യാം​ബു​വി​ൽ കു​തി​ര ജംപി​ങ്​ ചാ​മ്പ്യ​ൻ​ഷി​പ് സ​മാ​പി​ച്ചു

യാം​ബു: വി​സ്‌​മ​യ​ക്കാ​ഴ്ച സ​മ്മാ​നി​ച്ച്​ യാം​ബു​വി​ൽ കു​തി​ര​ക​ളു​ടെ ദേ​ശീ​യ ജ​ംപി​ങ്​ ചാ​മ്പ്യ​ൻ​ഷി​പ് സ​മാ​പി​ച്ചു. സൗ​ദി ഇ​ക്വ​സ്ട്രി​യ​ൻ ഫെ​ഡ​റേ​ഷ​നി​ൽ ര​ജി​സ്​​റ്റ​ർ ചെ​യ്ത റൈ​ഡ​ർ​മാ​രും കു​തി​ര​ക​ളും പ​ങ്കെ​ടു​ത്ത മൂ​ന്നാ​മ​ത് ‘ഹോ​ഴ്സ്​ ജ​ംപി​ങ്’ മ​ത്സ​ര​മാ​ണ് യാം​ബു റോ​യ​ൽ ക​മീ​ഷ​ൻ ഇ​ക്വ​സ്ട്രി​യ​ൻ സെ​ന്റ​റി​ൽ ന​ട​ന്ന​ത്.

സൗ​ദി​യി​ലെ വി​വി​ധ പ്ര​ദേ​ശ​ങ്ങ​ളി​ൽ​നി​ന്ന്​ 130ല​ധി​കം റൈ​ഡ​ർ​മാ​ർ ത​ങ്ങ​ളു​ടെ കു​തി​ര​ക​ളു​മാ​യി മാ​റ്റു​ര​ച്ചു.

70 സെ​ന്റി​മീ​റ്റ​ർ മു​ത​ൽ 100 സെ​ന്റി​മീ​റ്റ​ർ വ​രെ ഉ​യ​ര​മു​ള്ള ഹാ​ർ​ഡി​ലു​ക​ൾ ചാ​ടി​ക്ക​ട​ന്ന്​ ആ​റു റൗ​ണ്ടു​ക​ളി​ൽ ന​ട​ന്ന മ​ത്സ​ര​ങ്ങ​ളി​ൽ പ​​ങ്കെ​ടു​ത്ത ​റൈ​ഡ​ർ​മാ​രി​ൽ കു​ട്ടി​ക​ളും യു​വ​തി​ക​ളു​മ​ട​ക്കം ഉ​ൾ​പ്പെ​ട്ട​ത്​ പ്ര​ത്യേ​ക​ത​യാ​യി. യാം​ബു റോ​യ​ൽ ക​മീ​ഷ​നി​ൽ അ​ഫി​ലി​യേ​റ്റ് ചെ​യ്ത ഇ​ക്വ​സ്ട്രി​യ​ൻ ഫെ​ഡ​റേ​ഷ​​ന്റെ കു​തി​ര സ​വാ​രി​കേ​ന്ദ്രം രാ​ജ്യ​ത്തെ ശ്ര​ദ്ധേ​യ കു​തി​ര​യോ​ട്ട പ​രി​ശീ​ല​ന​കേ​ന്ദ്രം കൂ​ടി​യാ​ണ്. വി​ദ​ഗ്​​ധ​രാ​യ പ​രി​ശീ​ല​ക​രു​ടെ മേ​ൽ​നോ​ട്ട​ത്തി​ൽ ഇ​വി​ടെ കു​തി​ര​സ​വാ​രി​ക്കും കു​തി​ര​ച്ചാ​ട്ട​ത്തി​നും പ​രി​ശീ​ല​നം ന​ൽ​കാ​ൻ മി​ക​ച്ച സം​വി​ധാ​നം ഒ​രു​ക്കി​യി​ട്ടു​ണ്ട്.

