ദമ്മാമിൽ കൊല്ലം സ്വദേശി ലിഫ്​റ്റിൽ നിന്ന്​ വീണുമരിച്ചു

ദമ്മാം: കൊല്ലം സ്വദേശി കിഴക്കൻ സൗദിയിലെ ദമ്മാമിൽ ജോലിക്കിടെ ലിഫ്റ്റിൽ നിന്ന് വീണുമരിച്ചു. കടക്കൽ, കുമ്മിൾ, സംബ്രമം സ്വദേശി പണയിൽ വീട്ടിൽ മുജീബ് (36) ആണ് മരിച്ചത്. പുതിയ കെട്ടിടത്തോട് ചേർന്ന് ലിഫ്റ്റ് നിർമിക്കുന്നതിനായുള്ള പ്രവർത്തനങ്ങൾ പുരോഗമിക്കുന്നതിനിടെ അബദ്ധത്തിൽ താഴെയുള്ള കുഴിയിലേക്ക് തലയടിച്ച് വീണാണ് അപകടം സംഭവിച്ചത്. തിങ്കളാഴ്ച രാവിലെയാണ് സംഭവം. ശനിയാഴ്ചയാണ് ലീവ് കഴിഞ്ഞ് നാട്ടിൽ നിന്ന് വന്നത്.പിതാവ്: നൂഹ്, മാതാവ്: റംലാ ബീവി. ഭാര്യ: ഷംന. മക്കൾ: അജ്മൽ, അഫ്സൽ. മൃതദേഹം ദമ്മാം സെൻട്രൽ ഹോസ്പിറ്റലിൽ. മൃതദേഹം ദമ്മാമിൽ ഖബറടക്കുന്നതിനുള്ള നടപടികൾ പുരോഗമിക്കുന്നു.