വാൻ ട്രെയ്​ലറിൽ ഇടിച്ച്​ മലയാളി മരിച്ചു

ജിദ്ദ: ജിദ്ദ-അല്ലൈത്ത് റോഡ് ചെക്ക് പോസ്​റ്റിന് സമീപം വ്യാഴം പുലർച്ചെ ഉണ്ടായ വാഹനാപകടത്തിൽ ചങ്ങരംകുളം സ്വദേശി മരിച്ചു. ഷാമി ട്രേഡിങ്ങ് കമ്പനിയുടെ അസീർ, ജീസാൻ മേഖല സെയിൽസ് മാൻ സഹീർ കോട്ടിരിഞ്ഞാലിൽ (42) ആണ്​ മരിച്ചത്. ചങ്ങരംകുളം കോക്കൂർ സ്വദേശിയാണ്. സഹീർ ഓടിച്ച ഡയന ചെക്ക് പോസ്​റ്റിൽ നിർത്തിയിട്ട ട്രെയ്​ലറിന് പിന്നിൽ ഇടിക്കുകയായിരുന്നു.

തലക്ക് ഗുരുതരമായ മുറിവേറ്റ അഹീറിനെ ഹൈവേ പോലീസ് ജിദ്ദ മഹജർ കിങ്​ അബ്​ദുൽ അസീസ് ഹോസ്പിറ്റലിൽ എത്തിച്ചെങ്കിലും മരണം സംഭവിച്ചു.
ഭാര്യ: അസ്മാബി. മക്കൾ: ഫാത്തിമ നസ്റിൻ, നഫീസത്തുൽ മിസ്റിയ, ഫാത്തിമ മഹ്റിൻ. പിതാവ്: കോട്ടിരിഞ്ഞാലിൽ കുഞ്ഞാപ്പു. മാതാവ്: ഖദീജ. സഹോദരങ്ങൾ: ഷിഹാബ് (തൃശൂർ), ഷമീറ.