സൗദിയിൽ ഒരു സ്വദേശിയും ആറ്​​ വിദേശികളും മരിച്ചു; പുതിയ ​േരാഗികൾ 1158

റിയാദ്​: കോവിഡ്​ ബാധിച്ച്​ വ്യാഴാഴ്​ച സൗദി അറേബ്യയിൽ ആറ്​​ വിദേശികളും ഒരു സ്വദേശിയും മരിച്ചു. 23നും 67നും ഇടയി ൽ പ്രായമുള്ള ആറ്​ വിദേശികൾ മക്കയിലും ജിദ്ദയിലുമാണ്​​ മരിച്ചത്​. മക്കയിൽ നാലും ജിദ്ദയിൽ രണ്ടും വിദേശികളാണ്​ മ രിച്ചത്​. ജിദ്ദയിൽ മരിച്ച സൗദി പൗരന്​ 69 വയസുണ്ട്​. ഇതോടെ രാജ്യത്തെ ആകെ മരണസംഖ്യ 121 ആയി ഉയർന്നു. പുതുതായി 1158പേരിലാണ്​ രോഗം സ്ഥിരീകരിച്ചത്​.

ആരോഗ്യവകുപ്പ് ഏഴാം ദിവസവും തുടർന്ന ഫീൽഡ്​ സർവേയിലൂടെയാണ്​ ഇത്രയും രോഗികളെ ക​ണ്ടെത്തിയത്​. പുതിയ രോഗികളിൽ 15 ശതമാനം മാത്രമാണ്​ സ്വദേശികൾ. 85 ശതമാനവും വിദേശികളാണെന്നും ഇൗയാളുകളെ മുഴുവൻ കണ്ടെത്തിയത്​ ആരോഗ്യവകുപ്പ്​ താമസകേന്ദ്രങ്ങളിലും ഗല്ലികളിലും മറ്റും നേരിട്ട്​ ചെന്ന്​ നടത്തിയ ആരോഗ്യ പരിശോധനയിലൂടെയാണെന്നും ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി വാർത്തസമ്മേളനത്തിൽ പറഞ്ഞു.

ഇതോടെ കോവിഡ്​​ ബാധിതരുടെ ആകെ എണ്ണം 13930 ആയി. ഇവരിൽ 1925 പേർ സുഖം പ്രാപിച്ചു. ബുധനാഴ്​ച 113 പേർക്കാണ്​ രോഗമുക്തിയുണ്ടായത്​. 11884 പേർ​ രാജ്യത്തെ വിവിധ ആശുപത്രികളിൽ ചികിത്സയിലാണ്​​​. ഇവരിൽ 93 പേർ​ ഗുരുതരാവസ്ഥയിലും​​. തീവ്രപരിചരണ വിഭാഗത്തിലാണ് ഇവർ​​.

ആരോഗ്യ വകുപ്പി​​െൻറ 150ലേറെ മെഡിക്കൽ ടീമുകളാണ്​ രാജ്യത്തെ വിവിധ ഭാഗങ്ങളിലായി ഫീൽഡ്​ സർവേയുമായി രംഗത്തുള്ളത്​. നാലുപേർ കൂടി പുതുതായി മരിച്ചതോടെ മക്ക മേഖലയിലെ കോവിഡ്​ ബാധിച്ചുള്ള മരണസംഖ്യ 49 ആയി​.

പുതിയ രോഗികൾ:മദീന 293, മക്ക 209, ജിദ്ദ 208, റിയാദ്​ 157, ഹുഫൂഫ്​ 78, ദമ്മാം 43, ജുബൈൽ 40, ത്വാഇഫ്​ 32, അൽഖോബാർ 28, ഉനൈസ 13, ബുഖൈരിയ 11, തബൂക്ക്​ 10, ഹാഇൽ 9, അൽഹദ 5, റാബിഗ്​ 5, യാംബു 4, അബഹ 1, ഖത്വീഫ്​ 1, ദഹ്​റാൻ 1, അൽബാഹ 1, അറാർ 1, നജ്​റാൻ 1, അഖീഖ്​ 1, ദറഇയ 1, ഹഫർ അൽബാത്വിൻ 1, അൽഖുറുമ 1, ഉമുൽ ദൂം 1, അൽമൻദഖ്​ 1, വാദി അൽഫറഅ്​ 1

മരണസംഖ്യ:മക്ക 49, മദീന 32, ജിദ്ദ 22, റിയാദ്​ 6, ഹുഫൂഫ്​ 3, ജീസാൻ 1, ഖത്വീഫ് 1​, ദമ്മാം 1, അൽഖോബാർ 1, ഖമീസ്​ മുശൈത്ത് 1​, ബുറൈദ 1, ജുബൈൽ 1, അൽബദാഇ 1, തബൂക്ക്​ 1.