കൊല്ലം സ്വദേശി അൽഖോബാറിൽ മരിച്ചു

അൽഖോബാർ: മലയാളി അൽഖോബാറിൽ മലയാളി മരിച്ചു. ഒന്നര മാസം മുമ്പ് സൗദിയിലെത്തിയ കൊല്ലം പടപ്പനാൽ സ്വദേശി കൊച്ചു വീട്ടിൽ പടിഞ്ഞാറ്റതിൽ രാധാകൃഷ്ണ പിള്ളയാണ്​ (47) അൽഖോബാർ അൽമാന ആശുപത്രിയിൽ മരിച്ചത്​. ഹൃദയ സംബന്ധമായ അസുഖത്തെ തുടർന്നാണ്​ ആശുപത്രിയിൽ പ്രവേശിപ്പിച്ചത്​. ഹൃദയത്തിൽ നാല് ബ്ലോക്കുകൾ കണ്ടതിനെ തുടർന്ന് ശസ്​ത്ര​ക്രിയ നടത്തിയെങ്കിലും ജീവൻ രക്ഷിക്കാനായില്ല. മൃതദേഹം ഇതേ ആശുപത്രി മോർച്ചറിയിലാണ്. നാട്ടിൽ കൊണ്ടുപോകാനുള്ള നടപടികൾ പുരോഗമിക്കുന്നു.