റിയാദിൽ വാഹനാപകടത്തിൽ ഒമ്പതു പേർക്ക് പരിക്ക്
text_fieldsറിയാദിൽ വാഹനങ്ങൾ കൂട്ടിയിടിച്ചപ്പോൾ
റിയാദ്: ശനിയാഴ്ച വൈകീട്ട് റിയാദ് നഗരത്തിന് വടക്കു ഭാഗത്തെ ബൻബാനിൽ രണ്ട് വാഹനങ്ങൾ കൂട്ടിയിടിച്ച് ഒമ്പതുപേർക്ക് പരിക്കേറ്റു. റെഡ് ക്രസൻറ് അതോറിറ്റിയും പൊലീസും ചേർന്ന് രക്ഷാപ്രവർത്തനം നടത്തി. പരിക്കേറ്റവരിൽ രണ്ടു പേരുടെ നില ഗുരുതരമാണെന്നും ആറുപേർക്ക് സാരമായ പരിക്കുണ്ടെന്നും പൊലീസ് അറിയിച്ചു. നേരിയ പരിക്കേറ്റ വ്യക്തിയെ പ്രാഥമിക ചികിത്സക്കു ശേഷം വീട്ടിലേക്ക് പറഞ്ഞയച്ചു. രണ്ടര മണിക്കൂർ നീണ്ട രക്ഷാപ്രവർത്തനത്തിനുശേഷം പരിക്കേറ്റവരിൽ രണ്ടുപേരെ വീതം കിങ് അബ്ദുൽ അസീസ് നാഷനൽ ഗാർഡ്, കിങ് അബ്ദുല്ല യൂനിവേഴ്സിറ്റി, സൗദി ജർമൻ ആശുപത്രികളിൽ പ്രവേശിപ്പിച്ചു. ഇവർ ഏത് രാജ്യക്കാരാണെന്ന് വ്യക്തമായിട്ടില്ല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.