ഹജ്ജ് കർമത്തിനിടെ തിരുവനന്തപുരം സ്വദേശിനി മിനായില്‍ മരിച്ചു

മക്ക​: ഹജ്ജ് തീര്‍ഥാടനത്തിനിടെ തിരുവനന്തപുരം സ്വദേശിനി മിനായില്‍ മരിരച്ചു. കണിയാപുരം, കഠിനംകുളം, മുണ്ടഞ്ചിറ വി.ആര്‍ മന്‍സിലില്‍ അബ്​ദുല്‍ വഹാബി​െൻറ ഭാര്യ റാഹിലാ ബീവി (57) ആണ് മരിച്ചത്. വെള്ളിയാഴ്ച വൈകുന്നേരം മിനായില്‍ കഴിയവേയാണ് ശ്വാസതടസ്സം അനുഭവപ്പെട്ടത്. ആശുപത്രിയിൽ പ്രവേശിപ്പിച്ചെങ്കിലും രോഗം മൂർച്ചിച്ചതിനെ തുടർന്ന്​ മരണപ്പെടുകയായിരുന്നു. സ്വകാര്യ ഹജ്ജ് ഗ്രൂപ്പ് വഴിയാണ് ഹജ്ജിനെത്തിയത്​. മക്കള്‍: അന്‍സി, സജ്‌ന. മരുമക്കള്‍: അന്‍സര്‍ പാങ്ങോട്, അനസ് കണിയാപുരം. മൃതദേഹം മക്കയിൽ ഖബറടക്കുമെന്ന് ബന്ധുക്കള്‍ അറിയിച്ചു.