മഹാവിജയത്തിന്റെ  ആഹ്ലാദനിറവ്

ഹജ്ജ്​ മഹാവിജയമായതി​​​െൻറ ആഹ്​ളാദ നിറവിലാണ്​ സൗദി അറേബ്യ ഇത്തവണയും ദേശീയദിനം ആഘോഷിക്കുന്നത്​. ലോകത്ത്​ ഉപമകളില്ലാത്ത മനുഷ്യമഹാസംഗമം സംഘടിപ്പിച്ച്​ വീണ്ടും ഇതിഹാസം രചിച്ചിരിക്കുകയാണ്​ രാജ്യം. 23 ലക്ഷത്തിൽ പരം തീർഥാടകർ​ കർമപ്രധാനമായ ഹജ്ജ്​ സുഗമമായി നിർവഹിച്ചാണ്​ ഇൗ രാജ്യത്തോട്​ നന്ദിയോടെ വിടചൊല്ലുന്നത്​. അവർക്ക്​ സമ്മാനങ്ങൾ നൽകിയും സ്​നേഹം പകർന്നും യാത്രാമൊഴി നൽകിക്കൊണ്ടിരിക്കുകയാണ്​ സംഘാടകർ. അനുപമമാണ്​ ഇൗ സമാഗമവും തിരിച്ചുപോക്കും. ചരിത്രത്തി​​​െൻറ നിലക്കാത്ത തനിയാവർത്തനം. നാലായിരം സംവത്​സരങ്ങളായി തുടരുന്ന ഇൗ ലോകസമ്മേളനം മുടങ്ങാതെ നടക്കുന്നു എന്നത്​ ദൈവത്തി​​​െൻറ ദൃഷ്​ടാന്തമായി കരുതാം.

 കഴിഞ്ഞ വർഷം പതിനെട്ട്​ ലക്ഷത്തിൽ പരം വിശ്വാസികൾ ഹജ്ജ്​ നിർവഹിച്ചു എന്നായിരുന്നു കണക്ക്​. ഇത്തവണ അഞ്ച്​ ലക്ഷത്തിൽ പരം തീർഥാടകർ അധികമുണ്ടായിരുന്നു. എന്നാൽ അതി​​​െൻറ യാതൊരു തിരക്കും പ്രയാസമായി ആർക്കും അനുഭവപ്പെട്ടില്ല. പറയത്തക്ക അനിഷ്​ട സംഭവങ്ങൾ ഒന്നും റിപ്പോർട്ട്​ ചെയ്യപ്പെട്ടില്ല. ഒരു ലക്ഷം വിവിധ സേനകൾ അടക്കം മൂന്ന്​ ലക്ഷം സർക്കാർ ജീവനക്കാരാണ്​ ഹജ്ജി​​​െൻറ വിജയത്തിന്​ അഹോരാത്രം പണിയെടുത്തത്​. അവരെ നയിക്കാൻ ഹജ്ജ്​ മന്ത്രി ഡോ.മുഹമ്മദ്​ സ്വാലിഹ്​ ബിൻദൻ, മക്ക ഗവർണർ അമീർ ഖാലിദ്​ അൽ ഫൈസൽ തുടങ്ങിയവരുടെ ശക്​തമായ  നേതൃത്വം. സൗദി അറേബ്യയിലെ മുഴുവൻ സർക്കാർ വകുപ്പുകളുടെയും സന്നദ്ധ സംഘടനകളുടെയും ഏകോപനത്തി​​​െൻറ വിജയം കൂടിയാണിത്​. എല്ലാത്തിലുമുപരി സൽമാൻ രാജാവി​​​െൻറയും കിരീടാവകാശി അമീർ മുഹമ്മദ്​ ബിൻ സൽമാ​​​െൻറയും മുഴുസമയ മേൽനോട്ടം ഹജ്ജി​​​െൻറ വിജയക്കൊടി പാറിച്ചു. ഒരോ വർഷത്തെയു​ം ഹജ്ജ്​ അടുത്ത വർഷത്തേക്കുള്ള സംഘാടനത്തി​​​െൻറ പരീക്ഷണ ശാലയാണിവിടെ. ഇൗ വർഷത്തെ വീഴ്​ചകൾ അടുത്ത വർഷത്തേക്കുള്ള പാഠങ്ങളാണ്​. ആത്​മാർഥതയും അർപണബോധവുമുള്ള മനസുള്ളവർക്കേ ഇതുപോലൊരു ലോകസമ്മേളനം ഇൗ രീതിയിൽ സംഘടിപ്പിക്കാനാവൂ.

