നോർക്ക ഹെൽപ് ഡെസ്ക്കിന് മലബാർ ഗോൾഡ് 11 ടൺ ഭക്ഷ്യധാന്യം കൈമാറി
text_fieldsദമ്മാം: കോവിഡ് കാരണം സാമ്പത്തിക പ്രതിസന്ധിയിലായ പ്രവാസികൾക്ക് വിതരണം ചെയ്യാനായി മലബാർ ഗോൾഡ്, 11 ടണ്ണോളം ഭക്ഷ്യധാന്യം നോർക്ക ഹെൽപ് ഡെസ്ക്കിന് കൈമാറി. ഒരു ലക്ഷം റിയാലിലധികം വിലവരുന്ന സാധനങ്ങളാണ് കൈമാറിയത്. കിഴക്കൻ പ്രവിശ്യയിലെ ആയിരക്കണക്കിന് പ്രവാസികൾക്ക് ഭക്ഷ്യധാന്യങ്ങൾ വിതരണം ചെയ്തുകൊണ്ട്, കഴിഞ്ഞ ഒരു മാസമായി നോർക്ക ഹെൽപ് ഡെസ്ക് നടത്തുന്ന ജീവകാരുണ്യ പ്രവർത്തനങ്ങൾക്ക് പിന്തുണ നൽകാനുള്ള തീരുമാനത്തിെൻറ അടിസ്ഥാനത്തിലാണ് ഭക്ഷ്യസാധനങ്ങൾ കൈമാറിയതെന്ന് മലബാർ ഗോൾഡ് കമ്പനി സൗദി റീജനൽ ഡയറക്ടർ ഗഫൂർ ഇടക്കുനി അറിയിച്ചു.
ദുരിതത്തിലായ പ്രവാസികൾക്ക് ഭക്ഷ്യസാധന കിറ്റുകൾ വിതരണം ചെയ്യുന്ന നോർക്കയുടെ പ്രവർത്തനങ്ങൾക്ക് ഇതൊരു മുതൽക്കൂട്ടാകുമെന്നും മലബാർ ഗോൾഡ് കമ്പനിയുടെ ഈ സേവനത്തിന് നന്ദി പറയുന്നതായും നോർക്ക ഹെൽപ് ഡെസ്ക് ജനറൽ കൺവീനറും ലോകകേരള സഭാംഗവുമായ ആൽബിൻ ജോസഫ് പറഞ്ഞു. സൗദി ഇന്ത്യൻ പ്രവാസി സമൂഹത്തിൽ നിന്നും സർക്കാർ ഉദ്യോഗസ്ഥർ അടക്കമുള്ള അധികാരികളിൽ നിന്നും വമ്പിച്ച പിന്തുണയാണ് നോർക്ക ഹെൽപ് ഡെസ്ക്കിെൻറ സാമൂഹികസേവന പ്രവർത്തനങ്ങൾക്ക് ലഭിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.