വടകര സ്വദേശി ത്വാഇഫില്‍ നിര്യാതനായി

ത്വാഇഫ്: ഹൃദയാഘാതത്തെ തുടര്‍ന്ന് വടകര സ്വദേശി ഖലീല്‍ കുഞ്ഞു മുഹമ്മദ്​ (59) ത്വാഇഫിൽ നിര്യാതനായി. കഴിഞ്ഞ ദിവസം രാവിലെ എട്ടോടെ ഹവിയയിലെ താമസ സ്ഥലത്ത് ദേഹാസ്വാസഥ്യം അനുഭവപ്പെട്ടതിനെ തുടര്‍ന്ന് ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല. ഏറെ നാളായി ത്വാഇഫിൽ ജോലി ചെയ്ത് വരികയാണ്​. അഞ്ച് വര്‍ഷമായി കുടുംബവുമായി താമസിക്കുന്നു. ഭാര്യ: ഷഹര്‍ബാന്‍. ഹവിയ അമീര്‍ സുല്‍ത്താന്‍ ആശുപത്രി മോര്‍ച്ചറിയില്‍ സൂക്ഷിച്ച മൃതദേഹം ത്വാഇഫില്‍ മറവ് ചെയ്യാനുള്ള നടപടിക്രമങ്ങള്‍ പുരോഗമിക്കുകയാണ്​. സഹായത്തിനും മറ്റും ഹവിയ കെ.എം.സി.സി നേതാക്കള്‍ രംഗത്തുണ്ട്.