വിദേശ ഇന്ത്യാക്കാർക്ക്​ വിവരാവകാശമില്ലെന്ന​​ കേ​ന്ദ്രമന്ത്രിയുടെ നിലപാട്​ തെറ്റെന്ന്​

റിയാദ്​: വിദേശത്തുള്ള ഇന്ത്യൻ പൗരന്മാർ​​ക്ക്​ വിവരാവകാശ നിയമം വിനിയോഗിക്കാനാവില്ലെന്ന്​ കേന്ദ്ര സഹമന്ത്രി ​േഡാ. ജിതേന്ദ്ര സിങ്​ ലോക്​സഭയിൽ നടത്തിയ പ്രസ്​താവന തെ​െറ്റന്ന് നിയമവിദഗ്​ധരും പ്രവാസി വിവരാവകാശ പ്രവർത്തകരും​. രാജ്യത്തുള്ള പൗരന്മാർക്ക്​ മാത്രമാണ്​ ഇൗ അവകാശം വിനിയോഗിക്കാൻ അവസരമെന്നും വിദേശത്തുള്ളവർക്കില്ലെന്നും മന്ത്രി ബുധനാഴ്​ചയാണ്​ ലോക്​സഭയെ അറിയിച്ചത്​. ഒാൺലൈൻ വിവരാവകാശ അപേക്ഷ സംബന്ധിച്ച്​ ജുഗൽ കിഷോർ ലോക്​സഭയിൽ ഉന്നയിച്ച സംശയങ്ങൾക്കുള്ള മന്ത്രിയുടെ മറുപടിയായിരുന്നു ഇത്​.  

വിവരം പുറത്തുവന്നതിനെ തുടർന്ന്​ പ്രവാസി വിവരാവകാശ പ്രവർത്തകർ ഉൾപ്പെടെ ഇതിനെതിരെ രംഗത്തുവന്നു. പൗരന്മാരുടെ കാര്യത്തിൽ ഇത്തരത്തിലൊരു വിവേചനം 2005 ലെ നിയമത്തിൽ ഇല്ലെന്ന്​ പ്രമുഖ അഭിഭാഷകൻ കൂടിയായ ഡോ. സെബാസ്​റ്റ്യൻ പോൾ ശനിയാഴ്​ച റിയാദിൽ മാധ്യമങ്ങളോട്​ പറഞ്ഞു. ഇന്ത്യൻ പൗരന്മാരായ മുഴുവനാളുകൾക്കും ഇൗ അവകാശമുണ്ട്​ എന്നാണ്​ നിയമത്തിൽ വ്യക്​തമാക്കുന്നത്​. അവർ രാജ്യത്തിന്​ അകത്തോ പുറത്തോ എന്നത്​ വിഷയമല്ല. വിദേശ ഇന്ത്യാക്കാർക്ക്​ നിയമപ്രകാരം അതാതിടങ്ങളിലെ  എംബസികളിൽ നിന്ന്​ വിവരം തേടാവുന്നതാണ്​. അതുപോലെ ഇന്ത്യയിലെ സർക്കാർ കേന്ദ്രങ്ങളിൽ നിന്നും തേടാം. നിരവധി വിവരാവകാശ പ്രവർത്തകർ പ്രവാസികൾക്കിടയിലും സജീവമാണ്​. എന്നിരിക്കെ മന്ത്രി നടത്തിയ പ്രസ്​താവന തെറ്റാണെന്നേ പറയാനാകൂ എന്നും ഡോ. സെബാസ്​റ്റ്യൻ പോൾ കൂട്ടിച്ചേർത്തു. 

കേന്ദ്രമന്ത്രിയുടെ പ്രസ്​താവന നിയമലംഘനമാണെന്നും പലതവണ താൻ ഇൗ അവകാശം വിനിയോഗിച്ചിട്ടുണ്ടെന്ന​ും റിയാദിലെ മുൻ സാമൂഹിക പ്രവർത്തകൻ ആർ. മുരളീധരൻ ‘ഗൾഫ്​ മാധ്യമ’ത്തോട്​ പറഞ്ഞു. റിയാദിലെ ഇന്ത്യൻ എംബസിയിൽ നിന്നും ജിദ്ദ കോൺസുലേറ്റിൽ നിന്നുമാണ്​ വിവരങ്ങൾ ശേഖരിച്ചത്​. ഇന്ത്യൻ മിഷന്​ കീഴിലെ സാമൂഹിക ക്ഷേമ ഫണ്ട്​ വിനിയോഗം സംബന്ധിച്ച്​ 2012 ൽ എംബസിയിലും പിറ്റേവർഷം ജിദ്ദ കോൺസുലേറ്റിലും വിവരവകാശ അപേക്ഷ നൽകി ഒൗദ്യോഗിക വിവരങ്ങൾ ലഭ്യമാക്കിയിട്ടുണ്ട്​. നിയമം അനുശാസിക്കുന്ന പ്രകാരം ഫീസടച്ച്​ നിശ്ചിത ഫോറത്തിൽ അപേക്ഷ നൽകിയാണ്​ വിവരങ്ങൾ നേടിയത്​. ^ മുരളീധരൻ സൂചിപ്പിച്ചു.  

ഒാൺലൈനിലൂടെ വിവരാവകാശ അപേക്ഷ നൽകാൻ പുതിയ സംവിധാനം കൂടി വന്നതോടെ അപേക്ഷകൾ വിദേശത്താണോ സ്വദേശത്താണോ എന്നങ്ങനെ അറിയുമെന്നും വിവരാവകാശ പ്രവർത്തകർ ചോദിക്കുന്നു.