പൈ​തൃ​ക​പെ​രു​മ​യി​ൽ അ​ൽ​ഉ​ല​യി​ലെ മ​ൺ​വീ​ടു​ക​ൾ

ത​ബൂ​ക്ക്​: മ​ദീ​ന പ്ര​വി​ശ്യ​യി​ലെ അ​ൽ​ഉ​ല​യി​ൽ പ​ഴ​യ നാ​ഗ​രി​ക​ത​യു​ടെ പ്ര​തീ​ക​മാ​യി കാ​ല​ത്തെ അ​തി​ജീ​വി​ക്കു​ന്ന മ​ൺ​വീ​ടു​ക​ൾ സ​ന്ദ​ർ​ശ​ക​രെ ആ​ക​ർ​ഷി​ക്കു​ന്നു. നൂ​റ്റാ​ണ്ടു​ക​ളാ​യി അ​ൽ​ഉ​ല മേ​ഖ​ല​യി​ലെ മ​ൺ​വീ​ടു​ക​ൾ അ​തി​ന്റെ പ്രൗ​ഢി​യും അ​തു​ല്യ​മാ​യ വാ​സ്തു​വി​ദ്യ​യും കൊ​ണ്ട് ത​ല​യു​യ​ർ​ത്തി നി​ൽ​ക്കു​ക​യാ​ണ്.

അ​റേ​ബ്യ​ൻ ജ​ന​ത​യു​ടെ പൂ​ർ​വി​ക​ർ ജീ​വി​ച്ചി​രു​ന്ന മ​ഹി​ത​മാ​യ ഭൂ​ത​കാ​ല​ത്തി​​ന്റെ ച​രി​ത്ര​വും അ​വ​രു​ടെ നാ​ൾ​വ​ഴി​ക​ളു​ടെ തു​ടി​ക്കു​ന്ന ക​ഥ​ക​ളും പോ​രാ​ട്ട ച​രി​ത​വു​മെ​ല്ലാം പു​തു​ത​ല​മു​റ​ക്ക് കൈ​മാ​റാ​ൻ ഈ ​ശേ​ഷി​പ്പു​ക​ൾ ഉ​പ​ക​രി​ക്കു​ന്നു.

പ​ഴ​മ​യു​ടെ പെ​രു​മ വി​ളി​ച്ചോ​തു​ന്ന ഓ​രോ മ​ൺ​വീ​ടും പ​ര​മ്പ​രാ​ഗ​ത വാ​സ്​​തു​വി​ദ്യ​യു​ടെ വി​സ്മ​യ കാ​ഴ്ചയാണ് ഒ​രു​ക്കു​ന്ന​ത്. ​പ്ര​ദേ​ശ​ത്തെ പ​രി​സ്ഥി​തി​യു​മാ​യി ഇ​ണ​ങ്ങി​ച്ചേ​രു​ന്ന രീ​തി​യി​ലു​ള്ള നി​ർ​മി​തി​യാ​ണ്​ ഓ​രോ വീ​ടി​​ന്റെ​യും.

ക​ല്ല്, ക​ളി​മ​ണ്ണ്, മ​രം എ​ന്നി​വ​യു​ൾ​പ്പെ​ടെ ത​ദ്ദേ​ശീ​യ​മാ​യി ല​ഭി​ക്കു​ന്ന വ​സ്തു​ക്ക​ളു​പ​യോ​ഗി​ച്ചാ​ണ് നി​ർ​മാ​ണം. അ​ടി​ത്ത​റ മു​ത​ൽ മേ​ൽ​ക്കൂ​ര വ​​രെ നി​ർ​മാ​ണ​ത്തി​ൽ അ​ന്ന​ത്തെ വാ​സ്​​തു​നി​ർ​മാ​ണ ജോ​ലി​ക്കാ​രു​ടെ വൈ​ദ​ഗ്‌​ദ്യ​വും അ​ർ​പ്പ​ണ​ബോ​ധ​വും പ്ര​ക​ട​മാ​ണ്. പു​രാ​ത​ന അ​റേ​ബ്യ​യു​ടെ നേ​ർ​ചി​ത്രം പു​ന​ർ​ജ​നി​ച്ച അ​നു​ഭ​വ​മാ​ണ് സ​ന്ദ​ർ​ശ​ക​ർ​ക്ക് പു​രാ​ത​ന അ​ൽ​ഉ​ല​യി​ലെ ഓ​രോ നി​ർ​മി​തി​ക​ളും പ​ക​ർ​ന്നു​ന​ൽ​കു​ന്ന​ത്.

കെ​ട്ടി​ട​ച്ചു​വ​രു​ക​ൾ ഇ​ഷ്​​ടി​ക​ക​ളും ഇ​ട​നാ​ഴി​ക​ക​ളും മു​റി​ക​ളും മ​രം​കൊ​ണ്ടും നി​ർ​മി​ച്ച​താ​ണ്. മേ​ൽ​ക്കൂ​ര​യും വാ​തി​ലു​ക​ളും ജ​ന​ലു​ക​ളു​മെ​ല്ലാം പു​ളി​മ​ര​വും ഈ​ന്ത​പ്പ​ന​യും കൊ​ണ്ടു​ള്ള​താ​ണ്. നൂ​റു​ക​ണ​ക്കി​ന് വീ​ടു​ക​ളാ​ണ്​ അ​വ​ശേ​ഷി​ക്കു​ന്ന​ത്.

