തക്കാരം ഫാമിലി കൂട്ടായ്‌മ ഓണാഘോഷം

ജിദ്ദ: തക്കാരം ഫാമിലി കൂട്ടായ്‌മ ജിദ്ദയിൽ ഓണാഘോഷം സംഘടിപ്പിച്ചു. ഹരാസാത്ത് വില്ലയിൽ നടന്ന ആഘോഷ പരിപാടികൾ സലീന മുസാഫിർ ഉദ്‌ഘാടനം ചെയ്തു.

ഷൗക്കത്ത് പരപ്പനങ്ങാടി അധ്യക്ഷത വഹിച്ചു. അബ്ദുൽ മജീദ് നഹ, മുസാഫിർ, ഹകീം പാറക്കൽ, നാസർ കോഴിത്തൊടി, സി.എം. അഹ്‌മദ്‌, ജലീൽ കണ്ണമംഗലം എന്നിവർ സംസാരിച്ചു. പത്താം ക്ലാസ് പരീക്ഷയിൽ ഉന്നത വിജയം നേടിയ മുഹമ്മദ് ഷനൂകിനെ ചടങ്ങിൽ ഉപഹാരം നൽകി ആദരിച്ചു. സോഫിയ സുനിൽ, മുഹമ്മദ് കുട്ടി അരിമ്പ്ര, ചന്ദ്രു, ഡോ. ഹാരിസ്, റഹീം മില്ല് എന്നിവർ ഗാനങ്ങൾ ആലപിച്ചു. റഫീഖ് കാടേരി, ഹാരിസ് കോട്ടക്കൽ, നൗഫൽ പാങ്ങ്, ലത്തീഫ് മക്ക, നാസർ മമ്പുറം, ഹംസ പൊന്മള, മുഹമ്മദ് കുട്ടി പെരിന്തൽമണ്ണ, മുഹ്‌സിൻ എടവണ്ണ തുടങ്ങിയവർ പരിപാടി നിയന്ത്രിച്ചു. അഷ്‌റഫ് ചുക്കൻ സ്വാഗതവും നൗഫൽ പാങ്ങ് നന്ദിയും പറഞ്ഞു.