വിവിധ പദ്ധതികൾക്ക്​ സഹായം പ്രഖ്യാപിച്ച്​ രാജകീയ ഉത്തരവ്: ​സ്വകാര്യമേഖലക്ക്​ 72 ശതകോടിയുടെ പ്രത്യേക ഉത്തേജകഫണ്ട്​

ജിദ്ദ​: സൗദി സ്വകാര്യമേഖലയുടെ കരുത്ത്​ വർധിപ്പിക്കാൻ 72 ശതകോടി റിയാലി​​െൻറ പ്രത്യേക ഉത്തേജകഫണ്ട്​. വ്യാഴം രാവിലെ പുറത്തിറക്കിയ രാജകീയ ഉത്തരവിൽ ഇതുൾപ്പെടെ നിരവധി പദ്ധതികളും അതിനുള്ള സഹായവും സൽമാൻ രാജാവ്​ പ്രഖ്യാപിച്ചു​. കിരീടാവകാശി അമീർ മുഹമ്മദ്​ ബിൻ സൽമാ​​െൻറ ശിപാർശകളുടെ അടിസ്​ഥാനത്തിലാണ്​ തീരുമാനമെന്ന്​ ഒൗദ്യോഗികവാർത്താഏജൻസി അറിയിച്ചു. എണ്ണവിലയിടവിനെ തുടർന്നുണ്ടായ മാന്ദ്യം മറികടക്കാനും സാമ്പത്തിക പരിഷ്​കരണ നടപടികളുടെ പശ്​ചാത്തലത്തിലുമാണ്​ സ്വകാര്യമേഖലയെ സഹായിക്കുന്ന പദ്ധതികൾ പ്രഖ്യാപിച്ചത്​.

മൊത്തം 16 സംരംഭങ്ങൾക്കാണ്​ ധനസഹായം നൽകുക​. പൗരൻമാർക്കുള്ള ഭവനസബ്​സിഡിക്ക്​ 570 കോടിയാണ്​ മാറ്റിവെച്ചത്​. 800 കോടിയുടെ മൂലധനത്തോടെ ആരംഭിക്കാനിരിക്കുന്ന ‘എക്​സ്​പോർട്​ പ്രമോഷൻ ഫണ്ടി’ന്​ ആദ്യഗഡുവും അനുവദിച്ചിട്ടുണ്ട്​. 133 കോടി ഡോളറാണ്​ അനുവദിച്ചത്​. ‘എക്​സ്​പോർട്​ പ്രമോഷൻ ഫണ്ടി’നെ കുറിച്ച്​ കഴിഞ്ഞ ദിവസം ഉൗർജമന്ത്രി എൻജി. ഖാലിദ്​ അൽഫാലിഹ്​ സൂചന നൽകിയിരുന്നു. പൗരൻമാർക്കുള്ള ഹൗസിങ്​ ലോൺ പദ്ധതിക്ക്​ 213 കോടിയും ചെറുകിട, ഇടത്തരം സംരംഭങ്ങളുടെ പരോക്ഷ സഹായനിധിയിലേക്ക്​ 160 കോടിയും വകയിരുത്തി. 

രാജകീയ ഉത്തരവിലുള്ള പ്രധാന പദ്ധതികളും സഹായവും: 
(തുക റിയാലിൽ)

•  റെസിഡൻഷ്യൽ ഹൗസിങ്​ ലോൺ : 213 കോടി 
•  ധനകാര്യ പദ്ധതികൾ: 100 കോടി
•  ബുദ്ധിമുട്ടിലായ കമ്പനികൾക്കുള്ള സഹായം : 150 കോടി 
•  ചെറുകിട കമ്പനികളിൽ നിക്ഷേപം സൃഷ്​ടിക്കുന്നതിന്​ : 280 കോടി
•  ഉപയോഗക്ഷമതയേറിയ ശീതീകരണ സംവിധാന മേഖലക്ക്​ : 400 ദശലക്ഷം
•  എക്​സ്​പോർട്​ ഫൈനാൻസിങ്​ : 500 കോടി 
•  ചെറുകിട, ഇടത്തരം കമ്പനികൾക്കുള്ള സഹായം : 800 ദശലക്ഷം
•  ചെറുകിട, ഇടത്തരം കമ്പനികൾക്കുള്ള പരോക്ഷ സഹായനിധി: 160 കോടി
•  ചെറുകിട, ഇടത്തരം കമ്പനികളുടെ കസ്​റ്റംസ്​ ഫീസ്​ ഇളവ്​: 700 കോടി
•  വൻകിട നിക്ഷേപപദ്ധതികൾക്കുള്ള സഹായം: 500 കോടി (പൂർണ വിവരങ്ങൾ പുറത്തുവിട്ടിട്ടില്ല)
•  രാജ്യത്തെ ബ്രോഡ്​ബാൻഡ്​, ഫൈബർ ഒപ്​ടിക്​ സംവിധാനത്തിന്​ : 256 കോടി
•  അത്യാധുനിക നിർമാണ സാ​േങ്കതിക വിദ്യക്ക്​ : 1387 കോടി