ഒ​രു കോ​ട്ട​പോ​ലെ ഈ ​വീ​ടു​ക​ളെ​ല്ലാം പ​ര​സ്പ​രം ചേ​ർ​ന്നാ​ണി​രി​ക്കു​ന്ന​ത്. അ​ന്ന​ത്തെ മ​നു​ഷ്യ​ർ തു​ട​ർ​ന്നു​വ​ന്ന കെ​ട്ടു​റ​പ്പു​ള്ള സാ​മൂ​ഹി​ക ജീ​വി​ത​ത്തി​​ന്റെ നി​ദ​ർ​ശ​ന​മാ​ണി​ത്. 12ാം നൂ​റ്റാ​ണ്ടി​ലാ​ണ്​ അ​ൽ​ഉ​ല നാ​ഗ​രി​ക​ത ആ​വി​ർ​ഭ​വി​ച്ച​​തെ​ന്ന്​ അ​റ​ബ് ച​രി​ത്ര ഗ്ര​ന്ഥ​ങ്ങ​ൾ പ​റ​യു​ന്നു. അ​റ​ബ് വ്യാ​പാ​രി​ക​ളു​ടെ പൗ​രാ​ണി​ക യാ​ത്രാ​പാ​ത​യി​ലെ ഇ​ട​ത്താ​വ​ളം കൂ​ടി​യാ​യി​രു​ന്നു അ​ൽ​ഉ​ല.

ദ​മ​സ്ക​സി​ൽ​നി​ന്ന് മ​ക്ക​യി​ലേ​ക്കു​ള്ള ഹ​ജ്ജ് യാ​ത്ര​യി​ലെ ഇ​ട​ത്താ​വ​ള​മാ​യും അ​ൽ​ഉ​ല വ​ർ​ത്തി​ച്ചു. ഏ​ഴു​നൂ​റ്റാ​ണ്ടെ​ങ്കി​ലും പ​ഴ​ക്ക​മു​ള്ള​വ​യാ​ണ്​ വീ​ടു​ക​ളും മ​റ്റു കെ​ട്ടി​ട​ങ്ങ​ളും പ​ള്ളി​ക​ളും മാ​ർ​ക്ക​റ്റു​ക​ളു​മെ​ല്ലാം. ജ​ല​സ​മൃ​ദ്ധി​യും വ​ള​ക്കൂ​റു​മു​ള്ള കൃ​ഷി​ഭൂ​മി​യാ​യി​രു​ന്നു ഇ​വി​ടു​ത്തേ​ത്.

അ​തു​കൊ​ണ്ടാ​ണ്​ മ​നു​ഷ്യ​ർ ഇ​വി​ടെ ഒ​രു​മി​ച്ചു​കൂ​ടി ജീ​വി​ക്കാ​ൻ തു​ട​ങ്ങി​യ​ത്. മ​ദീ​നാ​പ്ര​വി​ശ്യ​യി​ലെ വ​ട​ക്കു​ഭാ​ഗ​ത്ത്​ 400 കി​ലോ​മീ​റ്റ​ർ ദൂ​ര​ത്താ​ണ്​ അ​ൽ​ഉ​ല സ്ഥി​തി​ചെ​യ്യു​ന്ന​ത്. പൗ​രാ​ണി​ക​കാ​ല​ത്ത് ശു​ദ്ധ​ജ​ലം സ​മൃ​ദ്ധ​മാ​യി ഒ​ഴു​കി​യ ര​ണ്ട് അ​രു​വി​ക​ൾ ഇ​വി​ടെ​യു​ണ്ടാ​യി​രു​ന്നെ​ന്ന് ച​രി​ത്രം പ​റ​യു​ന്നു.

ഈ ​അ​രു​വി​ക​ളു​ടെ ഓ​ര​ങ്ങ​ളി​ൽ ഉ​യ​രം​കൂ​ടി​യ ഈ​ന്ത​പ്പ​ന​ക​ൾ ധാ​രാ​ളം ഉ​ണ്ടാ​യി​രു​ന്നു​വ​ത്രെ. ഇ​ത് സൂ​ചി​പ്പി​ച്ചാ​ണ് ഉ​യ​രം കൂ​ടി​യ​ത് എ​ന്ന​ർ​ഥം കി​ട്ടു​ന്ന ‘അ​ൽ​ഉ​ല’ എ​ന്ന നാ​മം ഈ ​പ്ര​ദേ​ശ​ത്തി​ന് ല​ഭി​ച്ച​തെ​ന്നാ​ണ്​ ച​രി​ത്രം.

2008ൽ ​യു​നെ​സ്‌​കോ​യു​ടെ ലോ​ക​പൈ​തൃ​ക പ​ട്ടി​ക​യി​ൽ സൗ​ദി​യി​ൽ​നി​ന്ന് ആ​ദ്യം ഇ​ടം​നേ​ടി​യ പൗ​രാ​ണി​ക​കേ​ന്ദ്രം കൂ​ടി​യാ​ണ്​ അ​ൽ​ഉ​ല. മ​ദാ​ഇ​ൻ സ്വാ​ലി​ഹി​ലേ​ക്ക് ഇ​വി​ടെ​നി​ന്ന് 22 കി​ലോ​മീ​റ്റ​ർ ദൂ​ര​മാ​ണു​ള്ള​ത്. മ​ദാ​ഇ​ൻ സ്വാ​ലി​ഹ് കാ​ണാ​നെ​ത്തു​ന്ന​വ​ർ അ​ൽ​ഉ​ല​യി​ലെ ഈ ​പൈ​തൃ​ക ന​ഗ​ര​വും സ​ന്ദ​ർ​ശി​ക്കാ​റു​ണ്ട്.