റിയാദ്​ നഗരത്തിൽ മുനിസിപ്പാലിറ്റി പരിശോധന: മൂന്ന്​ പ്രമുഖ റസ്​റ്ററൻറുകൾ ഉൾപ്പടെ 29 സ്ഥാപനങ്ങൾ പൂട്ടി

റിയാദ്​: ജനങ്ങളുടെ ജീവിത നിലവാരം മെച്ചപ്പെടുത്തുന്നതിനും, ആരോഗ്യസുരക്ഷ മുൻനിർത്തിയും റിയാദ്​ നഗരത്തിൽ മുനിസിപ്പാലിറ്റി നടത്തിയ പരിശോധനയിൽ ഗുരുതര നിയമലംഘനങ്ങൾ നടത്തിയ മൂന്ന്​ പ്രമുഖ റസ്​റ്ററൻറുകൾ ഉൾപ്പടെ 29 സ്ഥാപനങ്ങൾ പൂട്ടി. അനധികൃതമായി ​േജാലി ചെയ്​ത 23 തൊഴിലാളികളെ അറസ്​റ്റ്​ ചെയ്​തു.

സൗദി തലസ്ഥാനനഗരത്തിലെ ന്യൂ മൻഫുഅ, ദീര, ഊദ്​, മർഖബ്​ എന്നിവിടങ്ങൾ കേന്ദ്രീകരിച്ച്​ നടത്തിയ പരിശോധനയിൽ പാചകം ചെയ്​ത 121 കിലോ ഉപയോഗശൂന്യമായ ഭക്ഷ്യവിഭവങ്ങളും, അനധികൃതമായും വൃത്തിഹീനമായ അന്തരീക്ഷത്തിലും സൂക്ഷിച്ച 4500 കിലോഗ്രാം ഭക്ഷ്യവസ്​തുക്കളും പിടികൂടി.

വിവിധയിനം നട്​സുകൾ വിൽക്കുന്ന രണ്ടു സ്​റ്റാളുകൾ, നാല്​ മൊബൈൽ ഫോൺ മെയിൻറനൻസ്​ കൗണ്ടറുകൾ, രണ്ട്​ തുണിക്കടകൾ, 53 പഴം-പച്ചക്കറി സ്​റ്റാളുകൾ എന്നിവ നീക്കം ചെയ്​തു.

റിയാദ്​ മേഖല ഡെപ്യൂട്ടി അമീറി​െൻറ മേൽനോട്ടത്തിന് കീഴിൽ റിയാദ്​ മുനിസിപ്പാലിറ്റിക്ക്​ കീഴിലുള്ള ജോയിൻറ്​ ഓപ്പറേഷൻസ്​ ടീമാണ്​ പരിശോധന നടത്തിയത്​. ബന്ധപ്പെട്ട വിവിധ അതോറിറ്റികളുടെ സഹകരണവുമുണ്ടായി. സ്ഥാപനങ്ങളുടെയും തൊഴിലാളികളുടെയും ഒൗദ്യോഗിക രേഖകളെല്ലാം പരിശോധനവിധേയമാക്കി.