മുസാഫിർ ഡോട്ട് കോം സൗദിയിലും; റിയാദിൽ കോർപറേറ്റ് ഓഫിസ് തുറന്നു
text_fieldsമുസാഫിർ ഡോട്ട് കോമിെൻറ കോർപറേറ്റ് ഒാഫിസ് സ്ഥാപകരായ ശൈഖ് മുഹമ്മദ് ബിൻ അബ്ദുല്ല അൽതാനിയും സച്ചിൻ ഗോദയയും ചേർന്ന് ഉദ്ഘാടനം ചെയ്യുന്നു
റിയാദ്: യു.എ.ഇയിലെ മുൻനിര ട്രാവൽ മാനേജ്മെൻറ് കമ്പനിയായ മുസാഫിർ ഡോട്ട് കോം സൗദി അറേബ്യയിലും പ്രവർത്തനം ആരംഭിച്ചു. പരിവർത്തന പദ്ധതിയായ വിഷൻ 2030െൻറ ചുവടുപിടിച്ച് അനന്ത സാധ്യതകൾ പ്രയോജനപ്പെടുത്താനാണ് സൗദി അറേബ്യയിലേക്കും തങ്ങളുടെ പ്രവർത്തന മേഖല വികസിപ്പിക്കുന്നതെന്ന് മാനേജ്മെൻറ് വാർത്ത കുറിപ്പിൽ അറിയിച്ചു. റിയാദിലാണ് ആദ്യ ഓഫിസ് പ്രവർത്തനം തുടങ്ങിയത്.
ഒലയ്യയിലെ തഹ്ലിയ സ്ട്രീറ്റിലുള്ള അക്നാസ് സെൻറിൽ ആരംഭിച്ച ഓഫിസിെൻറ ഉദ്ഘാടനം മുസാഫിർ ഡോട്ട് കോം സ്ഥാപകരായ ശൈഖ് മുഹമ്മദ് ബിൻ അബ്ദുല്ല അൽതാനിയും സച്ചിൻ ഗോദയയും ചേർന്ന് നിർവഹിച്ചു. ട്രാവൽ രംഗത്തെ പ്രമുഖർ ചടങ്ങിൽ സംബന്ധിച്ചു. രാജ്യത്തിെൻറ വളർന്നുവരുന്ന ടൂറിസത്തിനും കോർപറേറ്റ് ട്രാവൽ മേഖലക്കും സംഭാവന നൽകാനുതകും വിധം കോർപറേറ്റ് ഉപഭോക്താക്കളെയാണ് തങ്ങൾ ലക്ഷ്യമിടുന്നതെന്ന് ചടങ്ങിൽ സംസാരിച്ച മാനേജ്മെൻറ് പ്രതിനിധികൾ പറഞ്ഞു. ആഴ്ചയിൽ ഏഴുദിവസവും 24 മണിക്കൂറും സേവനം ലഭ്യമായിരിക്കും.
ടൂറിസം വരുമാനത്തിൽ അസാധാരണ കുതിപ്പാണ് സൗദി അറേബ്യക്കുണ്ടാവുന്നതെന്നും ഈ വർഷം ആദ്യ പാദത്തിൽ 37 ശതകോടി സൗദി റിയാലാണെങ്കിൽ തുടർന്നുള്ള പാദങ്ങളിൽ അതിനെയും മറികടന്നുള്ള വരുമാന വളർച്ചയാണ് ഈ രംഗത്തുണ്ടായെതന്നും ശൈഖ് മുഹമ്മദ് ബിൻ അബ്ദുല്ല അൽതാനി പറഞ്ഞു. ഇതിന് ആക്കം കൂട്ടുക എന്ന ലക്ഷ്യത്തോടെയാണ് സൗദിയിലെ ഞങ്ങളുടെ പുതിയ കോർപറേറ്റ് ഓഫിസ് ആരംഭിച്ചിരിക്കുന്നതെന്നും ഇത് ഞങ്ങളുടെ പ്രാദേശിക വിപുലീകരണ തന്ത്രത്തിെൻറ ഭാഗമാണെന്നും അദ്ദേഹം പറഞ്ഞു. 2007ലാണ് മുസാഫിർ ഡോട്ട് കോം ആരംഭിച്ചത്. അതിന് ശേഷം സുസ്ഥിര വളർച്ചയാണ് നേടുന്നതെന്നും കൂട്ടിച്ചേർത്തു.
റിയാദിലേക്കുള്ള ഞങ്ങളുടെ പ്രവേശനം മുസാഫിർ ഡോട്ട് കോമിെൻറ സുപ്രധാന നാഴികക്കല്ലാണെന്നും നൂതന ഓഫറുകളുടെ പ്രയോജനം വിനോദ മേഖലക്ക് ഉടൻ ലഭ്യമാകുമെന്നും സച്ചിൻ ഗോദയ പറഞ്ഞു. പുതിയ ലോഗോ അടുത്തിടെ പ്രകാശനം ചെയതെന്നും വാർത്ത കുറിപ്പിൽ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.