അ​ന്താ​രാ​ഷ്​​ട്ര മാ​ന​ദ​ണ്ഡ​ങ്ങ​ളോ​ടെ​യു​ള്ള സ്​​റ്റേ​ഡി​യ​ങ്ങ​ളും 103 കു​തി​ര ലാ​യ​ങ്ങ​ളും വെ​റ്റ​റി​ന​റി ക്ലി​നി​ക്കു​ക​ളും കേ​ന്ദ്ര​ത്തി​ലു​ണ്ട്. പൊ​തു​ജ​ന​ങ്ങ​ൾ​ക്ക് സൗ​ജ​ന്യ​മാ​യി കു​തി​ര​യോ​ട്ട, ചാ​ട്ട മ​ത്സ​ര​ങ്ങ​ൾ​ ആ​സ്വ​ദി​ക്കാ​ൻ ഗാ​ല​റി​ക​ളും ഒ​രു​ക്കി​യി​ട്ടു​ണ്ട്.

ര​ണ്ടു ദി​വ​സ​ങ്ങ​ളി​ലാ​യി ന​ട​ന്ന ഹോ​ഴ്സ് ഷോ ​ജ​ംപി​ങ്​ മ​ത്സ​രം ക​ണാ​ൻ ധാ​രാ​ളം പേ​രെ​ത്തി​യി​രു​ന്നു. ജ​ംപി​ങ് ഷോ​യി​ൽ വൈ​ദ​ഗ്ധ്യം നേ​ടി​യ കു​ട്ടി​ക​ളു​ടെ പ്ര​ക​ട​ന​മാ​ണ്​ കൂ​ട്ട​ത്തി​ൽ ഏ​റെ ശ്ര​ദ്ധേ​യ​മാ​യ​ത്. ഷോ ​ജ​ംപി​ങ്​ ആ​സ്വ​ദി​ക്കാ​ൻ സ്വ​ദേ​ശി​ക​ൾ പ​ല​രും കു​ടും​ബ​സ​മേ​ത​മാ​ണ് കേ​ന്ദ്ര​ത്തി​ലെ​ത്തി​യ​ത്. മ​ല​യാ​ളി​ക​ള​ട​ക്ക​മു​ള്ള ധാ​രാ​ളം സ​ന്ദ​ർ​ശ​ക​രും അ​പൂ​ർ​വ കു​തി​ര പ്ര​ക​ട​ന​ങ്ങ​ൾ കാ​ണാ​നെ​ത്തി​യി​രു​ന്നു.

സൗ​ന്ദ​ര്യ​ത്തി​ൽ ക​വ​ർ​ന്ന ചെ​റു​തും വ​ലു​തു​മാ​യ വി​ഭി​ന്ന നി​റ​ങ്ങ​ളി​ലു​ള്ള കു​തി​ര​ക​ളു​ടെ അ​പൂ​ർ​വ സം​ഗ​മ​വും അ​വ​യു​ടെ ഗ്രൗ​ണ്ടി​ലെ പ്ര​ക​ട​ന​വും വ​മ്പി​ച്ച ക​ര​ഘോ​ഷ​ത്തോ​ടെ​യാ​ണ് കാ​ണി​ക​ൾ എ​തി​രേ​റ്റ​ത്.

ജു​ബൈ​ൽ ആ​ൻ​ഡ് യാം​ബു ഇ​ൻ​ഡ​സ്ട്രി​യ​ൽ സി​റ്റി സ​ർ​വി​സ​സ് ക​മ്പ​നി (ജ​ബീ​ൻ), ഡെ​ൽ​റ്റ സ്പോ​ർ​ട്സ് ക​മ്പ​നി എ​ന്നി​വ​രു​ടെ സ​ഹ​ക​ര​ണ​ത്തോ​ടെ​യാ​ണ് മ​ത്സ​രം സം​ഘ​ടി​പ്പി​ച്ച​ത്. അ​വ​സാ​ന റൗ​ണ്ടി​ലെ ചാ​മ്പ്യ​ന്മാ​ർ​ക്കും ടൂ​ർ​ണ​മെ​ന്റി​ന്റെ സ്പോ​ൺ​സ​ർ​മാ​ർ​ക്കും സം​ഘാ​ട​ക​ർ​ക്കും റോ​യ​ൽ ക​മീ​ഷ​നി​ലെ ഉ​ന്ന​ത ഉ​ദ്യോ​ഗ​സ്ഥ​ർ അ​വാ​ർ​ഡു​ക​ൾ വി​ത​ര​ണം ചെ​യ്തു.