ഹജ്ജി​​​െൻറ മൂന്നാം ദിനത്തിൽ സൈനിക വിഭാഗത്തി​​​െൻറ ഹെലികോപ്​ടറിൽ  മക്കയുടെ ആകാശത്തിലൂടെ സഞ്ചരിച്ച്​ ഹജ്ജി​​​െൻറ കാഴ്​ചകൾ കാണാൻ  ​ അവസരം ലഭിച്ചു. പുണ്യനഗരത്തിനു മുകളിലൂടെയുള്ള യാത്രയുടെ വിസ്​മയത്തിനപ്പുറം  അൽഭുതപ്പെടുത്തിയത്​  23 ലക്ഷം പേർ സംഗമിച്ച സമ്മേളനത്തി​​​െൻറ ശാന്തതയായിരുന്നു. ഇത്ര വലിയൊരു സമ്മേളനം നടക്കു​േമ്പാഴും മക്കയുടെ താഴ്​വാരങ്ങൾക്ക്​ വല്ലാത്തൊരു ശാന്തതയുണ്ടായിരുന്നു. സംഘാടനത്തി​​​െൻറയും പശ്​ചാത്തല സൗകര്യവികസനത്തി​​​െൻറയും ആസൂത്രണത്തി​​​െൻറയും മികവാണ്​ മുകളിൽ നിന്ന്​ നോക്കിയപ്പോൾ ദർശിക്കാനായത്​. അറഫക്കടുത്ത്​ നിന്നാണ്​ ഞങ്ങൾ പറക്കാൻ തുടങ്ങിയത്​. തലേ ദിവസം 23 ലക്ഷം പേർ ഒരേ സമയം സംഗമിച്ചതി​​​െൻറ അടയാളങ്ങളൊന്നും അവിടെയില്ല. ഒന്നും സംഭവിക്കാത്ത പോലെ അറഫയും ജബലുറഹ്​മയും നിസ്സംഗമായി നിൽക്കുന്നു. കഅ്​ബയുടെ മുകളിലൂടെ പറന്നപ്പോൾ മനം നിറഞ്ഞു തുളുമ്പി. പട്ടണവഴികളെല്ലാം സാധാരണപോലെ.

കൂടാരനഗരമായ മിന ശാന്തമായ കടൽപോലെ. മിനായിൽ എല്ലാ വഴികളും ജംറയിലേക്ക്​ ശാന്തമായി ഒഴുകുന്നു. ജംറാത്തിലേക്ക്​ നിറഞ്ഞ ബോഗികളുമായി കൂകിപ്പാഞ്ഞുകെണ്ടേയിരിക്കുന്ന മശാഇർ മെട്രോ. ​ ലോകം മുഴുവൻ വന്നാലും ഉൾകൊള്ളാൻ പാകത്തിലാണ്​ ജംറാത്ത് സംവിധാനിച്ചിരിക്കുന്നത്​.  അത്രമേൽ ശാസ്​ത്രീയമായി നിർമിച്ചതിനാൽ എല്ലാവർക്കും പ്രയാസം കൂടാതെ കല്ലെറിയാൻ സാധിക്കുന്നു. ആസൂത്രണത്തി​​​െൻറ ലോകോത്തര മാ​ത​ൃകയാണിത്​.എത്രയൊക്കെ സംവിധാനങ്ങളുണ്ടായാലും ഇത്രയധികം മനുഷ്യർ ഒരേ സമയം ഒരേ ലക്ഷ്യത്തിലേക്ക്​ നീങ്ങു​േമ്പാൾ ദുരന്തങ്ങളും അത്യാഹിതങ്ങളും പ്രതീക്ഷിക്കണം. പ്രത്യേകിച്ച്​ പല തരം മനുഷ്യർ. പല ദേശക്കാർ. വ്യത്യസ്​ത ഭാഷയും സംസ്​കാരവും പെരുമാറ്റ രീതികളുമുള്ളവർ. ജനക്കൂട്ടത്തെ നിയന്ത്രിക്കുക എന്നത്​ വലിയൊരു മാനേജ്​മ​​െൻറ്​ ശാസ്​ത്രമാണ്​. സൗദി അറേബ്യ അവരുടെ പട്ടാളത്തെയും പൊലീസിനെയും മറ്റ്​ സേനകളെയും സർക്കാർ ജീവനക്കാരെയും ഇൗ ശാസ്​ത്രത്തിൽ ബിരുദാനന്തരബിരുദമുള്ളവരാക്കി മാറ്റിയെടുക്കുന്നു. മിനായിലെ ഹജ്ജ്​ സെക്യൂരിറ്റി ഫോഴ്​സ് കേന്ദ്രം സന്ദർശിക്കാനും അവസരം ലഭിച്ചു. അവിടെ വിന്യസിച്ച സ്​ക്രീനുകളിൽ പുണ്യഭൂമിയുടെ ഒാരോ ഇടങ്ങളിലും എന്താണ്​ നടക്കുന്നത്​ എന്ന്​ കാണാം. 5900 കാമറകളാണ്​ ഹജ്ജ്​ സുരക്ഷാകേന്ദ്രം  പുണ്യഭൂമിയിൽ വിന്യസിച്ചിരിക്കുന്നത്​. 

