കൊല്ലം സ്വദേശി റിയാദിൽ മരിച്ചു

റിയാദ്​: ഹൃദയാഘാതം മൂലം മലയാളി റിയാദിൽ മരിച്ചു. കൊല്ലം ആദിച്ചനല്ലൂർ സ്വദേശി മോഹന വിലാസത്തിൽ പ്രകാശ് പിള്ള (52) യാണ് ശനിയാഴ്ച രാത്രി ബത്​ഹയിലെ സ്വകാര്യ ക്ലിനിക്കിൽ മരിച്ചത്. ശ്വാസതടസം അനുഭവപ്പെട്ടതിനെ തുടർന്ന്​ ഒരു ടാക്സി കാറിൽ ബത്​ഹയിലെത്തിച്ചെങ്കിലും ക്ലിനിക്കിൽ പ്രവേശിപ്പിക്കുന്നതിന്​ മുമ്പ്​ തന്നെ അദ്ദേഹം കുഴഞ്ഞുവീഴുകയായിരുന്നു. അടിയന്തര ചികിത്സ നൽകിയെങ്കിലും മിനിറ്റുകൾക്കുള്ളിൽ മരണം സംഭവിച്ചു. ഹൃദയാഘാതമാണെന്ന്​ ഡോക്ടർമാർ സ്ഥിരീകരിച്ചു. 10 വർഷമായി റിയാദിലുള്ള പ്രകാശ് ഒരു സ്വകാര്യ അലൂമിനിയം കമ്പനിയിൽ ജീവനക്കാരനായിരുന്നു. ശുമൈസി ആശുപത്രി മോർച്ചറിയിൽ മൃതദേഹം സൂക്ഷിച്ചിരിക്കുകയാണ്​. ഭാര്യ: ബിന്ദു. ഒമ്പത്​ വയസുള്ള ഒരു മകളുണ്ട്.