മലപ്പുറം സ്വദേശിയെ ദമ്മാമിൽ തൂങ്ങിമരിച്ച നിലയിൽ കണ്ടെത്തി

ദമ്മാം: മലപ്പുറം ജില്ലയിലെ മോങ്ങം സ്വദേശിയായ യുവാവിനെ താമസ മുറിയിൽ തൂങ്ങിമരിച്ച നിലയിൽ കണ്ടെത്തി. മോങ്ങം ചെറുപൂത്തുർ വെള്ളാരം പാറക്കൽ ഹൗസിൽ അബ്​ദുല്ലക്കുട്ടിയുടെ മകൻ മഹമൂദാണ്​ മരിച്ചത്. ദമ്മാമിൽ നിന്ന്​ റിയാദിലേക്കുള്ള  ഹൈവേയിൽ  ആദ്യ ചെക്​പോസ്​റ്റിന്​ സമീപത്തെ ബൂഫിയയിൽ ജോലിക്കാരനായിരുന്നു. ഞായറാഴ്​ച ഉച്ചക്ക്​ വിശ്രമത്തിന്​​ താമസകേന്ദ്രത്തിലേക്ക്​ പോയ യുവാവ്​ തിരിച്ചുവരാത്തതിനെ തുടർന്ന്​  സഹപ്രവർത്തകർ അന്വേഷിച്ച്​ ചെന്നപ്പോഴാണ്​  തൂങ്ങിമരിച്ച നിലയിൽ കണ്ടത്​. മൃതദേഹം പൊലീസ്​ മോർച്ചറിയിലേക്ക്​ മാറ്റി. ഭാര്യ: സാഹിത