911 എന്ന കേന്ദ്രീകൃത ഒാപറേഷൻ സ​​െൻറർ സ്​ഥാപിച്ച ആയിരക്കണക്കിന്​ കാമറകൾ വേറെയുമുണ്ട്​. ഇൗ സ്​ക്രീനുകൾ സദാ നിരീക്ഷിച്ച്​ തൽസമയ സുരക്ഷാ നടപടികൾ സ്വീകരിച്ചുകൊണ്ടിരുക്കും​ പൊലീസ്​. ഹജജ്​^ഉറ കാലത്തെ മക്കക്ക്​ സുരക്ഷ ഉറപ്പുവരുത്താനാണ്​ മിനയിലെ പ്രത്യേക കേന്ദ്രം.   ഒാരോ വർഷത്തെ ഹജ്ജ്​ കഴിയു​േമ്പാഴും അടുത്ത ഹജ്ജിനുള്ള സുരക്ഷാ ഒരുക്കങ്ങൾ ആരംഭിക്കുമെന്ന്​  സെക്യൂരിറ്റിഫോഴ്​സ്​ മേധാവി പറഞ്ഞു.   വിവിധ സർക്കാർ വകുപ്പുകളുടെ ഏകീകൃത സ​​െൻറർ  കൂടിയാണിത്​. ഒാരോ വർഷവും സർക്കാർ വിഭാഗങ്ങളിൽ നിന്നും സ്വകാര്യമേഖലയിൽ നിന്നും പ്​ളാനുകൾ സ്വീകരിച്ചാണ്​ ഹജ്ജ്​ സെക്യരിറ്റി ഫോഴ്​സ്​ പ്​്​ളാൻ തയാറാക്കുന്നത്​. 87 പ്​ളാനുകളാണ്​ ഇത്തവണ വിവിധ വിഭാഗങ്ങളിൽ നിന്നായി ലഭിച്ചതെന്ന്​  കമാൻറ്​ ആൻറ്​ കൺട്രോൾ സ​​െൻറർ മേധാവി പറഞ്ഞു. 

ഹജ്ജിന്​ വേണ്ടി മാത്രം പ്രവർത്തിക്കുന്ന കൺ​േട്രാൾ റൂമിൽ കൂറ്റൻ സ്​ക്രീനിൽ എല്ലാ പുണ്യസ്​ഥലങ്ങളും ദൃശ്യമാണ്​. മുൻ വർഷങ്ങളെ അപേക്ഷിച്ച്​ ഇത്തവണ യാതൊരു അനിഷ്​ട സംഭവങ്ങളും   ഉണ്ടായി​ല്ലെന്ന്​ കൺട്രോൾ റൂം മേധാവി  ഇബ്രാഹിം അൽ ബുഷരി  പറഞ്ഞു. ഇ​തെല്ലാം തെളിയിക്കുന്നത്​ ആസൂത്രണത്തി​​​െൻറ അപാരമായ മികവുകളാണ്​. തീർഥാടകരുടെ യാത്രാ സംവിധാനങ്ങളു​െട ക്രമീകരണമാണ്​ മറ്റൊരു പ്രധാന യജ്​ഞം. വിമാനങ്ങൾ, ബസുകൾ, കപ്പലുകൾ എന്നിവയാണ്​ നിലവിൽ ഹാജിമാരുടെ യാത്രക്ക്​ ഉപയോഗിക്കുന്നത്​. അടുത്ത വർഷം മുതൽ ഹറമൈൻ ട്രെയിൻ കൂടി യാഥാർഥ്യമാവുന്നതോടെ ഹാജിമാരുടെ മക്ക, മദീന യാത്ര ആനന്ദകരമാവും എന്ന്​ പ്രതീക്ഷിക്കാം.