മ​ക്ക, മ​ദീ​ന ഹ​റ​മു​ക​ളി​ൽവെ​ച്ച് നി​കാ​ഹ് ന​ട​ത്താ​ൻ അ​നു​മ​തി​യു​ണ്ടെ​ന്ന്​ മ​ന്ത്രാ​ല​യം

ജി​ദ്ദ: മ​ക്ക​യി​ലെ മ​സ്ജി​ദു​ൽ ഹ​റ​മി​ലും മ​ദീ​ന​യി​ലെ മ​സ്ജി​ദു​ന്ന​ബ​വി​യി​ലും​വെ​ച്ച് വി​വാ​ഹ ക​രാ​റു​ക​ൾ (നി​കാ​ഹ്) ന​ട​ത്താ​ൻ അ​നു​മ​തി​യു​ണ്ടെ​ന്ന്​ സൗ​ദി ഹ​ജ്ജ്, ഉം​റ മ​ന്ത്രാ​ല​യം. പു​ണ്യ​ഭൂ​മി​യി​ലെ​ത്തു​ന്ന തീ​ർ​ഥാ​ട​ക​രു​ടെ​യും സ​ന്ദ​ർ​ശ​ക​രു​ടെ​യും സൗ​ക​ര്യാ​ർ​ഥം മ​ക്ക​യി​ലെ​യും മ​ദീ​ന​യി​ലെ​യും ഇ​സ്​​ലാ​മി​ക വി​ശു​ദ്ധ ഗേ​ഹ​ങ്ങ​ളി​ൽ വി​വാ​ഹ ക​രാ​റു​ക​ൾ ന​ട​ത്താ​ൻ സൗ​ദി അ​ധി​കൃ​ത​ർ അ​നു​വാ​ദം ന​ൽ​കു​ന്ന​താ​യി ഹ​ജ്ജ്, ഉം​റ മ​ന്ത്രാ​ല​യ​ത്തെ ഉ​ദ്ധ​രി​ച്ച് പ്രാ​ദേ​ശി​ക പ​ത്ര​മാ​ണ് റി​പ്പോ​ർ​ട്ട് ചെ​യ്ത​ത്.

ഇ​ത്ത​ര​ത്തി​ൽ നി​കാഹ് ന​ട​ത്തു​ന്ന​തി​ന് നി​ശ്ചി​ത നി​ബ​ന്ധ​ന​ക​ൾ ബാ​ധ​ക​മാ​ണ്. പ​ള്ളി​ക​ളു​ടെ പ​വി​ത്ര​ത കാ​ത്തു​സൂ​ക്ഷി​ക്ക​ണം. ഉ​ച്ച​ത്തി​ലു​ള്ള ശ​ബ്​​ദ​മു​ണ്ടാ​ക്കി പ​ള്ളി​ക​ളി​ൽ ആ​രാ​ധ​ന​ക്കെ​ത്തു​ന്ന​വ​ർ​ക്കു ശ​ല്യ​മു​ണ്ടാ​ക്ക​രു​ത്. കാ​പ്പി, മ​ധു​ര​പ​ല​ഹാ​ര​ങ്ങ​ൾ തു​ട​ങ്ങി​യ ഭ​ക്ഷ​ണ​പ​ദാ​ർ​ഥ​ങ്ങ​ൾ ആ​വ​ശ്യ​ത്തി​ല​ധി​കം കൊ​ണ്ടു​വ​രു​ന്ന​ത് ഒ​ഴി​വാ​ക്ക​ണം.

പ​ള്ളി​യി​ൽവെ​ച്ച് നി​കാ​ഹ് ക​ർ​മം ന​ട​ത്തു​ന്ന​ത് പ്ര​വാ​ച​ക​​ന്‍റെ കാ​ലം മു​ത​ൽ ത​ന്നെ പ​തി​വു​ള്ള​താ​ണെ​ന്ന് ഇ​തു​മാ​യി ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ൻ മു​സാ​യ​ദ് അ​ൽ ജ​ബ്രി പ​റ​ഞ്ഞു. പ്ര​വാ​ച​ക​​ന്‍റെ പ​ള്ളി​യി​ൽ വി​വാ​ഹ ക​രാ​ർ ന​ട​ത്തു​ന്ന​ത് മ​ദീ​ന നി​വാ​സി​ക​ൾ​ക്കി​ട​യി​ൽ ഇ​തി​ന​കം സാ​ധാ​ര​ണ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പ​ല കാ​ര​ണ​ങ്ങ​ളാ​ലാ​ണ് ഇ​ങ്ങ​നെ ചെ​യ്യു​ന്ന​ത്.

വി​വാ​ഹി​ത​രാ​കു​ന്ന ദ​മ്പ​തി​ക​ളു​ടെ മി​ക്ക ബ​ന്ധു​ക്ക​ളെ​യും ക്ഷ​ണി​ക്കേ​ണ്ട​തു​ണ്ടാ​വും. പ​ല​പ്പോ​ഴും വ​ധു​വി​​ന്‍റെ വീ​ട്ടി​ൽ എ​ല്ലാ ക്ഷ​ണി​താ​ക്ക​ളെ​യും ഉ​ൾ​ക്കൊ​ള്ളാ​ൻ ക​ഴി​ഞ്ഞെ​ന്നു​വ​രി​ല്ല. അ​തി​നാ​ൽ, വി​വാ​ഹ ക​രാ​ർ ന​ട​ക്കു​ന്ന​ത് പ്ര​വാ​ച​ക​​ന്‍റെ പ​ള്ളി​യി​ലോ മ​സ്ജി​ദു ഖു​ബാ​യി​ലോ​ക്കെ വെ​ച്ചാ​യി​രു​ന്നു​വെ​ന്നും മു​സാ​യ​ദ് അ​ൽ ജ​ബ്രി കൂ​ട്ടി​ച്ചേ​ർ​ത്തു.