്ചു
text_fieldsയാംബു: കഴിഞ്ഞ വർഷം ഒമ്പത് കോടി മൂന്ന് ലക്ഷം വിദേശികൾ സൗദി അറേബ്യ സന്ദർശിച്ചതായി സൗദി ടൂറിസം അതോറിറ്റിയുടെ റിപ്പോർട്ട്. സന്ദർശകർ മൊത്തം 185 ശതകോടി റിയാലിലധികം ചെലവഴിച്ചതായും റിപ്പോർട്ടിൽ ചൂണ്ടിക്കാട്ടി. രാജ്യത്ത് ആഭ്യന്തര ടൂറിസ്റ്റുകളുടെ എണ്ണം ഏഴരക്കോടിയായി ഉയർന്നതായും ആഭ്യന്തര ടൂറിസ്റ്റുകൾ കഴിഞ്ഞ വർഷം 9,000 കോടി റിയാൽ ചെലവഴിച്ചതായും റിപ്പോർട്ടിൽ സൂചിപ്പിക്കുന്നു.
‘വിഷൻ 2030’ പദ്ധതി ടൂറിസം മേഖലക്ക് വൻ ഉണർവാണ് ഉണ്ടാക്കിയിരിക്കുന്നത്. ലോകത്തിന്റെ നാനാഭാഗത്ത് നിന്ന് ആളുകൾ സൗദിയിലേക്ക് വരുന്നതിന്റെ എണ്ണം കൂടിവരികയാണ്. സൗദി ടൂറിസത്തെ കുറിച്ച് അന്താരാഷ്ട്രതലത്തിൽ പ്രമോഷൻ കാമ്പയിനുകൾ നടക്കുകയാണ്.
80 ലധികം രാജ്യങ്ങളിൽ 120ലധികം പ്രമോഷനൽ ട്രിപ്പുകൾ സംഘടിപ്പിച്ചു. വേൾഡ് ടൂറിസം ഓർഗനൈസേഷന്റെ കണക്ക് പ്രകാരം കഴിഞ്ഞ വർഷം ഏറ്റവും കൂടുതൽ ടൂറിസ്റ്റുകൾ എത്തിയ അറബ് രാജ്യം സൗദിയാണ്. 2.95 കോടി വിനോദ സഞ്ചാരികൾ കഴിഞ്ഞ വർഷം രാജ്യത്ത് എത്തിയതായി സൗദി ടൂറിസം അതോറിറ്റി വ്യക്തമാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.